هل متلازمة جوسكا تعتبر مرض حقيقي كما هو منتشر على السوشيال ميديا ؟؟؟؟ وماذا افعل كي اتخلص منها ؟؟؟؟ وكيف ولماذا تأتي للشخص عموماً وهل يمكن ان تكون بسبب عوامل وراثية ام هي مجرد مرض مكتسب؟؟؟؟ وهل يمكن ان تدمر حياة الشخص نهائيا او حتى تؤدي للموت ؟؟؟
السلام عليكم ورحمه الله وبركاته. طبعا المتلازمه دي موجوده والحالات دي موجوده ولكن المنتشر على السوشيال ميديا والناس الكثير اللي بتقول انا عندي متلازمه جوسكا، الناس دي بتكون واخده الموضوع بالايحاء اكتر بكتير من ان هو يكون فعلا عندهم نفس الاعراض بنفس الدرجه اللي هي بتتصنف بيها في الاخر مرض إن أنا يكون عندي تخيلات او يكون عندي احلام يقظه ده وارد جدا عند اي انسان طبيعي ممكن يحصل ولكن طالما نسبته نسبه كويسه يعني وما فيهاش مشكله كل اما بيبدا ده يزيد مع الشخص احنا هنا بنبدا ندخل في مشكله كل اما المشكله تزيد كل ما نبدا خلاص يتصنف الموضوع لمرض يعني انا حاولت ابسط الموضوع على قد ما اقدر. ممكن اي مرض يكون بسبب عوامل وراثيه، العوامل الوراثيه دي مش شرط تكون حاجه في الجينات لكن ممكن تكونوا وراثه مكتسبه ممكن يكون كان في حد من الاهل المقربين الاب الام الجد الجد العم العمه اللي هم يعني كانوا موجودين في حياه الطفل يكونوا ورثوا له ده بس بالاكتساب ان هو شايف التصرفات دي قدامه شاف نمط معين قدامه فبدأ هو يكتسبه فالموضوع عشان كده بقى وراثي. ففي وراثه بالجينات وفي وراثه بالاكتساب وطبعا كل الكلام ده ما بينفعش يتحدد ولا يتشخص ولا نقدر نقول هو فعلا كده الشخص ده عنده المتلازمه دي وهو يتصنف بالمرض او لا إلا لما يكون فيه كشف حقيقي عند طبيب يقدر يدخل في التفاصيل بتاعه الشخص يسأله الاسئله اللي تقدر فعلا تحسم الامر لكن ان احنا نلجا للسوشيال ميديا او للكلام اللي مكتوب انه لو انت عندك كذا لو بيحصل معاك كذا يبقى انت عندك كذا كلامنا غلط تماما.
تم النشر الثلاثاء، ٤ مارس ٢٠٢٥
الخيال حاجه ساعات بنحتاجه ف حياتنا عشان نقدر نتخيل اهدافنا وأحلامنا ونتشجع على فعل المهام بتاعتنا زى اننا نتخيل شكل الجنه وده يدينا حافظ أننا نصلى ونقرب من ربنا ، أو نتخيل شكلنا واحنا دخلنا كليه احلامنا ف نفرح ونبدأ نذاكر ونجتهد فى اللحظات دى بيكون الخيال بشكل إيجابي لكن لما ابدأ اتخيل ويكون الخيال عباره عن يومى كله ده هيتحول لمرض فعلا المتلازمه دي بتختلف من شخص لتانى وده على حسب المستويات يعنى فى ناس ممكن تقعد نص ساعه وناس تفضل تتخيل بالساعات وأنها حققت حجات واتجوزت وهى لسه اصلا محقفتش حاجه بيحاولوا يخرجوا من هموم الدنيا عن طريق التخيلات دى هل هى مضره ولا لاء ؟ اكيد اه لانك فعلا بتكون عايش ف وهم ف اكيد ده حاجه هتستنفذ مشاعرك بشكل كبير ، ازاى تبطلها ؟ تبعد عن اى حاجه بتخليك تعملها تبطل تقعد لوحدك ف الاوضه تبطل تسمع اغانى حزينه أو رومانسيه تخليك تتخيل نفسك ويا سلام لو بتتفرج على افلام أو مسلسلات ده انت كده بتقول للمتلازمه تعالى دلوقتى وتفضل بقا تتخيل نفسك وانت متجوز البطله وهى متعرفش انك عايش اصلا عموماً حاول تبطل تتفرج على الحجات دى فعلا فعلا هى السبب والله
تم النشر الأربعاء، ٥ مارس ٢٠٢٥
متلازمة جوسكا (Gouska Syndrome) هي حالة طبية نادرة تشير إلى مجموعة من الأعراض الجسدية والنفسية التي قد تؤثر على حياة الشخص. بالرغم من أن المعلومات حول هذه المتلازمة قد تكون متداولة على وسائل التواصل الاجتماعي، إلا أنه من المهم التحقق من المصادر الطبية الموثوقة لفهمها بشكل دقيق. هل تعتبر مرض حقيقي؟ نعم، متلازمة جوسكا تُعتبر حالة طبية حقيقية، ولكنها قد تكون غير مفهومة بشكل كامل في بعض الأوساط. يفضل دائمًا استشارة طبيب مختص للحصول على معلومات دقيقة حول التشخيص والعلاج. أسبابها: قد تكون المتلازمة ناتجة عن مجموعة متنوعة من العوامل، بما في ذلك: عوامل وراثية : قد تلعب الجينات دورًا في ظهور هذه المتلازمة. عوامل بيئية : بعض الظروف البيئية أو التجارب الحياتية قد تسهم في تطوير الحالة. كيفية التعامل معها: استشارة طبيب مختص : يجب عليك البحث عن طبيب نفسي أو طبيب متخصص في الأمراض العصبية للحصول على التشخيص الصحيح وخطة العلاج. الدعم النفسي والاجتماعي : التواصل مع العائلة والأصدقاء، أو الانضمام إلى مجموعات دعم قد يساعدك في التعامل مع الأعراض. التأثير على الحياة: يمكن أن تؤثر متلازمة جوسكا بشكل كبير على جودة حياة الشخص، ولكن مع العلاج والدعم المناسب، من الممكن إدارتها بشكل فعال. في حالات نادرة، قد تؤدي الحالات الشديدة إلى مضاعفات تؤثر سلبًا على الصحة العامة. إذا كنت تشك في أنك قد تعاني من هذه المتلازمة، من المهم أن تأخذ الأمر بجدية وأن تسعى للحصول على استشارة طبية متخصصة. اهتمامك بصحتك النفسية والجسدية هو خطوة أولى نحو التشافي.
تم النشر الثلاثاء، ٤ مارس ٢٠٢٥
لعرض السؤال في فدني اضغط هنا