السلام عليكم عندى مشكلتين
اول حاجه هى الصلاه يجماعه الصلاه اكبر مجتهده ف حياتى واكتر حاجه حاولت وبفشل استمر عليها رغم انى بتابع شيوخ وبسمع قران لكن فى حاجز وكسل كبير بينى وبين الصلاه لو انتوا منتظمين ادونى نصائح
المشكله التانيه هى أن انا مش عارفه اسيب التليفون خالص ولما ابعدو اتحجج انى نص مذاكرتى محتاجه التليفون اعمل ايه. 🥲🥲🥲🥲😞😞😞😞
حبى الصلاة مش هتبقى دايما ملتزمة كلما بنجاهد وبتيجى اوقات ننتكس فيها بس لازم نرجع تانى بسرعة، نزلى تطبيق صليت ولا لا هيفكرك وكمان بشجعك لما تحسي صلواتك قبل الاذان بخمس دقائق كدة خليكى متوضية بجد هتلاقى نفسك بتكسلى من حوار الوضوء ده ف انتى تبقى جاهزة وبمجرد الاذان تصلى على طول مش هيبقى فيه حاجة تأخرك، متمسكيش الفون قبل الصلاة عشان هيعطلك جدااا، صل حتى لو مش حساها مع الوقت هتتعودى ولو مصلتيش أو اتأخرتى هتحسى أنه فيه حاجه ناقصة، خليها فكرة انك هتروحى تقابلى ربنا وهتحكيله عن اللى مضايقك تدعي باللى عايزاه، تشكريه على الحاجات الحلوة اللى حصلت ف يومك. حوار الفون ده محتاج تبقى أمينة مع نفسك وأنه فعلا هتذاكرى كتير عليه ولا لا ممكن تقفلى النت منه لغاية ما تخلص مذاكرة امشى بنظام المكافأة اللى لو خلصت الجزء ده همسكه بس وقت محدد هااا مش تمنتلاف ساعة😂
تم النشر السبت، ٤ نوفمبر ٢٠٢٣
فيه طريقة سهلة لحد ما تتعود قبل العصر ب٢٠د اتوضى وصلي الظهر، هيأذن العصر صليه. ونعمل كده مع المغرب والعشاء أما الفجر فالمنبه ومنيأسش كده اتوضينا ٣ وصلينا بيهم ٥
تم النشر الجمعة، ٨ ديسمبر ٢٠٢٣
بصى صلى حتى لو مش حاسه بحاجه صلى أو ما تسمعى صوت الاذان روحي اتوضى وتعالى صلى عالطول وقولى للشيطان انا ههزمك وهصلى عشان ربنا بصى انا كنت زيك كده بصراحه ماكنتش بصلى بس عملت كده وبقيت اصلى ومش بحس بالراحة الا وقت الصلاة وتجعل فى حياتك بركه. وراحه وطمأنينة
تم النشر الأحد، ٣ ديسمبر ٢٠٢٣
نفس مشكلتي والله وملتزمة وبلبس واسع بس هي الحكايه كلها الانتظام انتظمي واثبتي كدا لنفسك انك لازم تقاومي وتجاهدي بجد فكك من حكايه اني مش عارفه انتي عارفه ظول خمس فروض بس انتي تقدري تنتظمي انتي تثبتي لنفسك ان التليفون ولا اي حد يقدر يعطلك وابعدي عن اى حاجه معطلاكي عن ربنا حتى لو اهلك او شخص فحياتك وحقيقي قربي من ربنا تكسبي دنيتك واخرتك يأختي الغاليه الله يثبتك
تم النشر الأحد، ٥ نوفمبر ٢٠٢٣
لعرض السؤال في فدني اضغط هنا