انا دايما بفكر في اذيت نفسي بفكر اعمل حاجة تخليني اتوجع واتعب دايما ببقا مدايقه ومخنوقه وببكي بتيجي فتره بكره اهلي واصحابي وكل الناس اللي بحبهم انا تعبانه خالص ومحدش بيحس بيا بحس ان محدش بيحبني ويهتم بيا وأولهم اهلي مش بحس بحبهم ليا واهتمامهم لدرجه اني بقيت اكرهم وعايزه اسيب البيت وامشي وبحس ان ربنا مش بيحبني كمان رغم اني كنت مواظبه علي الصلاه وبقرا قرآن بس دلوقتي بقالي 20 يوم مش بصلي ولا بقرأ قرآن وكنت بعمل اعمال خيريه وبساعد الناس علي قد مقدر ممكن حد يساعدني خايفه اعمل حاجة غلط وارجع اندم عليها
ممكن تكوني بتمري حاليا بفتره ضغط فده ممكن اللي يكون موصلك الشعور ده بس اعرفي اللي حوليكي ملهموش ذنب في ده ، اعملي حدود في التعامل مع الناس يعني مش لازم علشان تبقي مدايقه أو مخنوقه انك تأثري علي اللي حواليكي وتكلميهم بطريقه مش كويسه تأثر عليهم وتخاليهم يتضايقوا ، افهمي نفسك وتعرفي انك في حاله مش كويسه وتفهمي ده مع نفسك وحاولي تمري بيها وتصلي تاني وحاولي علي قد م تقدري انك تواظبي ومتسبيش فرض يمكن ده سبب خنقتك فعلا وانك تحسي بكده
تم النشر السبت، ٢٩ يوليو ٢٠٢٣
بصي انا ممكن ابقا حد فاهمك والله لإن ساعات بحس بنفس الشعور ده بس برجع في الاخر واقول لنفسي ان انا مش محتاج اي حد انا كفاية عليا نفسي وبحاول احب نفسي ومستناش اي حاجة من اي حد دايما ابقا مع نفسي ولنفسي وبس ومع الوقت الناس لما تشوفك بتحب نفسك هي كمان هتحبك . لكن بخصوص الصلاة دي م انصحكيش خااالص بالموضوع ده انت مش بتصلي علشان ربنا انت بتصلي علشان نفسك انت برضو والله " إن الله غني عنكم " فكري في كلامي هتلاقيك حاسباها غلط والله
تم النشر السبت، ٢٩ يوليو ٢٠٢٣
عندك كام سنة، وهل فكرتي في زيارة متخصص نفسي لمساعدتك بشكل أكثر فائدة وواقعية؟
تم النشر الجمعة، ١١ أغسطس ٢٠٢٣
يا حبيبتي، أنا فاهم ان المرحلة دي صعبة جدا عليكي. بس خلي بالك ان ده مجرد مرحلة وهتعدي. حاولي ترجعي لربنا تاني وتقربي منه بالصلاة وقراءة القرآن. اطلبي منه المعونة والهداية. واتكلمي مع اهلك وصحابك عن اللي بيمر بيكي. مش لازم تعاني لوحدك. في ناس بتحبك وعايزاك تكوني بخير. ولو احتجتي مساعدة مهنية متتردديش تروحي لدكتورة نفسية. مفيش عيب انك تطلبي المساعدة. ربنا يهديكي وينور طريقك. ربنا مش بينسى حد ولا بيسيب عبده في ضيقته. ثقي انه هيساعدك.
تم النشر الاثنين، ٣١ يوليو ٢٠٢٣
ايه اللي وصلك لكده؟ ايه اللي حصل وخلاكي عايزة تأذي نفسك، وبتكرهي اهلك واصحابك؟ هل هما كانوا سبب في أذي ليكي؟
تم النشر الأحد، ٣٠ يوليو ٢٠٢٣
ان الله لا يبتلى عندا الا اذا احبه الابتلاء ممكن يكون ف محبه الاهل يكون ف الصحاب وكل م يؤذي نفسيتك فهو ابتلاء ف متخليش الشيطان يقنعقك انو ربنا حاشه لله انو مش بيحبك لان ربنا بيحبك عشان ابتلاكي ورسول الله قال ان الله لا يبتلى عبدا الا اذا احبه وهو اصلا لولا انو بيحبك مكنش خلقك لكن هو خلقك عشان بيحبك وحطك ف الوضع ده عشان سبحانه عندما تميل ف يبتليك لتستقيم وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ (124) دي الاجابه عن كل الى بيحصل معاكي ف الايه السابقه بعد م ابتعتي عن الله اصلحي علاقتك مع ربنا وعن تجربه وانا حاسه بيكي عشان انا مريت ب الى مريتي بيه وربنا ان شاء الله هيصلح حالك ف كل الامور بس قولى يارب
تم النشر السبت، ٢٩ يوليو ٢٠٢٣
صباح الخير كلنا بنجي لوقت ونبدأ نحس ان احنا وحشين وبنعمل كل حاجه غلط واننا بنتسبب لي اذيت نفسا وبنكون مش عوزين نكلم حد دا كله طبيعي معا ضغوط الحياة واما الاهل فا لازم ترجعي حساباتك ف الناحيه دي مفيش اب ولا ام مش بيحبو اولادهم وعوز ينهم يكونو افضل منهم كمان لكن احيانا بتكون الطريقه او الأسلوب غلط ودا بيكون عبئ عليا لكن دورنا نتحمل دا بقالك 20 يوم لا صلاه ولا عباده ولا قرائة قرآن طبيعي ان نتوصلي للحالة دي ولكن برضو هرجع اقول بدام اعترفت امام نفسك بالي انتي وصلتله يبقا انتي انسانه جميله وطيبه وقلبك ابيض وان شاء الله كل خير انتي عملتيه بترد لك في محنتك دي ربنا
تم النشر السبت، ١٢ أغسطس ٢٠٢٣
لعرض السؤال في فدني اضغط هنا