ممكن تنصحوني ازاي ممكن اساعد نفسي واقوي شخصيتي واكون واثقه في نفسي اكتر لان انا حاسه ان شخصيتي ضعيفه ومهزوه ومش عندي ثقه في نفسي مش بعرف اتكلم خالص مع اصحابي دائما انا الطرف اللي بيسمع بس وساكت ولم بتكلم بتوتر ومش بعرف اطلع اللي عايزه أقوله و بتهته في الكلام وبيبان عليا اوي التوتر بقيت في قعده وسط اصحابي وجودي زي عدمه هما بيتكلموا وبيوجهوا الكلام لبعض وانا كاني مش موجوده انا عارفه ممكن حد يقترح أن اصحابي مثلا مش حابين وجودي لا انا اصحابي ناس كويسين ومحسيتش كدا مع ناس معينه لا دا مع كل معارفي انا معرفش ليه بخاف اتكلم مش عارفه ايه اللي بيوترني بالشكل دا انا نفسي بحس أن لم حد بيوجهلي كلام أو عايز ياخد رأيي بحس أن انا رأي ملهوش لازمه وكلامي مش هيفيدك بحس ياجماعه أن انا مستحقش اتعامل بشكل كويس مع أن ياجماعه والله انا شايفه نفسي أن حد كويس بحاول ع قد ما اقدر ما اذيش حد باي كلام مني بحاول اسمع كل واحد وبحب كل الناس اللي فحياتي وبتمنالهم الخير وقريبه من ربنا الحمدلله ملتزمه في صلاتي وبحاول ع قد ما اقدر ابعد عن أي حاجه ممكن تغضب ربنا فمعرفش ليه عندي شعور عدم الاستحقاق دا ودائما قافله ع نفسي ومش بتعامل بشكل كويس منطويه ع نفسي مع أن انا مش جوايا بحب اكون اجتماعيه وكنت الاول اجتماعيه جدا دلوقتي بقيت علطول في اوضتي مع بقعد مع اهلي غير ممكن وقت الاكل خروجاتي مش كتير ولم يخرج بقعد ساكته انصحوني ممكن أخرج نفسي من كدا ازاي
ممكن توصفى طريقة التربية اللى قائم عليها البيت يعنى الطريقة صارمه حازمه ولا فى نوع من اللين والود كل حاجة كانت بشروط مثلا ولا عادى
تم النشر الاثنين، ٣ يونيو ٢٠٢٤
ممكن تغيري كل ده بإنك تكون من احسن الناس حواليك دينيا وخلقيا اولا ثم علميا بجد الثقافه والوعي ومدى تعلمك هتخليك تثقي في قدراتك وتختلف نظره اللي حواليك ليك بس المهم اخلاص النيه لله
تم النشر السبت، ١ يونيو ٢٠٢٤
أكيد يا جميلتي، أنا هنا عشان أساعدك وأدعمك. وأنا مبسوطة أنك شاركتيني مشاعرك، ده أول خطوة نحو التغيير. ١. معرفة سبب المشكلة : حاولي تعرفي إيه السبب اللي خلاكي تفقدي الثقة بالنفس أو تبعدي عن الناس. هل حصل موقف معين أو شخص معين أثر عليك بالسلب؟ ٢. الاهتمام بالنفس : اهتمي بنفسك سواء جسديًا أو نفسيًا. خصصي وقت لنفسك تعملي فيه الحاجات اللي بتحبيها وتستمتعي بيها، زي قراءة الكتب، ممارسة الرياضة، أو حتى مشاهدة أفلامك المفضلة. ٣. التدريب والتحضير : تدريب نفسك على التحدث قد يكون له تأثير كبير. حاولي تتدربي على التحدث أمام المرآة أو أمام عائلتك. اختاري مواضيع بسيطة للتحدث فيها مع الناس، وابتدي تحضري بعض الجمل اللي ممكن تقوليها. ٤. التدريج في التواصل : مفيش داعي تبدأي بكل الناس مرة واحدة. ابدأي بشخص واحد أو اثنين، وحاولي تتواصلي معاهم بشكل منتظم. بعد كده، ممكن تزودي عدد الناس بالتدريج. ٥. الاعتراف بالنقاط الإيجابية : دوّني كل الأمور الجيدة اللي بتحصل ليكِ وكل الإيجابيات اللي بتشوفيها في نفسك. دايمًا فكّري في النقاط القوية اللي عندك، وافتكري إنكِ شخص مميز ومهم. ٦. البحث عن الدعم : مش عيب إنك تلجئي لمعالج نفسي أو مدرب حياة يساعدك. هما متخصصين في مساعدتك تتجاوزي مشاكلك النفسية وتبني ثقتك بنفسك. ٧. تقدير النفس : حاولي تتعلمي تحبي نفسك وتقبليها زي ماهي. كل شخص عنده مميزات وعيوب، والمهم إنك تركزي على تحسين نفسك بدل ما تركزي على النقد الذاتي. ٨. الاسترخاء والتأمل : حاولي تمارسي التأمل أو الاسترخاء بانتظام. ده بيساعدك في تهدئة نفسك وتقليل التوتر. ٩. الرياضة : ممارسة الرياضة بانتظام ليها تأثير كبير على النفسية وبتساعد في تقليل التوتر وزيادة الثقة بالنفس. فكّري دائمًا إن التغيير مش بيحصل بين يوم وليلة، هو عملية مستمرة. وتذكري إنك قوية وقادرة تتغلب على أي تحدي مهما كان. أنا هنا دائمًا عشانك، وأتمنى لك كل النجاح والسعادة في حياتك. 💖
تم النشر السبت، ١ يونيو ٢٠٢٤
عشان تحلي اي مشكلة لازم تعرفي سبب المشكلة ايه ،هل سبب عدم الثقة وتوتر والانطوايه انك مبتخريش كتير ودايما قافلة علي نفسك يبقي الحل انك تحطي نفسك في مواقف فيها ناس وتتكلمي معاهم شوية بشوية ولا السبب انك مش مرتاحه مع صحابك وبتحسي بطغط او انك خايفة تظهري بشخصيتك قدامهم ولازم تحددي دول صحاب حقيقين من خلال المواقف وان هما فعلا متقبلينك وبيحبوكي غير كدا معارف ولا زم تحددي السبب اللي هو جذور مشكلة عشان تحلي مشكلة
تم النشر الاثنين، ٣ يونيو ٢٠٢٤
لعرض السؤال في فدني اضغط هنا