السلام عليكم اتعامل مع زوجي العصبي ازاي لما يحصل حاجه مني او العيال عصبيته جنونيه لازم يا يخبط نفسه ف الحيطه ويأذي دماغه وايده بالدم او يكسر حاجه ده لوحدنا لكن لو من العيال مبيحسش بنفسه لو ضرب وخنق حد فيهم ونا مش بعرف اتصرف ازاي ولا اخدهم من ايديه لما بيرجع ويهدب بعد فتره بيندم جامد
انا حتي مش عارفه اهدي عيالي من شقاوتهم ادامه ولا اصواتهم بردو بيتعصب ودول اطفال ومهما اقنعته مفيش نتيجه
وعليكُم السّلام و رحمةُ اللّه وبركاته ^^ مِن خلال تجرُبتي مع أخويا وِ والدي اقدر اقول لـ حضرتِك متأوحِيش معاه مترُوديش علىٰ أي حاجةة هو بيقولها سبيه يقول اللي يقوله هو شويةة وِ هيهدى بذات اما ميلقيش حضرتِك رديتي عليه، لو الموضوع هيقلب جامِد ممكن تقوليلو ثواني انا محتاجةة اروح اصلي او اتوضى او اي حاجةة متكونيش قدامه فهماني. موضوع شقاوة الأطفال ممكن تكلمي الأولاد ان بابا بيكون جاي تعبان من الشغل فَـ محتاجين نكون هاديين او تخليهم قبل ما يجي من الشغل يفرغو الطاقةة دي بس لما يجي عرفيهم ان بابا بيحتاج هدوء و الافضل بالذات يكونو نايمين تمام. ممكن تكلمي زوج حضرتك انو يحاول ميخليش الشيطان يوقع بينكُم و كده فاهمةة، حاجةة كمان ممكن عشان يصلح علاقتو بالأولاد تخرجو تشربو حمص الشام او تكلو ذرة او تجبلهم حاجةة هما بيحبوها تقوللهم بابا جيبها ليكم حاجةة كده عشان علاقتو تتصلح مع الأولاد. ربّ يهديهولِك ويبارِك فيكُم 🤲🏻💜 و بس كِده.
تم النشر الاثنين، ١٩ فبراير ٢٠٢٤
هو ضرورى يتوجه للعلاج النفسى السلوكى لان ده غلط جدا انه بيفقد السيطرة لدرجة انه يأذى نفسه او غيره
تم النشر الثلاثاء، ٢٠ فبراير ٢٠٢٤
كلمه حاضر بتريح وكلمه ايوا والله انتا صح 😂بتريح برضو ولو اتعصب وانتي سكتي هيبقا خلاص وربنا يهدي
تم النشر الثلاثاء، ٢٠ فبراير ٢٠٢٤
اتكلمي معاه ف وقت صفا قوليله ان سبب العصبيه دى تراكمات جواه حاجات كتير كاتمها وتعباه علمي يعبر عن نفسه اول ب اول معاكي وقوليله انت لو اتعصبت علي مديرك ف الشغل متقدرش تضربه لانه له سلطه عليك ف متجيش علي الطفل الصغير الضعيف ده لمجرد انه ملوش سلطه افتكر انه مش عقل نيجي علي الضعيف عرفي انه اطفالكم مختاروش ييجوا لدنيا انتو بعد ربنا كنت من سبب وجودهم ف بلاش ييجي عليهم ويحمد ربنا علي نعمه انه اصلا له اطفال وقوليله لما تتعصب غير مكانك لو واقف اقعد لو قاعد اقف اطلع وسيب البيت شم هوا وارجع اقفل علي نفسك اوضتك طلع طاقتك ف اي حاجه ف لعب كوره ف جيم ف اي حاجه الا اطفالك
تم النشر الاثنين، ١٩ فبراير ٢٠٢٤
العصبيه دي ليها سبب حولي تمسعي كلامه
تم النشر الاثنين، ١٩ فبراير ٢٠٢٤
لعرض السؤال في فدني اضغط هنا