السلام عليكم ورحمه الله وبركاته
انا متجوزه بقالى سنتين ومعايا طفل وجوزى اخداه عن حب وهو واخدنى عن حب في بدايه جوازنا كانت بتحصل مشاكل زى اى مشاكل وانا كنت انفعاليه وبتقمص بسرعه المهم بعد شهرين من الجواز بدأت احس بتصرفات غريبه كان بيحب يودينى عند ماما كتير بحجه انى حامل وتعبانه ومين يشيلنى ومكنش بيحب وجودى في البيت نهائى لدرجه انى كنت بعمل مشاكل بسبب انى عايزة اروح بيتى
واشتكيت واتكلمت كتير وبكيت كتير وفي الاخر لا حياه لمن تنادي وكنت حاسه ان فيه حاجه غلط وفي الفتره دى كان بيعرض عليا فلوس عشان أقعد عند ماما طبعا بيجيبها بالمحبه والهزار بس انا كنت فاهمه وحاسه ان فيه حاجه غلط وعديت فتره الحمل وكانت اوحش فتره في حياتي، هو مسندنيش ولا قدرنى في الفتره دى ولا حس بيا بس معلومه هو بيجبلى كل حاجه اطلبها مش بخيل ماديا
المهم ولدت وقمت بالسلامه وقلت خلاص مفيش حجه يودينى بيها عند ماما قلت لا وصممت ارفض وبرفض كدا بيأكد شكى فيه المهم حاول وانا رفضت بكل الطرق وبردو كان فيه مشاكل زى اى مشاكل اسريه
جه ف مره اهله هو كانو مسافرين هو قعد يزن عليا اسافر ولا رافضه نهائى مش عايزة اسيبه لان حاسه فيه حاجه غلط ال هو عايزنى اسافر تمام بس سافر معايا المهم لعب بتصرفاته لحد ما حجز لى ورحت لاهله ف الوقت دا كان غصب عنى وهو كان حاسس وعارف انى مش عايزة اسافر ولا عايزة اروح ف حته
المهم انا مصممتش على موقفى وسافرت عشان كان حجز لى وبردو كنت ف حاله صمت حزين بسبب دا وانا مش فاهمه في ايه ولا ليه هو مش حابب وجودى ولا ليه هو بيعمل معايا وفيا كدا مرت الايام وايام وايام اكتشفت اسوأ خبر ف حياتى وكأنه كان بيسن السكينه كويس عشان يدبحنى بيها
اكتشفت انه بيخونى ومن اسوأ وابشع والخيانات كنت وقتها واحده مريضه نفسيه مجنونه مش طايقاه مش حباه وكارهاه وقتها عرفت انى مختارتش الراجل الصح وقتها عرفت انه مكنش ينفع اكمل معاها لانه اكتشفت حاجات ف الخطوبه وسامحت وعديت وقلت هيتغير ودا كان قرارى بإيدى وتفكيرى
المهم هو طعنى طعنه غدر وهو مش حاسس دخلنا ف مشاكل وحورات ولعب بيا بتصرفاته وكلامه ولحد الان اهلى ميعرفوش انا كان فيا ايه وطبعا لما لعب بكلامه وتصرفاته عليا وانا مازال قلبى موجوع ورجعت عشان ابنى
انا مثلت وبمثل عليه انى سامحته وبحبه لكن انا لا سامحته ولا بحبه ولا بكرهه ولا هو في نفس المكانه ال هو فيه نهائى ولا حاسه معاه بالامان ودايما حاسه انه فيه حاجه غلط ودايما حاسه انه هيطعنى رابع وعاشر ومليون عشان مفيش امان بس وقتها هنسحب لان انا كنت هبقى واثقه انه ممكن يعمل فيا كدا واكتر من كدا من ساعه الطعنه الاولى والصدمه الكبيره ال اخدتها منه
انا حاليا مبقتش امسك الفون بتاعه ولا ادور وراه وبقيت مفوضه امرى لله وعارفه ان لو فيه حاجه غلط تانى ربنا هيبينهالى.
انا لما رجعت من تاني بيتى ولحياته بس بمثل عليه وعلى نفسي قلت يمكن يتغير معايا كزوج ويحاول يداوى ال عمله فيا وال سببه ليا وهو كان فاهم وفاكر ان الموضوع بيداوى بمجرد ما يصالحنى ويعتذر بس للاسف انا مش ناسيه وقتها الصدمه ولا الحاله ال كنت فيها ولا الوجع ال سببه ليا ولا تأنيب الضمير ال مخلينى حاسه بيه لشخص ملهوش اى ذنب
هو لا بيقعد معايا ولا ف اهتمام ولا احتواء ولا عارف يعنى ايه واجبات زوج لزوجته انا فوضت امرى لله وهيجى يوم ربنا هيجبلى حقى لحد عندى على كل غدر وكل وجع وكل احتياج فقدته.
ومازال لا بيحب وجودى ولا كلامى ولا خروجى معاه
دلوقتى انا بقيت مجرد خدامه ف البيت وهو مجرد ATM بيصرف وخلاص حقيقى سبحان من غير مقام الناس ف قلوب سبحان من كان هو ف المكانه الاولى واتسند عليه وقعنى وكسرنى مليون حته ودلوقتى مكانته بقيت بالنسبالى عادى موجود زى مش موجود
وللعلم انا بقيت اتجاهله نهائى وللعلم بيبقا عنده اوقات كتير يخترنى ومخترنيش انا مش مسامحه على اى احتياج احتاجته وملقتوش وعارفه انى ربنا هيعوضنى وهيجببلى حقى بس انا حزينه وكنت فاكره وفاهمه انى اتخطيت الصدمه بس انا لا اتخطيت ولا حاجه هتفضل علامه سودا ف حياتى كلها ومش مديه الامان انا عايشه ف علاقه خايفه منها
قولولى اعمل ايه اتصرف ازاى اتجاهل ازاى اكتر ما انا متجاهله 🥺❤️🩹
عزيزتي. تلك هي معركتك اولا. عليك. التمسك. بالصلاه والدعاء. لله عز وجل. لخروجك من هذه المحنه وفي الدعاء. على انك. تريدينالحياه الزوجيه. السليمه. وانك لا تسعين.لهدم او خراب بيتك. وعليك التحلي ببعض الصبر لبعض الوقت. حتى الله. ان يحدث لك. ما هو خير لك؟ واعلمي ان كل الامور. خير لك.. عليك التعامل فيها بحكمه. اولا. هل تريدين الاستمرار؟ وكسب هذا الزوج. ان كانت الاجابه نعم. فبالتالي. عليك. الدخول. في تغيير. هذا الزوج. بالمصالحه. والمكاشفه. بما في قلبك. بعد ذلك عليك الاستعانه. ببعض العناصر. التي. قد تساعدك. في استعاده زوجك. وبيتك. مثلا. الكلام مع شخص. من اسرته. حكيم عاقل. وخصوصا عندما يكون يخشى على صورته. امامه. مثل الام او الاخ. او الاب. او العم. لابد من وجود شخص. في هذه المواصفات. اضغطي بورقه. صورته. امام هؤلاء الناس. وماذا لو؟ عرفوا. بما يفعله. لانه انه واضح. انه. شخص. يهمه.وهذا طبيعي. قد يكون هذا الخيط. سبب. في استعاده الامور. ولكن. اذا كان رايك غير هذا. وان الامور. لن تتغير. فعليك. الاتجاه. مباشره. في الطريق الاخر.
تم النشر الأربعاء، ١٢ مارس ٢٠٢٥
ممكن شوية تغيرات فى المعيشة يعنى ممكن بسبب الحمل والمسؤلية الزايدة خليته يبص لحد فاضى مايوجعش دماغه اكيد فاهمة كلامى حاولى تتجنبى مثلا المشاكل يعنى افتكرى اول ايام الزواج معاملة خاصة تغير ديكور البيت او تغيير ف الاجواء موسيقى هادية او حاجة هو بيحبها مع مشروب حلو تغيرات مرئية كدة معطر جو هادى اكيد انتى عارفة حاولى تتجنبى المشاكل
تم النشر الثلاثاء، ١١ مارس ٢٠٢٥
عليكم السلام ورحمة الله وبركاته، أختي العزيزة، أشعر بعمق الألم الذي تمرين به، فأنت تواجهين تجربة مؤلمة وصعبة من الخيانة والإهمال. هذه المشاعر التي تعانين منها طبيعية جداً في مثل حالتك، وأنت تعيشين فترة من الاضطراب النفسي الناتج عن خيانة شريك الحياة. لذا، أود أن أقدم لك بعض النقاط التي قد تساعدك في تخطي هذه الفترة الصعبة: الأمان النفسي : من المهم أن تعملي على حماية نفسك عاطفياً. أحيطي نفسك بأشخاص داعمين يفهمون حالتك ويقدمون لك الدعم النفسي والعاطفي. فهم المشاعر : اعترفي بمشاعرك ولا تحاولي قمعها. من الطبيعي أن تشعري بالخيبة والقلق والإحباط. خذي وقتك في معالجة هذه المشاعر. التواصل : إذا كان ذلك ممكناً، حاولي التواصل مع زوجك بشكل واضح وصريح حول ما تشعرين به. قد لا يغير ذلك من موقفه أو مشاعره، ولكنه قد يساعدك على التعبير عن نفسك. استشاري نفسي : التفكير في زيارة استشاري نفسي قد يساعدك بشكل كبير. سيمكنك ذلك من التحدث عن مشاعرك وآلامك بطريقة أكثر عمقاً وخصوصية، وقد يوفر لك أدوات للتعامل مع الصدمة. التركيز على ذاتك : أعطي لنفسك أهمية وعناية. اشتغلي على تطوير نفسك، سواءً بالتعلم، أو الهوايات، أو أي نشاط تحبينه. هذا سيساعدك على بناء ثقتك بنفسك واستعادة شعورك بالقوة. التحلي بالصبر : الشفاء من الصدمة يستغرق وقتًا. كوني صبورة مع نفسك. الإحساس بالألم لن يختفي بين ليلة وضحاها. دعاء الله : كوني مطمئنة إلى أن الله معك. استخدمي الدعاء كوسيلة للتعبير عن مشاعرك وطلب التوجيه والقوة. لا تترددي في السعي للحصول على الدعم الذي تحتاجينه، واحتفظي بالأمل في أن الله سيعوضك عن كل معاناة. برغم الألم، هناك دائمًا فرصة للشفاء والنمو. أدعو لك بالصبر والراحة والسلام الداخلي.
تم النشر الثلاثاء، ١١ مارس ٢٠٢٥
صدقيني خراب البيوت مش بالسهل لا عليكي ولا على أهلك فالمطلوب منك طالما كنتي بتحبيه هو الصبر والدعاء صدقيني وهتدعيلي بإذن الله أولاً علاقتك بربنا تبقي كويسة صلاتك ولبسك وأذكارك ومتسبيش فرض غير لما تدعي وتقولي اللهم اصلح لي زوجي واجعله لي كما تحب وطبعاً تعامليه كويس وتشوفي كل طلباته وتحتسبي كده إنك بترضي ربنا وحاولي اشغلي نفسك بطفلك وابدائ دخلي نفسك في حاجات تلهيكي دوري على جروب تحفظي فيه قرآن ولو صفحة في الأسبوع هتفرق معاكي السماء بإذن الله تصدقني هيتغير معاكي ١٨٠ درجة وابقي ادعيلي نتقابل هناك برحمة ربنا في الجنة
تم النشر الأربعاء، ١٢ مارس ٢٠٢٥
كويس انك بتفضفضي واتكلمتي انتي المفروض تحاولي تشوفي وراه تاني ولو حسيتي بحاجه غلط لسه بتحصل قولي لاهلك ودخليهم وصعدي الامور ومتكتميش ولا تخبي ولا تمثلي ومعلش انتي عندك ولد ادي فرصه واتنين بس التالته لا وخدي قرار حاسم لو استمر شي من ده وانصحك بالطلاق المبكر واتأكدي من وضعك في علاقتك دي عشان عمرك ميضعش لانك لسه صغيره اعتقد ربنا معاكي ويتولاكي ويكتبلك الخير
تم النشر الأربعاء، ١٢ مارس ٢٠٢٥
لعرض السؤال في فدني اضغط هنا