من وقت ما دخلت ثانوي اللي هو اولى ثانوي وأنا ما بقيت اهتم بنفسي رياضيا حرفيا كنت بلعب كتير كوره ايام اعدادي واجري كتير بس لما دخلت ثانوي حسيت ان اهلي او الجيران هيتريقوا عليا وبطلت ألعب لأننا كنا بنلعب في شارعنا
حاجه تانيه مليش صحاب كتير غالبا اني اروح معاهم ملاعب فالحل ده ما كان موجود لما جربت اجري في المدرسه اثناء حصة الالعاب ما كنت بقدر بحس إن قلبي هيقف ونفسي بيقف وشيء غريب في صدري كأني بموت وحسيت بضعف اووووي لأني ما كنت كدا ومن زمان ما جريت الكلام ده من حوالي سنتين ومن وقتها حاسس باحباط وكنت خايف انزل جيم لاني حاسس اني مش هعمل اي شيء والكابتن هيقسى عليا وهو دا فكري.
ولحد دلوقتي كده فده خوف وعقلي بيقولي بلاش لقيت نفسي وزني زاد في منطقه البطن يعتبر جسمي تشوفني من بعيد يعتبر كويس بس هو في زياده دهون في منطقه البطن وبجد حاولت اشوف حل لقيت دكتور بيتكلم ان الدهون في البطن بتكون اصعب غير لما الجسم كله يكون تخين الصراحه حسيت باحباط.
فأنا بجد بحاول وعايز اتمرن على الابليكيشن خصوصا إني تالته ثانوي ومحتاج الرياضة أولا عشان التوتر ثانيا الاهم اني نفسي اخس، لكن المشكله اني اكلي بيكون مرتين باليوم الفطار والغداء بس الفطار حوالي 3 رغيف عيش وده يعتبر سيء لاني كنت من سنتين باكل 2 والغداء بيكون تقريبا في حدود طبقين سواء رز او مكرونه او 3 رغيف عيش.
حاسس باحباط لاني حرفيا مش بقدر استغني عن كمية الاكل دي ولو رحت لدكتور او جيم هيلزمني اكل اقل ولما لقيت فكرة التمرين على تطبيق رشاقة قولت اتمرن بس عقلي بيقولي ان تمريني على الفاضي ما دام باكل الكمية دي فهل ده صح؟
وازاي احاول اعدل نفسي لان التعود حرفيا مش عارف اكسره والمشكله اني مش بحس بمشكلتي الا مع نفسي غالبا لان جسمي يبان كويس ومضبوط بس فعلا وزني زاد جدا ناحية البطن حتى ما اعرف كام بس باين عندي ان فيه كرش ومش قادر اتخلص منه وعمري داخل في 19 اتمنى حد يفيدني لو عدى بتجربه مشابهه وشكرا
السلام عليكم ورحمه الله وبركاته. الحقيقه انا شايفه سبب المشكله اللي عندك كلها الافكار اللي انت بتحطها في يعني من وقت ما بطلت تلعب كوره وتنزل تجريه حوالين البيت علشان اهلي والجيران كده هيتريقوا عليا ادي اول فكره وديتك. للخمول بتاع جسمك ده اللي بعد كده بعد ما فوقت له بعد سنتين لقيت نفسك ممارسه اي جهد بدني بيعمل لك. مشكله في التنفس وتحس بتعب شديد جدا وده طبيعي يعني حاجه ما بتستخدمش بقاله كتير عضله بقى لها كتير ما بتستخدمش ولا تعمل درجه الجهد دي اول محمل عليها جامد هتتعب ده شيء طبيعي الفكره بتاعه الافكار دي القاتله برده انا هروح اخس بس اصل دهون البطن صعبه فتقريبا الموضوع كده هيبقى مفيش منه فايده طب انا هروح الجيم لا بس اصل انا حاطط فكره جوه دماغي ان الكابتن هيقس عليا الموضوع كله في الافكار اللي انت بتحطها جوه دماغك فبناء عليه بتقعدك برده. فاحنا ما فيش داعي ان احنا نخزن الافكار جوه دماغنا تبقى بتعطلنا نقف قدام الافكار دي ازاي انا لما تجيلي فكره زي دي اقول لها طب وانت ايش عرفك طب وايه اللي بياكد الكلام ده وطالما الفكره دي مش اكيده واللي بياكد الفكره او بينفيها هي تجربتي الشخصيه اهم من اي حاجه واهم من اي راي تمام فانا هقف قدام الفكره دي وهقول مثلا الكابتن هيئس عليا طب هو انا جربته. يعني خلاص اروح الجيم يوم واشوف هل فعلا الكابتن اللي هناك اسلوبه لطيف ولا احس ان هو بيقسى طب ولو لقيت كابتن الجيم ده الصوبه مش لطيف خلاص لما اروح جيم ثاني وهكذا. طيب انا دلوقتي باكل كميه اكل معينه طب انا جربت اقلل كميه الاكل لا مجرش انا بس حاطط فكره جوه دماغي اصل انا وقللت الكميه دي هجوع. طب انا جربتش وبعدين كل حاجه بتتعمل بالتدريج طالما انا منقطع بقالي فتره زي ما كده استاذه مي قالت لي بافكار كتير قوي عشان تبدا تعمل الموضوع تدريجيا يا ريت تسمع النصائح بتاعتها دي بتاخذ الموضوع تدريجيا بس قبل اي حاجه اشتغل على افكارك دي اللي هي بتقعدها. ربنا يوفقكم ان شاء الله.
تم النشر الأربعاء، ٢ أكتوبر ٢٠٢٤
الحقيقة ببساطة إن أي نشاط ولو كان بسيطًا يمكن أن يشكل فارقًا. لكن الأهم أن تحاول الابتعاد عن شعور اليأس والإحباط لأن التوتر والمشاعر السلبية عامة ستؤدي إلى نهم وزيادة في الأكل وربما حتى تأتي برد فعل عكسي من الجسم فيُفشل كل محاولاتك لخسارة الوزن. قم ببرمجة أفكارك والحديث بإيجابية مع نفسك وعن الأسباب التي تدفعك لخسارة الوزن ولماذا من المهم أن تفعل وما العوائق التي تخشى منها وكيف تتغلب عليها. عندما تضع كل هذه الأفكار أمامك سترتب تفكيرك وتعرف كيف تضع خطة منظمة وهدف تتمسك به إلى النهاية. *** من الطبيعي شعورك بتسارع ضربات قلبك وألم صدرك بعد توقف عن الرياضة فترة طويلة وستظل هكذا طالما لا تمارس أي نشاط، إذا حاولت الجري أو ممارسة رياضة عنيفة في الجيم أو غيره ستشعر بنفس الشيء والحل في البدء بخطوات صغيرة. بالنسبة لخسارة الوزن، يمكنك تجربة الصيام المتقطع، فكرته تقوم على إن الجسم خلال 12 ساعة يستغل الكربوهيدرات والسعرات الحرارية التي تناولتها خلال اليوم وبعد مرور 12 ساعة يبدأ في الحرق من مخزون الدهون. سيكون صعبًا في أول أيام لكن يمكنك أن تبدأ بالتدرج كأن تتناول آخر وجبة الساعة 8 مساءً ثم تفطر بعد 10 ساعات وتظل ترفع مدة الصيام حتى تتمكن من صيام 16 ساعة وخلال الثمان ساعات المتبقية يمكنك تناول الطعام كما تريد. لكن هذا لا يعني بالطبع أن تتناول كميات كبيرة جدًا... على الأقل حاول ألا تزيد كثيرًا عن السعرات الحرارية المطلوبة يوميًا. **** بالنسبة للتمارين الرياضية، لا تتسرع وتضع هدفًا كبيرًا كأن تقول سأنزل الجيم أو سأمارس يوميًا ساعة. ابدأ بـ 10 دقائق على الأقل لمدة أسبوع ثم تدرج بزيادة التمارين، وصدقني حتى هذه العشرة دقائق مع مرور الأيام ستجعل هناك فرقًا ستلاحظه بنفسك في تحسن نفسك وقدرتك على المشي لمسافات أطول وصعود السلالم بسرعة كذلك دون أن تشعر بمشكلة في تنفسك. من الأنشطة البسيطة أيضًا، المشي وصعود السلالم... إذا أردت الذهاب لمشوار قريب بدل أن تركب مواصلات قم بمشي هذه المسافة، بدل استخدام المصعد الكهربائي اصعد السلالم وانزلها. كل هذه الأنشطة مع الصيام المتقطع ستساعدك جدًا في نزول الوزن وأيضًا في شد الجسم والتخلص من الدهون. هناك أحد التمارين المهمة جدًا ويمكنك تنزيل تطبيق خاص له وحده، حاول أن تدخله بعد فترة في جدول تمارينك، التطبيق يبدأ من المستوى السهل إلى المحترف ويزيد في الصعوبة مع مرور الأيام، سيفيدك جدًا. **** الأهم في كل هذا أن تبدأ بنفس واعية ولديك عزيمة في استحقاقك لأن تكون في أفضل صورة من نفسك وأن تبتعد تمامًا عن فكرة أنك فاشل ولن تستطيع. وانتبه أيضًا أن أي تغيير يحتاج وقتًا فلا تركن للاستسلام بسرعة وإذا وقعت في يوم قم وواصل في اليوم التالي. بالتوفيق إن شاء الله.
تم النشر الثلاثاء، ١ أكتوبر ٢٠٢٤
أولاً، من الجيد أنك تشعر بالرغبة في تحسين صحتك ووزنك، وهذا يعد خطوة إيجابية نحو التغيير. من الواضح أنك تواجه مجموعة من التحديات النفسية والجسدية التي تعيقك عن البدء في ممارسة الرياضة بشكل منتظم. دعني أقدم لك بعض النصائح التي يمكن أن تساعدك في هذا السياق: تقبل نفسك : يجب عليك أن تتقبل وضعك الحالي وتفهم أن التغيير يحتاج إلى وقت. لا تقارن نفسك بالآخرين، وبدلاً من ذلك، حاول التركيز على أهدافك الشخصية وتحسين نفسك تدريجياً. حدد أهدافاً واقعية : ابدأ بممارسة التمارين بشكل خفيف وبانتظام. يمكنك البدء بالمشي أو الجري ببطء لمدة قصيرة ومن ثم زيادة المدة والمسافة تدريجياً. اجعل من هدفك أن تكون هذه العادة منتظمة، حتى لو كانت منخفضة الحدة في البداية. تنظيم نظامك الغذائي : حاول تقليل الكميات بشكل تدريجي. إذا كنت معتاداً على تناول 3 أرغفة من الخبز، حاول تقليلها إلى 2. تناول وجبات أصغر وأكثر تكراراً بدلاً من وجبتين كبيرتين قد يكون مفيداً أيضاً. استبدال العادات السيئة : حاول استبدال بعض الأطعمة غير الصحية بأطعمة صحية مع الحفاظ على كمية الطعام في حدود معقولة. يمكنك مثلاً تناول الفواكه والخضروات كوجبات خفيفة. ابحث عن دعم اجتماعي : بما أنك ذكرت عدم وجود أصدقاء لممارستهم الرياضة، حاول الانضمام إلى مجموعة رياضية أو صف رياضي، أو حتى البحث عن أصدقاء عبر الإنترنت يمكنهم مساعدتك. الدعم الجماعي يمكن أن يكون محفزاً لك. الثقة بنفسك : تأكد أن الجميع مر بمثل تجربتك في بداية مشوارهم. واجه مخاوفك بالتدريج وحاول بناء ثقتك بنفسك عبر تحقيق أهداف صغيرة. استشارة مختص احترافي : إذا كان هناك قلق صحي مستمر مرتبطة بجهودك، فكر في استشارة مختص التغذية أو مدرب رياضي يمكنه إرشادك بطريقة صحيحة. تذكر، التغيير يحتاج إلى وقت وصبر، والنجاح يأتي من الجهد المستمر. بإمكانك تحقيق أهدافك الصحية إذا بدأت الخطوات الصغيرة بشكل منتظم. وفقك الله. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ١ أكتوبر ٢٠٢٤
هقولك حاجه ي محترم انا برضو تقريبا كنت نفس الموضوع، بس لما قريت كتاب كامل عن الموضوع " شيفرة البدانه" متقرهوش عشان هو بيتكلم عن افكار كتير من ضمنها ان الهرمونات ف فترة المراهقه دي بتتلخبط،(هتاخد الهرمونات بالتفصيل ف ٣ث ان شاءالله)، انا استخلصتها ف ورقه، بس اللي انا استفدته وابتدييت انفذه، اني اقول لنفسي انا عاجبني شكلي كده، انا مبسوطه كده، وانا بحبك كده (اللي هو جسمي يعني) زي م انت.. متتصورش الموضوع هيفرق قد اي لما تحب نفسك، وتقعد تتكلم معاها براحه كده اكنك بتنصح واحد صديقك، تاني هام: ِا بتدي دخل عاده ب عاده براحه من غير م عقلك او جسمك ياخد باله، يعني انا قولت لنفسي اي، بصي الاسبوع ده انا هاكل اللي باكله عادي، بس انا هقطع سكر بس، مش هنعمل حاجه تانيه، والسكر ده انا كنت بشربه ف الشاي ف اضطريت اني اقطع شاي، عشان كان عاملي انيميه، وجيس وات الحمدُ لله قطعت سكر الاسبوع اللي اتفقت مع نفسي فيه، بس انا قولت لنفسي، انا هديكي ف اخر الاسبوع ده كيكه لو قطعتي السكر، ووالله حصل، الاسبوع اللي بعده هزود شرب مايه (دايما خلي جنبك ازازة مايه) وحصل بقيت مبعرفش اقعد من غير المايه جنبي وخد مايه معاك الدروس، عشان تروي جسمك ف الحر ده، والمايه حلوه للتخسيس عفكره، حضرتك بتاكل 3 ارغفه ف الصباح صح؟ ڪُل 3 زي م انت بس انت هتضحك علي نفسك هتمسك الرغيف كده وتقسمه نصين مش زى م احنا بنبسمه لا، مش هم بيبقوا طبقتين فوق بعض كده انت هتاكل طبقه منهم بس وده اسمه رغيف بالنسبالي، بس هو ف الواقع نص رغيف يغالي، فالبتالي قللت الكميه من غير م تحس وخد بالك العيش فيه جلوتين،والجلوتين ده ماشاء الله تبارك الله عليه بيزود الجسم بطريقه رهيبه ، الحاجه اللي بعد كده كُل اى بروتين ف الفطار حتي لو بيضه ده هيخليك مش جعان لفتره، عشان لو بدأت يومك بنشويات "الرز والعيش بالاخص" هتلاقي نفسك طول النهار عايز تاكل وجعان ومش هنخلص، الحاجه اللي مش فاكره هي رقم كام.. ان انت تضبط حياتك بالصلاه ودي اهم نقطه، قوم صلي الفجر عشان النوم الكتير بيزود الوزن، وعشان ده ديننا، انت لازم تصحي للفجر، قال رسول الله ﷺ:«بَشِر المَاشِينَ فِ الظُلَمِ بِالنُورِ التَامِ يَومَ القِيامَة». وكمان قال ﷺ:«بُورِكَ لِأُمَتِي فِي بُڪُورِهَا» يعني وقت الفجر ده ربنا بيبارك لنا فيه ف كل شيء وبيبارك ف الرزق، وانصحك تقوم ف الساعه اللي قبل الفجر لقيام الليل ربنا بينزل فيها ومبيردش سبحانه دعوة أي شخص ف الوقت ده، يعني يرضيك ربنا ينزلنا السماء الدنيا واحنا نايمين مش نقوم نستقبله كده، استقبال يليق بيه سبحانه، د اسمه كلام، قوله يارب انا قومت ليك عشان تستجيبلي ووالله م هيردك، واضبط بقا اكلك ع الصلوات، يعني، تاكل مثلا بعد صلاة الضحي مره، مش عارف تاكل بعد صلاة الظهر بساعتين، شويه العصر وهكذا ومتاكلش بسرعه وسمي الله عشان الشيطان مياكلش معاك، وكل براحه عشان تشبع بسرعه، شوفت أجمل من ڪده والله ديننا جميل، ومسابش حاجه الا وذكرها، واجبلك من القرءان آيه، بقولنا ازاي نضبط اكلنا: ﷽ "وَڪُُلُوا واشْرَبُوا وَلاَ تُسْرِفُوا إنَهُ لا يُحِبُ المُسرِّفِِين". ؐؐ صدق الله العظيم. بس نصيحه متقعدش تبص لنص الكوبايه الفاضي، بص لنص الكوبايه المليان، بحيث انك تبص لانك مش جسمك كله تخين، ياما ناس مش عارفه تمشي من وزنها، فقول الحمد لله يارب علي جسمي ده، ﷽" لَإِن شَڪََرتُمْ لَأزِيدَنَڪُمْ.".، اقعد شوف النِعم اللي ربنا عطهالك اي، واحمده كل يوم، متبقاش عندك كده اللي هو انت تألف النِعَم.. يقول صلى الله عليه وسلم: "مَنْ كَانَتِ الآخِرَةُ هَمَّهُ؛ جَعَلَ اللَّهُ غِنَاهُ فِي قَلْبِهِ، وَجَمَعَ لَهُ شَمْلَهُ، وَأَتَتْهُ الدُّنْيَا وَهِيَ رَاغِمَةٌ، وَمَنْ كَانَتِ الدُّنْيَا هَمَّهُ؛ جَعَلَ اللَّهُ فَقْرَهُ بَيْنَ عَيْنَيْهِ، وَفَرَّقَ عَلَيْهِ شَمْلَهُ، وَلَمْ يَأْتِهِ مِنَ الدُّنْيَا إِلا مَا قُدِّرَ لَهُ". الحياة بسيطة؛ صلي، اشرب الماء بكميات كافية ، تناول الطعام الصحي ، حافظ على رائحتك لطيفة ، ارتدي ملابس مهندمة ، تجنب المقارنة ، اهتم بشؤونك. لا تبالغ في تعقيد الأمر. وبسڪده السلام عليكم ورحمة الله.
تم النشر الخميس، ٣ أكتوبر ٢٠٢٤
لازم تشيل الوسواس دي الاول من دماغك تقنع من جواك انك تقدر تعمل دايت وتلتزم بين وتشوف حالات لناس قبل وبعد عشان تتفائل وتعرف ان في ناس كانت برده عندها نفس المشكله واتحلت عامة في دكاتره دايت بيراعوا ان الشخص متعود علي كميه معينه من الاكل في بداية الدايت مع التمارين إن شاء الله تلاقي النتيجه كويسه وهتتشجع انك تعمل بس اهم حاجه متخليش فكره انك مش هتقدر تسيطر عليك
تم النشر الثلاثاء، ١ أكتوبر ٢٠٢٤
لعرض السؤال في فدني اضغط هنا