السلام عليكم ورحمه الله وبركاته.
انا طالبه ف 2 ث.. مشكلتي بدات من 1ث.وهي ان اتعرفت علي واحده وكنا صحاب عادي.. عاوزه اذكر حاجه مهمه.. اني بصاحب الكل عادي وبتكلم مع الكل بس ك شغل صاحبه مقربه وبست فريند والكلام دا، مليش دعوه بيه.
المهم كنت مفكراها عاادي زي اللي اعرفهم.. بس لقيتها بتقرب مني اكتر واهتمام اكتر والكلام دا بقا.. وانا منكرش اننا مبحبش الصداقات القريبه دي... عشان مريت بتجربه (ف اجازه 3 اعدادي) وكانت فاشله حرفيا... كان عندي صديقه اونلاينكنت بحبها جدا عشان كانت اول واحده ارتحلها وكنا صحاب واكتر من اخوااات..لكن للاسف طلعت كدابه وخاينه خدت اسراري اللي مأمناها عليها وحكيتها هنا وهناك والمهم يعني سبتها وبعدت عنها وانا اصلا قبلها كنت مقفوله من الحكايات دي جت هي وقفلتني خاااالص.. المهم البنت اللي ف حياتي الواقعيه قبل مكرر ان ابعدها من طريقي حصل مشكله كبييييره اووي ليا بسببها عشان دخلتني ف موضوع كبير وجابلي مشاكل..وسعتها افتكرت البنت اللي كانت ف حياتي الاول والذكرايات السودا بدات تلف ف دماغي..وبقيت قااعده اتكلم مع نفسي واعاتب نفسي علي تكرار نفس المشهد. وكلااااام بقا... فقررت ابعد بشيااكه. بقيت اعملها ببرود وكدا عشان تبعد عني عشان مش عاوزه اظلمها معايا ومع عقدي النفسيه وانا منكرش ان مكنتش حابه قربها مني... المهم فضلت علي كدا.. لحد مجتلي مره وكانت جايبالي شوكليت كتير وبتقولي انا حلمت انك زعلانه مني... سعتها فعلا اتاثرت وقولتلها مفيش حاجه.. وبردوا كنت ببعد... لحد اما بعدنا خالص.. بس بقينا حاليا بنتكلم عادي ولو راحه درس ولقيتني واقفه او العكس بنروح ونمشي مع بعض. والدنيا ماشيه يعني... بس انا عمري م هنسي نظراتها ليا... لحد انهارده سعات ألقيها بصالي بصة ندم علي زعل علي حجات كتيره.. وانا الصراحه مش عارفه اعمل اي... انا حاسه بذنب كبير.
وعليكم السلام ورحمة الله وبركاته .. أحب أن أحييكي على صراحتك مع نفسك اولا ..👌👏 ثانيا .. تجربتك الاولى منذ ان كنتي في الاعدادي .. ليست محل للتعميم على كل تجاربك التالية. من الظلم لنفسك وأيضًا للاخرين أن تعممي تجربة واحدة أو حتى ان كانوا الالاف التجارب على كل ما سيأتي. التجربة هدفها الاول والاخير أن نتعلم منها، انتي هنا تركتي التجربة تٌحدث فيكي ما حدث .. تركتيها لكي تكون حاكم عليكي وعلى الآخرين في كل ما سيأتي. راجعي تجربتك الماضية، وتعلمي منها ولا تتركيها تتحكم في مصيرك. اما بالنسبة للصديقة الاخرى، من المهم أعرف تفاصيل ما حدث، هل هي كانت سيئة معكي؟ أم ماذا حدث في هذا الموضوع الذي كان بينكم، لانكي لم تتحدثي عن تفاصيله. ولكن اذا كانت هذه الصديقة جيدة، فما المانع من قربها .. اما اذا كانت بالفعل قد أوقعت بكي في المشاكل فتبقى كما هي ليست بالقريبة وليست بالبعيدة.
تم النشر الاثنين، ١ يناير ٢٠٢٤
بصي متاخديش حد بذنب حد لان صوابعك مش زي بعضها اديها فرصه يمكن هي انسانه مخلصه فعلا ومحتاجه صداقتك ليه تصديها وبعدين احنا في الدنيا دي مجرد دروس لبعض وانتى خدتي درس من الصداقه الاولانيه يبقا حرصي منها لاكن متصديهاش مش كل حاجه تامني عليها مع حد اسرارك لنفسك بس احنا مش هنعيش من غير ناس يعني والمهم العلاقه الصدقه الاولانيه متاخديهاش بأنها صدمه خديها بانه درسه واتعلمتي منه انك متامنيش لاى حد على أسرارك ومتكسريش بخاطرها
تم النشر السبت، ٦ يناير ٢٠٢٤
هديها لأن دي صاحبه بجد بس خلي بالك مش كل حاجه تحكيها ولما تحبها اوي هتلاقي زكرياتك دي كلها بتخف بالوقت وتتعلم حاجات كتير من الماضي
تم النشر الاثنين، ١ يناير ٢٠٢٤
امشي تمام هاتاقبلي وتصاحبي ناس تمام ...امشي عوج مش هاتصاحبي غير العوج ...عليكي تختاري الطريق والاصدقاء هايجوا لواحدهم
تم النشر السبت، ٦ يناير ٢٠٢٤
لو البنت مالهاش زنب ف حاجة حرام تعامليها كده
تم النشر الخميس، ٤ يناير ٢٠٢٤
سيبي الماضي وارميه اتعلمي منه بس.. عشان لو فضلتي عايشه فيه هيفضل عامل في حياتك زي خيال مآته
تم النشر الأربعاء، ٣ يناير ٢٠٢٤
شكرا لحضرتك علي النصيحه🙏🏻✨
تم النشر الثلاثاء، ٢ يناير ٢٠٢٤
شكرا لنصحيه حضرتك..🙏🏻✨
تم النشر الاثنين، ١ يناير ٢٠٢٤
مينفعش تخدى أن الحياه كله ناس سودا ووحشه انتى لازم يبقى عندك صحاب وخلى الصحبيه ليه حدود اتكلمى معاه وحبيه واخرجى ولكن خلى فى حدود متقولهاش أسرارك مثلا متدخليش فى حاجه هتوقعك فى مشكله اعملى حدود وخليه صحبتك وعزيزه عليك مع الحدود ديه عندى صحاب ياما اوى وفى بيقولى أسرارهم كتير ولكنى محافظ على حدودى ومقولتش اسرار قبل كده .....بالمختصر قربى منه عادى وصحبيه ولكن بحدووود
تم النشر الاثنين، ١ يناير ٢٠٢٤
لعرض السؤال في فدني اضغط هنا