السلام عليكم
انا طالبه تالته ثانوى علمى علوم و من يوم الاحد اللى فات وانا بعدى الطريق التوك توك خبطنى و رجلى مكسوره و معرفتش اروح الدروس بتاعتى خالص و مذاكرتش من ساعتها و حاسه انى تايهه
والسلام عليكم ورحمه الله وبركاته الف سلامه عليك يا جميله المفروض ان احنا كده خلاص في اخر الوقت بتاع الدروس يعني ان شاء الله تكوني خلصت المناهج والفتره دي بتكون فتره مراجعات اكثر اييي فلو المساله مساله مراجعات فان شاء الله المراجعات اللي بتبقى موجوده على اليوتيوب او انت بتستغلي الوقت ده في انك ااا تقعدي تحلي اختبارات او تقعدي تستفيدي بانك تشوفي ملخصات الدروس او انك بنفسك تعيدي على نفس الدروس تاني دي هتبقى فرصه كويسه دي نمره واحد نمره اثنين لو في دروس لسه ما ذاكرتيهاش او حاجه ممكن تكلمي المدرسين بتوعك تشوف اذا كان في فرصه انه حد من المدرسين اييي يبعت لك او يوفر لك مثلا المراجعه اللي مرونه نعمل مع التغييرات دي تغييرات اخرى لحد ما شاء الله ترجعي لنظامك الطبيعي باذن الله امتحاناتك تعدي على خير وبالتوفيق.
تم النشر السبت، ١٨ يناير ٢٠٢٥
ألف سلامة عليكي يا دكتوره،وربنا يقومك على خير تعرفي أنتِ دلوقتي في ابتلاء خرج أبطال حقيقي الناس اللي بيحصل ليها زي ما حصل لحضرتك من ابتلاءات وصعوبات بنشوفهم أخر السنة في أعلى الأماكن والله والله وده بجد ومن واقع خبرات وحكايات عن نفسي سمعت بيها وناس كتير شوفتها بس الناس دي بتضحي وتضحيتها عظيمة جدا عند ربنا فحبيت أبشرك إن شاء الله خير بس المهم تكملي سعي أعملي اللي تقدري عليه الماضي خلاص تاريخ والمستقبل غموض في إيدك الحاضر موجود تقدري إن شاء الله تذاكري أون لاين يعني لو في مدرسين من بتوعك بيدو اون لاين ادرسي معاهم ولو مفيش متحمليش نفسك في طقتك وتستسلمي جربي اليوتيوب وبس كل اللي عليكي إنك تحاولي ولا هتحبي زي الطفل مسيرك هتقفي على رجلك في يوم وتقدري تجري سعتها هتسبقيهم كلهم عارفه ليه؟؟! لأن اللي مريت بيه وهتعدي بإذن الله مش سهل لأي حد ولا المجهود اللي عملت ونفسيتك اللي قاومتيها دي مش أي حد يقدر يتعامل معاها لكن بس هما اللذين صبروا اللي دايما بنفتخر بيهم ونسمع قصصهم وونتعجب بهمتهم وإصرارهم وأحسبك إن شاء الله منهم " وما يلقاها إلا الذين صبروا وما يلقاها إلا ذو حظٍ عظيم "
تم النشر الجمعة، ١٧ يناير ٢٠٢٥
وعليكم السلام ورحمة الله وبركاته. أولا، أتمنى لك الشفاء العاجل وأن تعودي إلى صحتك كما كنتِ. الإصابات الجسدية يمكن أن تؤثر على النفسية والشعور بالضياع، ولذلك من المهم أن تُعطي نفسك الوقت للتعافي. حتى تتجاوزي هذه الفترة، يمكنك اتباع بعض الخطوات العملية: تواصلي مع معلماتك: أبلغيهن عن حالتك واطلبي أي ملخصات للدروس التي فاتتك. معظم المعلمين يتفهمون الظروف الطارئة. جدولة المذاكرة: يمكنك وضع خطة بسيطة للمذاكرة عند تعافيك، حتى لا تشعري بالضغط. حددي أوقاتاً قصيرة للمذاكرة بدلاً من جلسات طويلة، خاصة إذا كنت تشعرين بالتعب. الدعم النفسي: تحدثي مع عائلتك أو أصدقائك حول مشاعرك. الدعم العاطفي مهم جداً خلال هذه المرحلة. حافظي على إيجابيتك: فكري في أهدافك المستقبلية ولماذا انخرطت في الدراسة من الأساس. تذكري أن هذه مرحلة مؤقتة. الرعاية الصحية: تأكدي من الالتزام بالعلاج المقرر لكِ والتوجيهات الطبية حتى تتعافي بشكل جيد. تذكري، هذه فترة مؤقتة، وسيأتي وقت تستعيدين فيه نشاطك وحماستك. وفقك الله وحفظك.
تم النشر الجمعة، ١٧ يناير ٢٠٢٥
حااولي تلمي اللي فاتك من اليوتيوب عندك في الفيزياء مستر عبد المعبود ومحمود مجدي واحمد السجاعي والكيمياء عبدلله الحبشي وانجليزي عندك مدرسين كتير في كل ماده برضو وعادي لسه بدري قدامم وقت وكده كده انتم داخلين علي اجازه يعني تقدىي تلمي اللي فاتك
تم النشر الجمعة، ١٧ يناير ٢٠٢٥
وصلت لحاجه ف المنحه؟ انا قررت اطلع السنادي ان شاء الله، بس الموضوع طلع اصعب مما كنت اتخيل.
تم النشر الأحد، ١٩ يناير ٢٠٢٥
لعرض السؤال في فدني اضغط هنا