ازاي اقدر نتعامل مع اب عديم الكرامه والشهامة وبخيل علي نفسه وأولاده وحياته كلها الفلوس وهو افشل بني ادم وخلي ولاده يكرهوه بطريقه غير منطقية ومبقاش فارق معاهم خالص ولا لكنه موجود دا حتي ما بيرنش يطمن عليهم ؟
محدش بيختار أهله للأسف ولكن ف أيدينا نتقبل ونتكيف وده مش سهل.. محتاج وقت ودعم ذاتي لنفسك.. إفتكر إنك هتحاسب علي نفسك طالما نضجت فأنت كفيل بنفسك واخلاقك تروضها و تصلحها وتختار تعيش بطريقتك.. لو بباك منه أمل تكلم معاه ولكن بهداوه واحترام وبأسلوبه هو وإنت عندك طاقه تحاول معاه و تسايسه يبقي أعمل ده.. مش متاح ده يبقي ادعيله فقط ربنا يهديه و ادعي لنفسك يعينك تسد مكانه ومتبقاش زيه وبره.. في حديث جميل عن شخص من أهل اليمن نزل الوحي ع الرسول يقوله إن الشخص ده دعائه مستجاب ومنزلته كبيره وربنا سماه باسمه لمجرد بره لأهله! فمنزله البر علي قد عظمتها علي قد ماهي مش سهله لأن مش كل الأهالي أهل.. واقرأ فالسيره وقصص الأنبياء هتعرف قد إيه ده ابتلاء لا يبتلى به الا من يحبه الله فعلا 🌻 تغافل واحتوي نفسك بقربك من ربنا هو احن عليك واستعين بالله يقدرك تحتوي أهلك وتكون عوض ليهم والله يسامحه ويهديه ويقرب بينكم يارب
تم النشر الأحد، ١٢ مارس ٢٠٢٣
للاسف الواحد مش هيقدر يغير اهله، ولا يختار اهله انتي تحاولي بقدر الامكان انك تتكيفي مع الوضع، وتتحاولي تتلاشي بقدر الامكان برده الاذي والضرر .. انا متفهمة مشاعرك جدا، وان اكيد كان نفسك يكون ليكي الأب اللي في مخيلتك واللي انتي ببتمنيه. ولكن احتسبي ده عند ربنا، واكيد ربنا هيعوضك باذن الله في اشياء تانية في الحياة
تم النشر الأحد، ١٢ مارس ٢٠٢٣
نتعامل معاه انه نوع من انواع الابتلاء اللى واجب الصبر عليه اولا . ثانيا نتجنب الاحتكاك معاه بشكل مباشر كتير . ثالثا الولاد ميسمحوش لاى حد يتكلم فى حق ابوهم وحش. نعرفهم ان لو هو قصر فى حقهم ...فهما مش هينفع يقصروا فى حقه ولا يتعاملوا معاه وحش ...وده عشان ربنا. الاب ده ممكن بس نحاول ناخد منه حقوق الولاد على قد ما نقدر عشان ميبقاش فى احساس بالغضب من الولاد بشكل متزايد.
تم النشر الاثنين، ١٣ مارس ٢٠٢٣
لعرض السؤال في فدني اضغط هنا