انا اولى جامعه وذي طلبه كتبر مخدتش الي انا عيزاه وحلمي راح بسبب الثانويه انا قبل ما ادخل تالته ثانوي كنت منتظمه جدا في صلاتي والقراءن والورد وكنت دايما حريصه عليهم اول مادخلت تالته ثانوي وتحديظ في شهر12بداءت تدريجيا كل ده يروح وكنت بحاول اتمسك على الاقل بمواعيد الصلاه وقطعت تدريجيا قيام الليل ودلوقتي انا اتغيرت 180درجه حرفيا انا مش عارفه نفسي بحاول ارجع مش قادره بحاول اصلي بصلي بصعوبه الصلاه مش في وقتها وكمان مش بصل السنن او بقول الاذكار او حتى ادعي ولا حتى عارفه اذاكر اديلي في الجامعه اسبوع وراكمت عليا محاضرات مع اني مكنتش كده ابدا مكنتش بقدر انام من غير ما اذاكر دروسي انا حرفيا في حاله توهان وايماني بربنا ضعف وبحاول ومش قادره ودورت على حلول مش عارفه انفذها حد بجد يساعدني لاني مش عايزه ومش طايقه نفسي الحاليه دي ابدا عايزه ارجع ذي الاول واحسن بالله عليكم حد يرد
السلام عليكم ورحمة الله وبركاته شكرا لحضرتك ع المشاركة قد يكون السبب في هذا هو ما يسمى بظاهرة الفتور أو ضعف الإيمان، وهو مرض واسع الانتشار يعاني منه كل مؤمن موحد ولو بين الحين والحين. وذلك أن من أصول أهل السنة أن الإيمان يزيد وينقص، يزيد بالطاعة وينقص بالمعصية. وهو داءٌ يمكن أن يصيب بعض الناس أدناه الكسل والتراخي والتباطؤ، وأعلاه الانقطاع أو السكون بعد النشاط الدائب والحركة المستمرة.. من بين وسائل علاج الفتور في الطاعة هو المواظبة على الإستغفار والصلاة على النبي والاستعاذة بالله من الشيطان الرجيم مع الإكثار من السجود والدعاء بقول " اللهم أعني على ذكرك وشكرك وحسن عبادتك " ، اللهم يامثبت القلوب ثبت قلبي على دينك " . مع الأخذ بالأسباب وإلزام النفس بالفرائض والواجبات والدعاء والتماس ساعات الإجابة ان شاء الله هتبقي أفضل من الأول ربنا يرزقك الخير ويرشدك للصالح
تم النشر الأحد، ١٥ أكتوبر ٢٠٢٣
بصي صلي ٤ ركعات او ٢ لله بس في الوقت اللي اقلك عليه صليهم الساعه ٤ الفجر قبل الفجر بساعه وادعي ربنا لأن في الوقت دا مبيصحاش ال اللي عايز بجد حاجه من ربنا وادعي بقي وعيني واشكي كلوا لربنا واطلبي الثبات علي الصلاه وأهم حاجه اليقين بالله
تم النشر الثلاثاء، ١٧ أكتوبر ٢٠٢٣
نفس اللي حصل معايا بس حاولي ارجعي لأن لو بعدتي كدا ربنا يمكن يكردك من رحمته هو انا رجعت بس لسه فاضل شويه بحاول اظبطهم
تم النشر الاثنين، ١٦ أكتوبر ٢٠٢٣
ايه كان حلمك إلى راح؟ ثقتك بربنا ضعفت عشان مدخلتيش الكلية إلى عايزاها؟ ولا فى حاجات تانية؟
تم النشر الأحد، ١٥ أكتوبر ٢٠٢٣
بصي انا كنت زيك ودخلت كليه بجد ابعد ما يكون عن اللي كنت بحلم بيه وكنت سايبه الدنيااااا علي بعضها بس بجد ادركت ان ربنا اكرم واحن من انه يعملنا حاجه مش ف صالحنا اللي هو لو علمتم الغيب لاخترتم الواقع ف اول خطوه انك تتغيري انك ترضي وتقولي بجد الحمد لله ع اختيار ربنا لينا الله اعلم كان ممكن يحصل ايه لو دخلتي الكليه المعينه دي دا اولا وحطيلك هدف اللي هو بقي خلاص اللي حصل حصل واللي فات خلاص مشي ومش هيرجع ف بلاش بقي اضيع اللي ف ايدي وارجع ابكي ع اللبن المسكوب اما ع حوار انتظامك ف الصلاه ف بجد انا عارفه انه ابتلاء صعب عشان انا زيك بس بحاول وبعافر كتير ودائما ادعي ربنا يعينك ( اللهم عني علي ذكرك وشكرك وحسن عبادتك) و ( اللهم يا مقلب القلوب ثبت قلبي علي دينك) ونسائل الله الثبات بجد بالله عليكي وعشان خاطر نفسك متضيعيش اللي ف ايدك عشان الندم بعدين هيبقي جامد اوي
تم النشر الاثنين، ١٦ أكتوبر ٢٠٢٣
يعني من الاخر الكلية مش نهاية المطاف ولا نهاية الحياة ولا هى مقياس لنجاحك وتحقيق حلمك بالعكس انتى تقدري تحققي حلمك بنفسك عادي او حتي ع الاقل تقدري تنجحي ف حاجه تانية فا انتى لو اقتنعتي بكده هتتحركي لقدام ومش هتوقفي نفسك عند النقطة دي
تم النشر الثلاثاء، ١٧ أكتوبر ٢٠٢٣
بعد الصلاة والسلام على رسول الله يمكنك تعديل الروتين اليومى تغير صفحات المتابعة اختيار اصدقاء جدد والالحاح فى الدعاء اسأل الله عز وجل ان يشرح صدرك وييسر لك أمرك
تم النشر الأحد، ١٥ أكتوبر ٢٠٢٣
كان ليا صحبتي حلمها تدخل كلية فنون جميله ورسمها كان تحفة وذوقها يجنن يعني عندها حس فني بجد لكن للأسف متقبلتش في امتحان القدرات! ويشاء ربنا انها تدخل كلية تجارة اللي هى مش بتحبها ولا كانت تتمني أو تتخيل انها تدخلها المهم هى ميأستش ، اشتغلت علي حلمها وخدت كورس في الفاشون واتعلمت باترون من اليوتيوب وبقت تجيب قماش وتجرب فيه وتفصل لبس لنفسها وتشتري كوتشيات سادة وترسم عليهم وعملت بيدچ اونلاين تبيع فيها والبيدچ انتشرت جدا ما شاء الله وشغلها اتحب وبقا يتطلب باستمرار لحد م البيدچ كبرت اكتر واتطورت بقت مش بس كوتشيات ده كمان بقت تفصل فساتين سواريه ولبس كاچوال وبقا يتطلب منها اوردرات من كل محافظات مصر وحققت حلمها وكل ده وهى لسه دلوقتي في سنه رابعه كلية يعني قدرت تعمل كل ده ف خلال ٤ سنين بس!
تم النشر الثلاثاء، ١٧ أكتوبر ٢٠٢٣
لي كل ده انا زيك موصلتش لحلمي بس ده من ربنا عايزني وشايفني في مكان تاني افضل وربنا بيقول اسعي ياعبدي وانا اسعي معاك ارجع تاني وقول الحمدلله ومتقطعش صلتك بربنا ياعني انت كنت بتصلي عشان تنجح ربنا كدا زعل منك اوووي اخرنا اي سمعه ولا جنه ونار قووم كمل واسعي وزاكر وجيب امتياز وابقي حاجه جميله زي مافي دكاتره ليها سمعه جميله في دكاتره ليها سمعه مش كويسه في طريقين ممكن تثبت نفسك في الكليه خليك علي يقين واستغفر ربنا وابدا اسعي لربنا مش عشان حاجه
تم النشر الاثنين، ١٦ أكتوبر ٢٠٢٣
اول هام انتى لازم تعرفى حاجه مهمه ان ربنا بيختار الاصح والانسب والاحسن مش بيختار اللى على هوانا ... ومع الوقت هتلاقي اختيار ربنا ليكى كان احسن ، تانى هام اغلبنا بيخرج من ثانوى مجهد ومرهق ومش عاوز يذاكر ولكن لازم تفوقى لنفسك ومستقبلك وتبداى تاخدى بايدك .. صلي الفرض واقراى حتى لو صفحه قران ومتهمليش الاستغفااار ابدا ومع الوقت ربنا هيردك لنفسك. وابعدى عن اى حد يضايقك او يفكرك باجواء الثانويه
تم النشر الأحد، ١٥ أكتوبر ٢٠٢٣
لعرض السؤال في فدني اضغط هنا