الخيال حاجه ساعات بنحتاجه ف حياتنا عشان نقدر نتخيل اهدافنا وأحلامنا ونتشجع على فعل المهام بتاعتنا زى اننا نتخيل شكل الجنه وده يدينا حافظ أننا نصلى ونقرب من ربنا ، أو نتخيل شكلنا واحنا دخلنا كليه احلامنا ف نفرح ونبدأ نذاكر ونجتهد فى اللحظات دى بيكون الخيال بشكل إيجابي لكن لما ابدأ اتخيل ويكون الخيال عباره عن يومى كله ده هيتحول لمرض فعلا المتلازمه دي بتختلف من شخص لتانى وده على حسب المستويات يعنى فى ناس ممكن تقعد نص ساعه وناس تفضل تتخيل بالساعات وأنها حققت حجات واتجوزت وهى لسه اصلا محقفتش حاجه بيحاولوا يخرجوا من هموم الدنيا عن طريق التخيلات دى هل هى مضره ولا لاء ؟ اكيد اه لانك فعلا بتكون عايش ف وهم ف اكيد ده حاجه هتستنفذ مشاعرك بشكل كبير ، ازاى تبطلها ؟ تبعد عن اى حاجه بتخليك تعملها تبطل تقعد لوحدك ف الاوضه تبطل تسمع اغانى حزينه أو رومانسيه تخليك تتخيل نفسك ويا سلام لو بتتفرج على افلام أو مسلسلات ده انت كده بتقول للمتلازمه تعالى دلوقتى وتفضل بقا تتخيل نفسك وانت متجوز البطله وهى متعرفش انك عايش اصلا عموماً حاول تبطل تتفرج على الحجات دى فعلا فعلا هى السبب والله
الحاجات الى مبنقدرش نحققها فى الواقع هى الى بنتخيلها معظم احساسنا برغبه فى وجود حب فى حياتنا زى تخيل اننا مع شخص معين بنسبه كبيره بنكون مش عارفين نحقق ده فى الحقيقه عمرك تخيلت انك بتاكل اكل وانت شبعان جدا ؟ معتقدش ده هيحصل لازم تكون جعان عشان تبدأ تتخيل نفسك وانت قدامك اكل ، هل المتجوزين بيتخيلوا نفسهم وهما بيعيشوا لحظات جميله مع بعض ؟ اكيد لا نادراً تقريبا إلا إذا كان الزوجين دول مش بينهم حجات جميله ف بيتخيلوا ده بإختصار كل حاجه بنتخيلها فشلنا فيها فى الواقع زى لما بندخل خناقه مع حد بس مبنعرفش ندافع عن نفسنا فيها وبعد ما نروح نبدأ نتخيل نفسنا واحنا مكسرين حد قدامنا ومدمشلينه وف الحقيقه لو حد بصلنا هنطلع نجرى اساسا ف كل حاجه مبنقدرش نعملها عقلنا بيصورهالنا على أساس أنها احلام يقظه وعشان كده لازم نحاول نحل المشاكل عشان متتحولش لأحلام
تم النشر الأربعاء، ٥ مارس ٢٠٢٥
ده انا ساعات وأنا حاطط راسي على المخده عشان انام افضل اتخيل لدرجة اني معرفش انام واقوم الف في الأوضة وانا اساسا عشان اعرف انام عموماً لازم اتخيل حاجات معينة بناس مش حقيقيين ومواقف معينة مش حقيقة وبعدها انام
تم النشر الأربعاء، ٥ مارس ٢٠٢٥
لاء عندي مذاكرة وكل حاجة بس حتى وانا بذاكر بردوا بتخيل واه بيبقى أكتره اغاني ومش حزينة ولا حاجة
تم النشر الأربعاء، ٥ مارس ٢٠٢٥
يومك فاضي ولا ايه وهل ده بأغانى ولا لاء ؟
تم النشر الأربعاء، ٥ مارس ٢٠٢٥
لاء دي حاجات كتير ومستحيل أنها تتحقق اصلا مثلا بتخيل اني دكتور ماده في الكلية الحربية وأنا أساسا مبحبش الجيش ولا عاوز ابقى دكتور ولا ده مجالي اصلا بس بقعد اتخيل تحديدا أنا بقول ايه واتخيل ناس واتخيل منهج في دماغي ممكن اقعد ساعتين بالكامل كده وساعات بردوا أتخيل أن العالم كله فاضي وأنا بس اللي موجود فيه واتخيل بقى البيت والشارع والمكان ده طبعا خيال في خيال و افكار كتيرة جدا بقى يعني لو اتسمعت ممكن يتقال اني مجنون
تم النشر الأربعاء، ٥ مارس ٢٠٢٥
ايه نوع الخيالات الى بتجيلك؟
تم النشر الأربعاء، ٥ مارس ٢٠٢٥
أنا مش بتفرج على مسلسلات عموما بس هو فعلا الموضوع معايا في كل لحظة وفي كل شىء بعمله وبجد عايز الحكاية تقف
تم النشر الأربعاء، ٥ مارس ٢٠٢٥
لعرض الإجابة في فدني اضغط هنا