يوجد شخصية عنيفة بداخلى وأنا لا أعلم
لما بسأل نفسى عن حاجات وبيجى موقف يظهر حاجه تانيه خالص كنت فاكره انى اتعالجت من صدمات الطفوله والمراهقه وبقيت متقبله المشاكل دى وخلاص فى مشاكل وصدمات بفتكر انى اتعالجت منها وفالآخر تطلع تراكمات وكمان متعالجتش ولسه موجوده بكون مش عارفه ويجى موقف يظهر ده.
يعنى انا كنت الاخت الصغيره المدلعه لحد من اربع سنين جت اختى الصغيره واللى حواليا قعدوا يقولولى بهزار أن مكانى اتاخد وان انا خلاص مبقتش الدلوعه وكنت بستغرب نفسي ان انا مش متضايقه ولا بغير منها لحد ما بيحصل موقف بطلع رد فعل بعدها بقول هو انا ازاى كنت حاقده عليها الحقد ده وانا معرفش يعنى من شويه كنت بهزر معاها وفاكره انى بحبها جدا جدا لحد ما اكتشفت انها دخلت تلعب فى الحاجات إلى انا مخبياها عنها وبوظتها كلها دخلت اتعصبت بطريقه غبيه وقعدت اضرب فيها جامد وهى كانت نايمه للعلم هى عندها 5 سنين المهم بعدين دلوقتى فكرت ازاى انا طلعت رد الفعل الغبي ده ازاى لما بزعق ليها لو احنا لوحدنا بقولها كلام ميتقالش لطفله زى أن انا إلى جيت الاول وإن هى غبيه وبارده وهكذا وبكون تقريبا مش فى وعى الكامل وبسأل نفسي بعدها ازاى انا بحبها اوى كده ورغم كده جوايا كلام حقود مكنتش اعرف بيه غير لما اتحطيت فى موقف عصبنى وطلعتو الناس بتقول الكلام الى بتقولو وانت متعصب بيكون تراكمات وحقيقه طب معقول انا بكون بحب حد ولما اتخانق معاه اقولو كلام معرفش انو كان جوايا ؟ وده بيحصل مع كذا حد مش هى بس وكمان انا اتخيلت انى بضربها جامد لحد ما فقدت الوعى انا بتخيل تخيلات عنيفه بس بقول لنفسي ازاى انا اتخيلت كده هل ده طبيعي لما حد يتعصب ؟
السلام عليكم ورحمه الله وبركاته انت بتتكلمي عن ان كنت فاكره انك اتعالجتي من طب خليني اقول لك هو انت ما عندكيش صدمه قد ما انت متشبعه قوي قوي وللاسف للاسف اللي حواليك هم اللي زرعوا فيكي الغضب اللي جواكي ده انت ما عندكيش مشكله مع اختك انت فعلا بتحبيها لكن بتخزن جواكي كل الكلام اللي هم كانوا بيقولوه فاتبنج جواكي فكره هي مش بتاعتك ولكن موجوده جواكي خلاص دخلته وملت جوه فالفكره دي فكره غاضب الفكره الغاضبه دي محتاجه ان انا اعبر عنها بما انها مش بتاعتك فانت مش بتعبري عنها مش بتقوليها بصوت عالي بتقوليها لاختك بس بصوت عالي لما بتكون هي نايمه لانه وقتها بتلاقي فيه مساحه برده تخرجي فيها الغضب. انا انصحك ان عشان تتخلصي من الموضوع ده انك تتكلمي فيه بصوت عالي مع ماما مع بابا اييي تعرفيهم ان انت بتحبي اختك لكن الكلام اللي كان بيتقال لك وانت صغيره اثر عليك جدا جدا وانت محتاجه انك تخرجي كل الكلام ده وهما يسمعوه بس ااا الكلام ده مش منك الكلام ده. بيتقلب كتير وانت وانت صغيره ما كنتيش فاهمه ان الكلام ده هيتخزن جواكي لكن للاسف اتخزن وانك بتطلبي منهم ان هم يقولوا عكس الكلام ده كثير عشان يبدا يتخزن كلام ثاني احسن منه وانت كمان هتحتاجي انك تعبري عن حبك ليها علشان يبدا جواكي يتخزن المخزون الصح. علشان يساعدك انه حتى لو وقت الغضب يكون الغضب طبيعي غضبك الطبيعي هيكون نرفزه هيكون مثلا صوت عالي هيكون اي تعبير عن الغضب ولكن مش هيوصل للدرجه العنيفه دي لان الدرجه العنيفه دي هي طالعه من التراكمات اللي متخزنه جوه اللي هي زي ما احنا قلنا مش بتاعتك.
تم النشر الأربعاء، ٤ سبتمبر ٢٠٢٤
صلي قيام الليل بجد بجد معجزه وادعي ربنا وحكيتلوا كل ده وحاولي تتمالكي نفسك لما تبدأي تتعبي استغفري علطول وحاولي تشوفي مثلا على يوتيوب اخصائيين بيحكوا عن كل المشاكل دي وازاي اتعامل معاها واعتقد القراءه هتفيدك جدااا
تم النشر الخميس، ٥ سبتمبر ٢٠٢٤
عزيزتي، أولاً، أود أن أشكرك على مشاركتك لمشاعرك وتجاربك بهذا الشكل الصريح. من الواضح أن ما تمرين به هو نتيجة لتراكمات عاطفية وصدمات قديمة، وهو أمر شائع عند كثير من الأشخاص. تظهر ردود الفعل العنيفة أحيانًا عندما نتعرض لمواقف تسترجع مشاعر غير معالجة من الماضي، مثل الشعور بالغيرة والقلق من فقدان الاحترام أو المحبة. يبدو أنك تعانين من صراع داخلي، حيث يختلط حبك لأختك الصغيرة مع مشاعر الغضب والاضطراب. هذه التفاعلات قد تكون مرتبطة بانخفاض الوعي الذاتي في تلك اللحظات الحادة. من المفيد أن تقومي بتحديد تلك المشاعر وفهم جذورها، لأن التفكك بين ما تشعرين به وما يتصرف به وعيك يمكن أن يؤدي إلى ردود فعل غير متوقعة. يُعتبر التعبير عن مشاعر الغضب أهمية، لكن يجب أن يكون ذلك في إطار صحي وبعيد عن العنف. لتحقيق التوازن، يمكنك التفكير في استشارة مختص نفسي، يساعدك في استكشاف هذه المشاعر والتعامل معها بطرق إيجابية. يمكن أن تكون هناك طرق أخرى، مثل الكتابة عن تجاربك أو التحدث مع شخص تثقين به، مما قد يساعد على تخفيف التوتر وفهم المشاعر بشكل أفضل. تذكري أن الاختلاف بين الحب والغضب قد يكون معقدًا، ولكنه شيء يمكن تعلمه وفهمه بمرور الوقت. أنت لست وحدك في هذه المشاعر، وتستطيعين دائمًا السعي نحو النمو والتغيير الإيجابي.
تم النشر الثلاثاء، ٣ سبتمبر ٢٠٢٤
ده مش حقد ولا كره ده اكيد بسبب انك اتعرضتي لصدمات وده مؤثر عليكي الي الان او انك شايفة انك كنتي مخططة لحياتك تمشي بطريقة ويوم ما جت اختك على الدنيا مبقتيش تحسي بنفس الإحساس بالاهتمام من المل وحسيتي ان هي هتاخد كل الحب اللي كان ليكي من الأساس فنصيحتي ليكي حاولي تتقبلي فكرة أن أختك ده كنز وعمره ما يضيع منك حافظي عليها متخليش اي وسواس يخليكي تنفعلي طوري من نفسك واديها كل الحنان اللي انتي خدتيه واعتبري نفسك ان انتي مش بس اختها الكبيرة لان اعتبريها قطعة من قلبك وان مهما حصل هي اختك واي انفعال او ردة فعل غريبة اهدي قبل اما تاخدي ردة فعل صدقيني انتي لازم تعتبريها حياتك علشان تقدري تحافظي عليها
تم النشر الجمعة، ٦ سبتمبر ٢٠٢٤
اشغلي نفسك بكل ماهو مفيد متسبيش نفسك للفراغ وخليكي دايما في تجماعات فيها ناس يعني اخرجي برا او روحي جيم وادخلي في كلاسات فيها تجماعات بحيث متفكريش في اي حاجه تضايقك
تم النشر الخميس، ٥ سبتمبر ٢٠٢٤
لعرض السؤال في فدني اضغط هنا