أنا كنت نزلت بوست قبل كدة عن إني كنت مرتبط فترة كبيرة و كدة و بعد كدة انفصلنا، المرة دي مش عن الموضوع ده، المرة دي عن اللاوعي، هل من الطبيعي إني مبقاش حاسس ب أي حاجة يعني مش مدرك للي بيحصل حولي، مش عارف انا باكل اي و كلت امتى مش عارف بنام امتى و بصحى امتى و بقيت اروح شغلي متأخر و بزعق في اي حد حتى المديرين و برجع انسى كل ده بمعنى إني بنسى تفاصيل الحوار مش الموقف و مبقتش فاهم حاجه و حاسس إني تايه حتى الصلاة مش ببقى عارف اي اللي هصليه دلوقتي و فرض اي بيأذن الساعة كام و مبقتش فاهم حاجه حرفياً و حاسس إن خلاص كدة
ده مش شيء طبيعي طبعا و ممكن يكون اضطراب ما بعد الصدمة نتيجة صدمة الانفصال ممكن حضرتك مكنتش متوقع الانفصال و مازلت مش متقبل ان خلاص حصل انفصال و ده ممكن يكون سبب صدمة و نتيجة الصدمة دي بقيت مش مدرك لأي شيء حولك و عايش في أفكارك و خيالك لأن من أعراض اضطراب ما بعد الصدمة هو عدم اليقظة و الانتباه و نوبات الغضب و ده ممكن يتعالج عن طريق اللجوء لدكتور نفسي او أخصائي نفسي او لو مش هينفع لأي سبب ممكن تقرأ اكتر عن اضطراب ما بعد الصدمة و كيفية علاجه
تم النشر الجمعة، ٨ مارس ٢٠٢٤
عندي نفس المشكله بسبب المشاكل الي بينا
تم النشر الأحد، ١٠ مارس ٢٠٢٤
الفتره دي بتتعود ع عدم وجود الشخص في حياتك من كتر التفكير مش بتكون واعي باللي بيحصل حوليك حاول تستدرك نفسك وتركز اوي ع التفصيل وتسغل نفسك
تم النشر الجمعة، ٨ مارس ٢٠٢٤
ركز اكتر في التفاصيل اللى بتحصل واعمل جدول بالاوقات علشان تبقى عارف عملت اي وهتعمل اي
تم النشر الجمعة، ٨ مارس ٢٠٢٤
أنا معاكي بس أنا بتكلم عن اللاوعي في الحياة عامة
تم النشر الجمعة، ٨ مارس ٢٠٢٤
المشاكل دي كلها عاديه أهم حاجه الحفاظ على الصلاه في وقتها ( ويل للمصلين الذين هم عن صلاتهم ساهون)
تم النشر الخميس، ٧ مارس ٢٠٢٤
لعرض السؤال في فدني اضغط هنا