السلام عليكم
انا عندي 29 سنه عندي خمس اخوات ذكور وانا الوسطاني ابوايا ما دخلنيش مدرسه ولا علمني انا واخواتي الاصغر مني ورماني في دائره الشغل من صغري وكانه اكتفى باخواتي الكبار اللي دخلهم المدارس وجامعات من ثاني خلاص انا واخواتي الصغيرين المهم انا اشتغلت وكونت فلوس على تعليمي لحد ما وصلت الاعداديه بس ما قدرتش اكمل بسبب ضغط الشغل اللي بقى عليا وكمان كانليا اخ من اخين الصغيرين كان عاوز يتعليم هو كمان فسعدت وبقيت ادفع الفلوس وما بقتش عارف اكمل انا المهم الحيا مشيت وكتفيت الاعداديه وخلاص لكن طورت طورت نفسي في اللغه الانجليزيه وبقيت اتكلم بيها الحمد لله وتعليم تسويق الكتروني وتصميم عشان اطور من شغلي وتجارتي والحمد لله قدرت استقر ماديا الحمد لله نوعا طبعا مش احسن حاجه بس الحمد لله الدنيا ماشيه المهم انا بقول الكلام ده علشان انا دلوقتي بقيت حاسس ان انا ناقصني حاجات كتير بسبب اني كنت بفكر في الجواز اتقدمت ثلاث مرات واترفضت بسبب موضوع تعليمي حتى اخر مره ما رضيتش اقول لهم زي كل مره موضوع تعليمي فعلا اتخطبنا لكن انا ما رضيتش ابدا حياتي بحاجه انا مداريها وحبيت اقول كل حاجه عني فصارحتهم وصارحتها لكن هم موافقوش ولا هي وهو كمان بسبب ان هي كانت جامعيه قالت لي ممكن ما بقاش في توافق فكري ما بينا مع ان احنا اتخطبنا يعتبر سبع شهور وما كانش في يعتبر اي خلافات بينا خالص واللي مستغربه ان ما حدش اهتم بالجانب الديني بتاعي مع اني انا الحمد لله مواظب على الصلاه في الجامع يعتبر والدها انا متعرف عليه في الجامع يعني انا لو انا كنت كدبت عليهم كانوا كملو الجوازه انا مش عارف ليه الناس سايبه الحاجات المهمه وتحاسبني على حاجه انا شايفها ما بقاش ليها تاثير عليا في حياتي العمليه انا الحمد لله عندي محلي وعندي مشروع اللي شغال عليه فانا ما بقيتش عارف دا عيب فيا بجد ولا ايه ثقتي في نفسي تهزت جامد مشكله الناس حتى مش عارفه انا مريت بايه انا اللي انا وصلت له ده بالعافيه عشان كده انا حكيت حضرتكم في الاول عشان تفهمه انا كنت افكر في ايه خلاص انا وصلت مرحله ان انا بفكر انسى موضوع الجواز ده من دماغي وبقيت يعني ده بقى عيب فيا بجد لدرجه ان انا بقيت ازعل من ابويا ما بقتش اكلمه وفي نفس الوقت انا اقول انا ممكن ما كانش قادر ماديا يصرف علينا وقتها بجد تعبت نفسيتي بقيت في الارض وشلت فكره الجواز من دماغي وبقيت احتقر تفكير الناس
ربنا يوفقك فى شغلك هو كيانك الاول بفتكر انك عرفت ان تعليم الحياة حاجة وتعليم المدارس حاجة تانية خالص ،وأن تعليم المدارس مش بالضرورة يفهمك الأمور ال بتدور حواليك انا مدرسة الحياة مش بتخرج فشله ابدا واذا على الشهادات ما فى اكتر من الاكاديميات على مستوى العالم ربنا يقوى إيمانك.. اسمحلى افكر بحاجة ممكن تكون مش واخد بالك منها بسبب الخنقة (لكل حاجة ميعاد ،وقت النصيب لسة مش آن اوانه)صح ولا ايه !! بالنسبة بقى للناس وتفكيرها ... فى مثل بيقولك لولا اختلاف الأذواق لبارت السلع طبيعى ان مش كلنا نتفق على نفس الرقم ويكون عندنا نفس التفكير ،وهرجع اقولك لسة مش آن الأوان ونصيحة يارب قلبك يسمعها (بلاش زعل الوالدين .. الاب هو الضهر والسند طول ما نفسه معاك فى الدنيا ... ) طلع من اى حدث فى حياتك الحاجة الحلوة وافهمها واعمل دورك كامل وسيب الباقى على ربنا .. ومش تخلى حاجة تهد ال بنيته بتعب وعرق ومجهود
تم النشر الثلاثاء، ١١ يوليو ٢٠٢٣
ليك كل الحق فى احاسيسك وشعورك الوحش بسبب المواقف اللى اتحطيت فيها . كل النماذج موجودة فى الحياة وخصوصا مجتمعنا المصرى الجزء الاكبر اه هو اللى انت قابلتهم اللى اهتمامهم الاول بيكون بالشهادة بس خلينا نقول كل حاجة عشان نكون شفافين قصاد نفسنا فى الحياه العمليه الخاصه بالبيزنس الشهادة دى ملهاش لازمه لو مش بتعرف تطلع نتيجة كويسة فى الحياة الاجتماعية الشهادة بتقدمك وسط الناس وفى مدرسة الولاد وفى الورقيات اللى فى البلد كلها بنتحاسب على درجة التعليم عشان يتعملنا قيمة بس فى احترام الاخرين ( لسه حاصل معايا موقف فى البنك وتخيل ان المدير تحمل انفعالى بسبب غطه عندهم لما شاف المؤهل فى البطاقة ...طبعا دى مش المفروض يفرق بس دى حقيقة مجتمعنا للاسف) هل ده معناه اننا قليلين او نبص لنفسنا وحش يعنى انا البس واتشيك وابص فى مراية اصلا مجرحه ...واجى اعيب فى شكلى انا ...طبعا لا ...العيب هيفضل فى المرايه مش فيا. انت راجل وجدع ومحترم وحققت نتيجة محترمه وتفضل فخور بنفسك لاخر العمر ...وقعت منك حاجة فى طريق نجاحك ....ولا يهمك ...قدرت تعوضها يبقى كويس ....مقدرتش يبقى اللى تليق بيك هى اللى تبقى فخوره بيك وشايفاك اهم من مليون شهادة ....اللى غير كده ولا تشغل بالك بيها ومش هى دى اللى تنفع تكمل جنبك لان مخها هيكون محدود ومش زيك ابدا.
تم النشر الثلاثاء، ١١ يوليو ٢٠٢٣
انت احسن من ناس كتيير معاهم شهادت انت محتاج تقرب من ربنا وتشيل افكار دي من دماغك بس
تم النشر الأربعاء، ٢٧ سبتمبر ٢٠٢٣
من رأيي لو قادر تكمل تعليم كمل لو مش قادر خلاص ربنا شايلك نصيبك لكن متوقفش سعي لا في موضوع الجواز ولا تبطل سعي في موضوع إنك تحسن من نفسك
تم النشر الخميس، ١٣ يوليو ٢٠٢٣
السلام عليكم اولا انا بحييك على نجاحك ما شاء الله تبارك الله انت نجحت في حاجه غيرك كتير قوي فشل فيها نجحت فيه بيزنس نجحت فيه ايه؟ ان انت يكون عندك شغلك نجحت ان انت تقدر تتعامل مع الناس نجاح تاني انت تقدر تعمل بيزنس وتاخد قرارات تنجح و تنجح شغلك ونجحت ان انت تكبر الحاجه اللي انت بتعملها دي يا اما كتير الناس كانوا رجال اعمال ما كانش عندهم خلفيه تعليميه عاليه زي مثلا الحاج محمود العربي الله يرحمه اعتقد بتاع توشيبا ما كانش متعلم تعليم عالي فالنجاح مش بس نجاح تعليمي لا ده نجاح كمان انت بتاخد النجاح في الحياه نتيجه اعمال انت بتقوم بها او مشروع انت بتقوم به ده رقم واحد رقم اثنين لا طبعا في ناس بتعليم زي حضرتك واقل منك كمان تجوزه. ممكن تلاقي حد تعليم جامعي ممكن يوافق على حضرتك ممكن تلاقي حد في مستوى تعليمك ممكن يوافق عليك لكن الافضل ان انت تلاقي حد في نفس مستوى التعليمي عشان بعد كده ما يبقاش مشكله او بعد كده ما تجيش تيجي تقول لك انا تعليم جامعي وانت تعليم اقل مني وانا وافقت ان انا اتجوزتك فحاول تدور على اللي في نفس المستوى التعليمي بتاعك علشان خاطر يكون في توافق وبعدين ما يكونش فيه احراج بعد كده مثلا انت ان هي دي تقول لك انا اتجوزت انا وانت اقل مني فانا اتجوزتك . فطبعا هتلاقي وفي جوازات نجحت كتير جدا جدا جدا بنفس مستوى تعليمك او اقل كمان الاهم من كده ان انت لازم تعرف ان انت انسان ناجح ان انت انسان ناجح نجحت في الحياه ونجحت ان انت عملت مشروع ربنا يوفقك فيه غيرك كثير قوي متعلمين تعليم عالي ما يعرفوش يعملوا النجاح اللي انت عملته ده فربنا يوفقك ويبارك لك ولازم لما تتقدم لحد يكون في صراحه من اول مره تصرح الناس الي انت متقدم ليهم بكل شي . كل حاجه بدون اخفاء اي معلومه لان دي امانه ما ينفعش ان انت تخفي فيها اي معلومه خالص وبالتوفيق لك يا رب.
تم النشر الثلاثاء، ١١ يوليو ٢٠٢٣
عزيزي، أنا فاهمة إحساسك تماماً. الموضوع مش بسيط ومؤلم فعلاً. بس أنا شايفة إنك ممكن تتخطى المرحلة دي بس لازم تكون صبور مع نفسك. أولاً، متلومش أبوك في حاجة. هو عمل اللي قدر عليه وزمان الظروف كانت صعبة. إنت اللي بذلت مجهود ووصلت للمرحلة اللي إنت فيها دلوقت. وده إنجاز كبير متنكرهوش. ثانياً، موضوع الجواز معقد فعلاً بس مش معنى كده إنه مستحيل. إنت لسه شاب والدنيا قدامك. خليك متفائل وادعي ربنا يرزقك بالشريكة المناسبة في الوقت المناسب. الناس اللي رفضوك بسبب التعليم مش هما الناس الوحيدة في الدنيا. إنت إنسان ناجح وقادر توصل لأهدافك. متيأسش ولا تحتقر نفسك. خليك متفائل وصبور، ربنا معاك وراح يسهل أمورك في الوقت المناسب. آسفة إن الكلام طول بس أنا بتألم لما بشوف حد متضايق وميأس من نفسه. تقبل تحياتي، وفي أي مساعدة تانية أنا جاهزة. ربنا معاك!
تم النشر الثلاثاء، ١١ يوليو ٢٠٢٣
خايني اقولك ان حرفيا مفيش حاجة حلوة للاخر و لا وحشة لآخر.. كلنا عندنا نواقص .. بس ركز في مجالك و شغلك و هتلاقي اللي تستاهلك .. متركزش في الناقص عندك
تم النشر الأربعاء، ١٢ يوليو ٢٠٢٣
انت راجل محترم .. متحاولش احساس النقص ده يكبر معاك .. اوعى .. عشان حرفيا مش هتلاقي نفسك سعيد في اي حاجه بتعملها و لا اي حاجه حلوه بتحصلك و لا حتى انجاز كان نفسك تحققه و حققته هتلاقي نفسك مش مبسوط .. و لما ربنا يزيدك ان شاءالله و تكبر في مجالك و تبقى اعلى من اللي حواليك .. هتلاقي نفسك بتتبسط باذية الناس
تم النشر الأربعاء، ١٢ يوليو ٢٠٢٣
لعرض السؤال في فدني اضغط هنا