انا بنت وداخلة تالتة ثانوي وشايفه نفسي أقل من زمايلي دائما عشان أنا مش بعرف افهم الدروس اللي باخدها بس بعرف أحفظ... ده هيأثر علي عشان تالتة ثانوي محتاجة فهم عشان أفهم الدروس وأقدر أحل عليها... حتي المدرس بتاعي شايف إن انا حفيظة ومش بقدر أفهم.. ده مسببلي عقدة لاني مش بقدر أفهم الدروس اللي بتتشرح زي زمايلي.
يا ريت حد يعطني نصيحة عشان أقوي قدرتي على الفهم وأرجو تعطوني نصائح للثانوية وازاي أبدأ السنة صح.
أولًا، حبيبتي، لازم تعرفي إنك مش لوحدك في الشعور ده. كتير من البنات والشباب بمروا بنفس الحالة، وده طبيعي. المهم إنك تتعلمي تشتغلي على نفسك وتبقي إيجابية. نصائح للفهم وتقوية قدرتك على الدراسة: خدي وقتك في الفهم: مش عيب إنك تقومي تسألي المعلم أو زميلك عن أي حاجة مش واضحة. أحيانًا السؤال البسيط ممكن يفتحلك طرق للفهم. استخدمي أسلوب مختلف في التعلم: جربي تقرأي الدروس من كراسات مختلفة أو تشوفي فيديوهات على يوتيوب تتكلم عن نفس الموضوع. أحيانًا الشرح من شخص تاني ممكن يوضحلك أكتر. تعلمي تكسبي مهارات جديدة في الدراسة: مثلاً، جربي الملاحظات الملونة، الرسومات البيانية، ودروس المراجعة. التقنيات دي ممكن تساعدك تفهمي المعلومات بسهولة. خدي استراحات: خلي عندك فترات قصيرة من الراحة بين الدراسة. الدماغ كثرة الشغل عليها بتعطي عشان تركزي. حظري نفسك بيئة مناسبة للدراسة: احرصي على قعدة هادية ومريحة بحيث مفيش أي تشويش حوالينك. ثقتك بنفسك مهمة: دام تحبي الهضم مش عيب. اشتغلي على الثقة بنفسك، وذاتي بأنك قادرة تتقدمي وتشتغلي على أي نقطة ضعف عندك. بالنسبة للبداية مع السنة الدراسية الجديدة: ضعي أهداف: ابدئي بتحديد أهداف بسيطة لكل مادة، ومع مرور الوقت زيدي المستوى. نظمي وقتك: استخدمي جدول لتنظمي وقت دراستك وتوازني بين المواد المختلفة. تابعي الدروس أول بأول: كلما كان عندك فكرة عن الدروس أول بأول كلما كان فهمك أسهل. تذكري، إن كل واحد عنده أسلوبه الخاص، وبتكون قادرة تفهمي وتنجحي زي أي حد. متخليش أي أفكار سلبية تأثر عليك، وامشي واكدة على نفسك. انا هنا لو احتجتي حاجة تانية!
تم النشر الجمعة، ٢ أغسطس ٢٠٢٤
تعرفي إني كنت زيك كدا لدرجه وصلت معايا اني مكملش واني عمري ما هقدر افهم ولا اكمل وكنت بستغرب ازاي الباقييين بيفهموا وكدا وأنا لا!! بس بعدين قولت لا ربنا مش بيحط حد في طريق معين غير وهو عارف انه هيقدر يكمل فيه بفضله إن شاء الله عشان كدا متيأسيش ومتقوليش انك ممكن تكوني لوحدك كدا يعني انتي مش عارفه مين تان ممكن يكون زيك كدا لس خوفه مخليه ميقولش او حتا يحاول يدور علي حل للمشكله زي ما أنتي عملتي كدا واحييكي انك حكيتي وانك بتحاولي تلاقي حل بصي انتي اول حاجه انك لما تاخدي الدرس متراكميش بالعكس هاتي الكتاب وافتحي قدامك واشرح لنفسك اللي اخذتيه تان وحاولي توصلي المعلومه لنفسك بأي طريقه أنتي بتفهميها لان شرحك لنفسك بالنسبالي كانت اهم وسيله بتساعدني في فهم وكمان حفظ المعلومه بجد تاني حاجه هي انك تلخصي اللي ذاكرتي من دماغك بعد الشرح دا وكمان بلاش انك تراكمي وأبدأ السنه عادي يعني مش لازم تضغطي نقسك في الأول عشان طاقتك متقلش وتملي لان السنه طويله وبتمنالك التوفيق والنجاح الدائم وبتمنا اكون قدرت افيدك♥️♥️♥️
تم النشر السبت، ٣ أغسطس ٢٠٢٤
طب ازاي اقدر ازيد من نسبه ذكاءي وتركيز اصل انا تركيز قليل وذكاءي متوسط
تم النشر الأحد، ١٨ أغسطس ٢٠٢٤
لم أدرس الثانوية بمصر ولكن على ما أسمعه فالثانوية العامة نظام معتمد على الحفظ وفقط. لا أدري مدى صحة المعلومة، ولكن أنصحك بالاطلاع على أنماط الدراسة، وجربي مع نفسك أي الأنماط أكثر فاعلية معك. إياكِ ثم إياكِ أن ترهبي نفسك، الثانوية ليست نهاية الكون، والباب بعدها يسع الجميع. سوف أعطيك قليل جدًا من النصائح التي أستعين بها شخصيًا وقت الدراسة: حافظي على المكان المخصص للدراسة نظيفًا خالٍ من الأتربة. وفري إضاءة مناسبة للمكان. احرصي على تهوية الغرفة بشكل دوري واستخدمي معطر خفيف منعش. توضئي قبل البدء واقرئي ولو صفحة أو نصف والله ستجدي راحة رهيبة وتركيز متقد. خدعة كنت أعتمدها في دراسة أي شيء له علاقة بالأرقام وهي الحوقلة، كنت دائمًا أخاف أي مادة فيها أرقام حتى لو كانت درجاتي مرتفعة، فكنت أقتحم خوفي بلا حول ولا قوة إلا بالله. قنوات اليوتيوب المخصصة للشرح أكثر من ممتازة، صرت أعتمد عليها في تدريس أطفالي. افعلي كل ما عليك ووكلي كل أمرك لله وفقط. عام دراسي سعيد مليء بالإنجاز والطاقة♡
تم النشر السبت، ٣ أغسطس ٢٠٢٤
السلام عليكم. ان شاء الله انت مش اقل من زمايلك ولا اي حاجه انت بس محتاجه تتعلمي طريقه جديده في المذاكره مش اكثر من كده شوفي ايه الطريقه اللي انت بتتبعيها في المذاكره هل بتقعدي تبصي على النص اللي مكتوب وتحفظيه او بتبقي بتدوري على ملزمه مكتوب فيها سؤال واجابه علشان تاخديهم كده كوبي وتحفظيهم زي ما هما اا غيري طريقه المذاكره وابدئي سيبي الطريقه اللي انت بتذاكري بيها دي وانتقلي الطريقه ثانيه وافضل طريقه افضل طريقه عشان تحسي انك فهمتي انك بعد ما تذاكري الحاجه اعتبري نفسك قدام طفل صغير وبتحاولي تفهميه اللي انت ااا اللي انت ذاكرتيه طبعا شوفي بقى عندك ازاي هتحاولي تبسطي الموضوع عشان تفهميه الطفل صغير ده يساعدك جدا على انك يعني انت شخصيا تتاكدي انك فهمتي ومش حافظه بس وكل اما تلاقي نفسك لا لسه مش واصله الحاجه اللي انت هتعرفي تشرحيها لطفل صغير روحي دوري على حد يكون بيشرح الحاجه بطريقه ثانيه كذا طريقه شرح هتلاقيكي في الاخر قدرتي توصلي انت للفهم بتاعك لانه كل حد بيفهم بطريقه مختلفه في ناس بتفهم بالصور اكتر في ناس بتفهم بالحاجات المتحركه اكثر بالفيديوهات يعني شوفي ايه اكثر حاجه بتوصلك للفهم اكتر ولازم تجربي. كذا حاجه عشان كده قلت لك غيري الطريقه اللي انت بتذاكري بيها. في حاجه كمان ممكن تعمليها هي انك تاخدي؟ الدرس وتقرايه قبل ما تروحي لحد يشرحها وتشوفي انت فهمتي منه ايه يعني وصل لك ايه بعد ما بعد ما قرات ولما تروحي للمدرس او للدرس تشوفي انت وصلتي لنفس اللي هو بيقوله ولا نصه ولا ثلاث ارباع ولا ربع شوفي ايه اللي وصل لك وايه اللي ما وصل لكيش ده برده هيبدا يحفز عندك موضوع انك تفهمي كويس ان شاء الله
تم النشر السبت، ٣ أغسطس ٢٠٢٤
عليك بالفهم اولا حاولي علي قد متقدري بالفهم وبعدها تلقائي هتلاقي المعلومة اتثبتت تلقائي واتحفظت بمخك.
تم النشر السبت، ٣ أغسطس ٢٠٢٤
وربنا يوفقك ويصلح حالك واتمنالك التوفيق♥♥♥♥♥♥♥
تم النشر السبت، ٣ أغسطس ٢٠٢٤
قبل ما تحفظي الشي اتاكدي انك خلاص فهمتية مية بالمية ومتحفظيش حاجه قبل متفهميها لان الثانوية مفهاش مجرد حفظ وبس لا الاعتماد الاكبر في النظام الجديد علي الفهم ثم الفهم وبعدها بمجرد متفهميها تلقائي تلاقي نفسك حفظتيها ومش هتخرج براا دماغك ابدا ابداا
تم النشر السبت، ٣ أغسطس ٢٠٢٤
خليك واثقه بالله ثم ثقي بنفسك و انتبهي تقارنين نفسك بأحد توكلي على الله وابذلي كل جهد كل أمرنا بيد الله
تم النشر السبت، ٣ أغسطس ٢٠٢٤
لعرض السؤال في فدني اضغط هنا