انا شاب في عمر ال20 و طالب جامعي انا عملت كل ذنوب الدنيا الا ذنب واحد و هو شرب الخمر لعبت قمار فترة و وزنيت كتيرلحد دلوقتى علي كدا ارتكبت كل انواع الزناء سواء كان جسدي او الكتروني او محارم و دا من و انا عندي 15 سنه سرقت و نصبت و اغتابت ناس من و انا عندي 16 سنه بداء الموضوع معايا من ساعه م والدي كان بيعنفني كان بيزلني في البيت علي الاكل و الشرب من وانا عندي 8 سنين و يقولي انا ولي نعمتك و انا اللي خلفتك انت بتاعي و اعمل فيك اللي انا عايزه بمزاجي و محدش يقدر يقولي تلت التلاته كام بسب كدا سرقت وانا عندي 16 سنه و الموضع دا عملته كتير جدا علشان اقدر اخرج نفسي من الذل اللي انا فيه و الموضع قل معايا تدريجي لحد ما اتمنه الحمدلله و انا عندي 18 سنه و طلعت و اشتغلت و النصب بطلته و من سنه بس كل سنه مره كدا علشان بكون واقع في مشكلة ف بحلها بكدا
اخبط في اعراض ناس و فضحت بنات ناس انا اصلا متعاملتش معاهم بكلمه حتي و انا نفسي معرفش لي عملت كدا مش كدا وبس لا كمان في عقوق والدين يعني كل الكبائر عملتها كل مره اقول هتوب و اتوب فعلا يوم اتنين بالكتير اسبوع كان جت عليا فترة كل ما يخصلي مشكلة اصلي ركعتين و ادعي ربنا بعد ما اخلص صله مبااااشر ربنا يستجيب دلوقتي معدش عايز اتوب و ارجع و كلمت شيوخ قالولي اول القصيده كفر يبني انت هتدخل جهنم انت مش مقبولك توبه و ناس تانيه يقولولي انت معمولك عمل عايز بس اعرف هل ليا توبه ولا لا و ازاي اتوب لاني مش عارف ابطل و بالذات في موضع الزنا دا انا بسبب كدا اتقدمت لكذا بنت و انا بدرس اللي بترفض علشان مستوانا اعلي من مستواهم المادي بمراااحل ف بتخاف و اللي بترفض علشان عايزه اكون تحت طوعها و اللي اهلي اصلا برفضوها و دا اكتر سبب
اه صح كان برضو وانا عندي 16 سنه حبيت بنت مسيحيه و رتبطنا ببعض جدا لدرجه اني رحت الكنيسه علشان ابقي مسيحي علشان اتجوزها
بس اللي جراني للموضوع دا ولدي طردني من البيت وقتها و مش عارف اروح فين و كل ما اكلم حد من اهلي يقولولي ملناش دعوه
ف ياريت حد يساعدني انا عملت كل حاجه وحشه
مع العلم انا بحط مبرر لكل ذنب بعمله بيني وبين نفسي زي بزني علشان مش عارف اتجوز و بلعب قمار علشان العيش بقت غاليه
والله يا ابنى ولو قتلت الف نفس.... باب التوبة مفتوح حتى يأتى الاجل. اللى مش قادر عليه (استعين بربنا فيه) سبحانك اللهم انى ظلمت نفسي فاغفر لى اللهم تولنى فيمن توليت واصرف عنى شر ما قضيت اللهم اكفنى بحلالك عن حرامك واغننى بفضلك عن من سواك اللهم ردنى إليك مردا جميلا اهم تربيه للنفس بقي (لأنها أماره بالسوء) انك تحط لنفسك شىء شاق يكون مربوط باى ذنب مثلا (لو لعبت قمار... هطلع ١٠ أدوار على رجلى) وتكون ملتزم وتعمل ده فعلا. مجاهدتك لنفسك عليها اجر كبير وان شاء الله ربنا يعينك ويقويك اكتر عليها
تم النشر الخميس، ١١ يناير ٢٠٢٤
اخي كل الذنوب ليها توبة عادي جدا الانسان يغلط و خير الخطائون التوابون يعني الذنب ليس نهاية العالم تستطيع ان تتوب و تقلع عن المعصية لاكن ليس بالامر الهين لانك تقرر التوبة و تصلي ثم تعزد من جديد ان صليت و تمسكت ثم عدت للمعاصي عادي جدا اعد من جديد اقلع عن الذنب ثم صلي الى ان يأتي يوم و تخرج من الظلملت الى النور و لا تستمع الى الجهلى الذين يقولون ليس لك توبة بل تستطيع التوبة اصلا كرهك للمعاصي في اصله توبة و اصرارك على الخروج من المعاصي توبة
تم النشر الخميس، ١١ يناير ٢٠٢٤
"كلمت شيوخ قالولي اول القصيده كفر يبني انت هتدخل جهنم انت مش مقبولك توبه" اين هؤلاء الشيخ من الذي قتل مئه نفس ؟؟ طب اين هم من قول ربنا قال تعالى: (قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ)، وقال تعالى: (والذين لا يدعون مع الله إلها آخر ولا يقتلون النفس التي حرم الله إلا بالحق ولا يزنون ومن يفعل ذلك يلق أثاما * يضاعف له العذاب يوم القيامة ويخلد فيه مهانا * إلا من تاب وآمن وعمل عملا صالحا فأولئك يبدل الله سيئاتهم حسنات وكان الله غفورا رحيما). ثانيا "ناس تانيه يقولولي انت معمولك عمل" مفيش حد يقدر يقولك يقينا انت معمولك عمل ولا لا لان ده محتاج وحي من السما يعرفنا فبلاش تمشي فالسكه دي بل اكثر من ذكر الله والزم اذاكر الصباح والمساء والنوم وسورة البقرة وال عمران و الرقية الشرعية. ثالثا لازم ترد المظالم لاهلها ولو مش قادر ادعى ربنا انه يعينك علي رد المظالم قبل ميتوفاك والزم الدعاء فالدعاء هو سلاح مؤمن
تم النشر الخميس، ١١ يناير ٢٠٢٤
من الحاجات اللى هتعينك عشان ربنا يسامحك ويغفرلك وكل اللى انت فيه يتصلح انك تتوب توبه صادقه وتعزم على إنك مترجعش لده تانى وزاحم السيئات بالحسنات اتبع السيئه بالحسنه تمحها رب لولا اخرتنى الى اجل قريب فأصدق واكن من الصالحين مقالش عشان اصلي او اصوم او اعمل عمره لأ قال لاتصدق الصدقه تطفئ غضب الرب
تم النشر الخميس، ١١ يناير ٢٠٢٤
ربنا بيقبل التوبة لاى حاجة الا الكفر به وعسان تتوب صح لازم تلتزم بالصلاة فى المسجد وتتصدق كتير لو معاك فلوس وتحاول ترد المظالم الى اهلها بس تبى توبة صدق وان شاء الله ربنا يتقبل
تم النشر الخميس، ١١ يناير ٢٠٢٤
انت لسه قلبك فيه خير قلبك لسه حي مامتش مين قالك انك مالكش توبه باب التوبه مفتوح بأمر الله لحد ما الشمس تشرق من مغربها أو لحد ما يغرغر الإنسان يعني لحد وقت خروج الروح من جسمك. قال الرسول ﷺ: (والذي نفسي بيده لو لم تذنبوا؛ لذهب الله بكم، ولجاء بقوم غيركم يذنبون، فيستغفرون الله؛ فيغفر لهم ) احنا ربنا خلقنا علشان نقع ونقوم وكل مره نتوب توبه نصوح ونرجع لربنا مكسورين وهو يدوينا الله عز وجل غفر لقاتل ال ١٠٠ نفس قال صلى الله عليه وسلم: " كان فيمن كان قبلكم رجل قتل تسعة وتسعين نفسا، فسأل عن أعلم أهل الأرض فدُلَّ على راهب، فأتاه فقال إنه قتل تسعة وتسعين نفسا فهل له من توبة؟ فقال: لا. فقتله فكمل به مائة ثم سأل عن أعلم أهل الأرض، فدُل على رجل عالم فقال: إنه قتل مائة نفس فهل له من توبة؟ فقال: نعم. ومن يحول بينه وبين التوبة انطلق إلى أرض كذا وكذا فإن بها أناسًا يعبدون الله تعالى فاعبد الله معهم ولا ترجع إلى أرضك؛ فإنها أرض سوء. فانطلق حتى إذا نصف الطريقَ أتاه الموت فاختصمت فيه ملائكة الرحمة وملائكة العذاب فقالت ملائكة الرحمة: جاء تائبا مقبلا بقلبه إلى الله تعالى، وقالت ملائكة العذاب: إنه لم يعمل خيرا قط. فأتاهم ملك في صورة آدمي فجعلوه بينهم حكما، فقال: قيسوا ما بين الأرضين فإلى أيتهما كان أدنى فهو له، فقاسموا فوجدوه أدنى إلى الأرض التي أراد، فقبضته ملائكة الرحمة". "متفق عليه"
تم النشر الأربعاء، ١٠ يناير ٢٠٢٤
انت محتاج تفتح صفحة جديدة مع نفسك ، حاول تقرب من ربنا ، ربنا عمره م يرفض توبة حد من عباده المؤمنين ، كل م يجي ف دماغك حاجه وحشه حاول تقرب من ربنا قوم صلي ركعتين أقرأ سورة الواقعة أي حاجه المهم تقرأ قرآن ، تنزل تشتريلك سباحه الكترونيه وتقعد تصلي على النبي ١٠٠٠مرة بجد هتغير حياتك ٣٦٠درجة ، وتحاول تبعد عن أي شخص انت عارفه كان بيساعدك تعمل اي حاجه من الحاجات دي ، واهم حاجه النية ، إنما الأعمال بالنيات انوي انك خلاص مش هتعمل اي حاجه من الماضي ، وحاول تصلي على النبي كتير وتستغفر باب التوبه مفتوح النهاردة بكره الله اعلم الدنيا هتكون فيها أي ، استغل الفرصة عشان ميجيش وقت وتندم انك مرجعتش ل ربنا ، ومجرد ما تيجي فكرة ف دماغك تعمل اي حاجه من الحاجات دي استعيذ بالله وصلي ركعتين ، شهر ف التاني هتلاقي نفسك بني ادم جديد ملامحك هتتغير للأحسن أهلك هيحسوا بيك حاول تشتغل بما يرضي الله واوعي تقبل نص جنيه حرام ، اهم حاجه نيتك تكون سليمة وأنك هتتغير للأحسن والاقوم ، ومتنساش والله العظيم هيغيروا حياتك تماما الصلاة على النبي (ص) والاستغفار وادعي دائماً "اللهم احرمني لذة معصيتك وأرزقني لذة طاعتك" ، حاول تتصدق كل م تشوف حد طلع اللي ف مقدرتك واديهوله أو الافضل وانا بفضله انك كل يوم جمعة وانت نازل تصلي الجمعه تتبرع ب 50 ف المسجد بجد هترفع عنك حاجات كتير واي جنيه تديه لحد محتاج ادعي بعده على طول بأن ربنا يصلح حالك صدقني حياتك هتتغير هتبقى حاسس بالذنب انك كنت بتعمل كل دا بس يكفي أن ربنا شايفك إنسان جديد تائب ، ربنا يهديك ويرشدك للطريق الصح
تم النشر الأربعاء، ١٠ يناير ٢٠٢٤
محتاج ترد المظالم لصحابها روح لكل واحده اقتربت عليها ظلم ورجعلها حقها وكرامتها وسمعتها وخليها تسامحك حاول ترد حق كل شخص نصبت عليه ادعي طول الوقت أن ربنا يغفرلك انت ولمن اغتبته ربنا بيسامح في حقه لكن حق العباد بينك وبينهم لازم هما يسامحوك وياويلك من دعوه المظلوم عن أبي هريرة رضي الله عنه، أن رسول الله صلى الله عليه وسلم قال: ((مَنْ كانت عنده مظلمة لأخيه فليتحلَّلْه منها، فإنه ليس ثمَّ دينار ولا درهم من قبل أن يؤخذ لأخيه من حسناته، فإن لم يكن له حسنات، أخذ من سيئات أخيه فطرحت عليه)) يوم القيامه كل اللي ظلمتهم هياخدوا من حسناتك طيب لو معندكش حسنات تكفيهم هتاخد انت سيئاتهم تخيل الحمل الكبير اللي هتشيله انت قد العذاب دا كله اتق الله وابدأ صفحه جديده قال تعال ومن أعرض عن ذكري فإن له معيشه ضنكا قرب من ربنا العلاقه اللي بينك وبين الله هي الصلاه اوعي تقطعها خلي دايما في باب مفتوح بينك وبين الله الصلاه هي الحبل اللي رابط قلبك بربنا اوعي تقطع الحبل دا مهما كثرت ذنوبك وخليك عارف نقطه مهمه جدا أن ربنا بيحبك واكبر دليل هو انك بتفكر في التوبه وحزين علي انك عصيت ربنا وتأتي حاجه هو أن ربنا بعتني علشان انصحك ربي يتقبل توبتك أن شاء الله
تم النشر الأربعاء، ١٠ يناير ٢٠٢٤
رحمة الله واسعة ومن سعة رحمته أنه يغفر الذنوب جميعاً، وإن بلغت ما بلغت لمن تاب منها وأناب، قال الله تعالى: قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ
تم النشر الأربعاء، ١٠ يناير ٢٠٢٤
باب التوبه مفتوح هتحس دايما جواك ان لا ربنا مش هيقبلها دا مش حقيقي دي وسوسه الشيطان هتحس بدا فاا خد بالك وذكر نفسك دايما افتكر ان طبيعي جدا كمان هتحس ان نفسك الاماره بسوء اقوي مع وسوسه الشيطان فا خليك مدرك ةن تصرفاتك بناءا على كدا فاهمني الشيخ الشعراوي اتكلم عن مواضيع كتير مهمه هتفيدك اسمعه دور على الحلقات قوي انت محتاج تسمع وتفكر علشان اللعبه هنا نفسيه فاهمني افضل حاجه بحسها اسرع طريق للقرب من الله هيا الاستغفار وتسمع قرآن بصوت شيخ بتحبه الطريق صعب وطويل ولكن متيأسش وربنا شايفك بتحاول
تم النشر الأربعاء، ١٠ يناير ٢٠٢٤
🛑قسوة القلب من علامات غضب الله🛑 تُعَدُ قسوة القلب من علامات غضب الله على العبد ؛ لأن كثرة الذنوب تتسبب في قسوة القلب،وأبرز أمثلة قسوة القلب عدم الاتعاظ بأخبار الأمم السابقة،وخاصة عند سماع آيات النار والعذاب... 🛑وكان الرسول - صلى الله عليه وسلم - يقول : "شيبتني هود وأخواتها" لما فيها من آيات العذاب وأهوال يوم القيامة. 🛑ومن علامات قسوة القلب أيضًا -عدم الاكتراث بالموت؛ لأنّ موت أي إنسان يعد إنذارًا لكل شخص حيّ بأنه سيموت أيضًا قريبًا،فهي تذكرة لمن يعقل ويعمل لآخرته والحساب يوم القيامة، -فعلى الإنسان التوبة سريعًا والتوقف عن المعاصي. إلا أن الإنسان قاسي القلب لا يبالي إذا مات شخص وحتى وإن كان من المقربين له،ولا يتذكر الآخرة،ويمضي في معصيته ولا يهتم بآخرته....🖤 🛑- كيف اطفئ غضب الله ؟ إذا وجدت في نفسك أحد علامات غضب الله على الإنسان التي ذكرناها، فيجب عليك -أن تسارع إلى التوبة وطلب المغفرة من ربك، وتقرب إليه بالدعاء والتضرع، وقد يتساءل البعض أبهذا فقط أستطيع أن أطفئ غضب الله ؟. بالطبع، فإن الإجابة عن سؤال كيف اطفئ غضب الله يكون بهذا فقط،واعلم جيدًا أن الله عفو رؤوف يحب العفو، وأن رحمته سبقت غضبه.. فقد كل ما عليك تنفيذه هذه النقاط التالية: 🛑التوبة النّصوح اللجوء إلى الله بالدعاء والاعتراف بالذنب أثناءه كلامك مع ربك 🛑الصدقة في السر لأنها "تطفئ غضب الرب" 🛑 التستر واطلب من الله تعالى أن يعفيَك من الإبتلاء .. وتكرار المعاصي....
تم النشر الأربعاء، ١٠ يناير ٢٠٢٤
فقد قال الله تعالى: وَالَّذِينَ لا يَدْعُونَ مَعَ اللَّهِ إِلَهاً آخَرَ وَلا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلا يَزْنُونَ وَمَنْ يَفْعَلْ ذَلِكَ يَلْقَ أَثَاماً* يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَاناً* إِلَّا مَنْ تَابَ وَآمَنَ وَعَمِلَ عَمَلاً صَالِحاً فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَحِيماً
تم النشر الأربعاء، ١٠ يناير ٢٠٢٤
والتائب من الذنب كمن لا ذنب له.
تم النشر الأربعاء، ١٠ يناير ٢٠٢٤
الست اللي بتقوله هتدخل نار جهنم مالك يا بنتي في ايه بإيدك الجنه والنار واحنا منعرفش انتي استحاله تكوني طبيبه نفسيه انتي محتاجه معالج نفسي اصلا ربنا يشفيكي والله بجد دا هو ممكن جدا يكون عند ربنا افضل منك علشان هو معترف بغلطه وذنوبه ونفسه يرجع لربنا تاني أما انتي ف ربنا يعافينا من امثالك والله
تم النشر الأربعاء، ١٠ يناير ٢٠٢٤
﴿۞ قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ﴾ [الزمر : 53]
تم النشر الأربعاء، ٢٤ يناير ٢٠٢٤
قم الليل
تم النشر الخميس، ١١ يناير ٢٠٢٤
لعرض السؤال في فدني اضغط هنا