السلام عليكم ورحمة الله وبركاته
ايه المصادر اللى اقدر اتعلم فيها مجالات مختلفة بس يكون مجانى واونلاين وكورسات تخص مجالات علم النفس
وعايزة اشتغل شغل اونلاين ميكونش محتاج خبرة ويكون بمرتب كويس ومتكنش بردو عدد ساعاته كتير
اللى عنده اى معلومة يفدنى
شوفي يا استاذه رانيا بالنسبة لتعلم اونلاين تخصص علم النفس أفضل شيء لكي إنك تطلعى على أبحاث علمية في هذا المجال وما أكثر المكتبات العلمية المتوفرة بالمجان على الانترنت وعندك ما يسمى بموقع الباحث العلمى على جوجل ده غير المواقع الأكاديمية الأخري ومكتبات الجامعات العربية والأجنبية بالإضافة إلى أمهات الكتب لعلماء النفس المشهورين ودي أغلبها هتلاقيها متوفرة أيضا على الانترنت ثانياً بالنسبة للعمل اونلاين او الحصول على مصدر دخل عبر الانترنت فأقدر أقولك إن في مواقع كثير بس ده بيتطلب خبرة مثل موقع خمسات وكفيل ومستقل واريد وغيرها من المواقع العمل الحر وهتلاقي عليها منافسين كثير علشان كده لازم تنمى من نفسك وخبراتك والعائد المادى عليها مجزي أما لو موقع مش محتاج خبره فده للأسف أغلبهم غير صحيح او بمعنى اخر عمل ولكن لا يوجد مقابل
تم النشر الخميس، ٢٧ يونيو ٢٠٢٤
بصي بنسبة لتعلم علم النفس في فيديوهات كتير مليانة على الإنترنت و كمان برودكاست على جوجل و كمان في كتب كتير عن كدة في المكاتب و تخصصات كتير كمان على النت بخصوص الموضوع دة
تم النشر الجمعة، ٢٨ يونيو ٢٠٢٤
دور ع لينكد ان هتلاقي حاجات كتير مختلفة .. ابحث ف مجالك هتلاقي اشخاص كتير بتحط حاجات تفيدك فيه من حواقع و مصادر
تم النشر الجمعة، ٢٨ يونيو ٢٠٢٤
بالنسبه للمواقع الاونلاين المجانيه فهي كتيره وبيبقي عليها اكتر من مجال مش علم نفس بس وكمان أغلبها بيدي شهادات لما تخلص الدورة زي كورسيرا ، إدراك ، udemy , Edx,Khan academy ,coursera. وفيه برضو كتب علم نفس كويسة ممكن تقرأ فيها بس انا للاسف مش فاكره اسمها
تم النشر الجمعة، ٢٨ يونيو ٢٠٢٤
وعليكم السلام ورحمة الله وبركاته! مرحباً 😊 بالنسبة لتطوير نفسك في فترة الإجازة وتعلم مجالات مختلفة، في عندك كتير مصادر مجانية وأونلاين تقدر تتعلم منها: كورسيرا (Coursera) : فيه كتير كورسات مجانية في كل المجالات تقريباً، وكمان تخصص علم النفس. إيديكس (edX) : شبيه بكورسيرا، وفيه كورسات من جامعات مشهورة جداً. يوديمي (Udemy) : عندهم خصومات كتير، وتقدر تلاقي بعض الكورسات المجانية. أكاديمية خان (Khan Academy) : مكتبة ضخمة من الدروس المجانية في مواضيع كتيرة. موقع ندرس (Nadrus) : منصة تعليمية عربية تقدم كورسات في مجالات مختلفة. أما بالنسبة للشغل الأونلاين، اللي يكون بمرتب كويس وما يحتاجش خبرة: ترجمة وتدريس أونلاين : لو عندك معرفة جيدة بلغة معينة، تقدر تترجم أو تعلم لغات للناس. كتابة محتوى : كتير مواقع ومجلات بتدور على ناس يكتبوا مقالات مش لازم تكون عندك خبرة كبيرة، المهم طريقة الكتابة. إدخال البيانات (Data Entry) : شغل بسيط وما يحتاجش مهارات كتير، وفيه طلب عليه. إدارة وسائل التواصل الاجتماعي : الشركات بتدور على ناس يديروا حساباتهم على السوشيال ميديا. موقع الفريلانسينج زي Upwork وFreelancer ممكن تلاقي فيهم فرص كويسة. ركزي على تطوير نفسك وتعلم حاجات جديدة، وصدقيني هتلاقي الفرص بتجيلك لوحدها! بالتوفيق 💪✨
تم النشر الثلاثاء، ٢٥ يونيو ٢٠٢٤
اليوتيوب اكبر مصدر للتعلم مجاني وفي كورسيرا بس انجلش ...تشتغلي ازاي بالمجال ده ممكن تعملي حسابات علي السوشيال ميديا وتنشري فيه معلومات عن مجالك .. اعرف حد كان بيعمل كده بينشر معلومات عن علم النفس وكان واخد كورس مدفوع غالي حبه عن الاستشارة الاسريه و الزوجيه وبيجيلوا استشارات كتير جدا اللهم بارك من التيك توك
تم النشر الخميس، ٢٧ يونيو ٢٠٢٤
لعرض السؤال في فدني اضغط هنا