انا ثانويه عامه مش عارفه اذاكر خالص والمفروض اذاكر علشان افرح امي و علشان مستقبلي بس مش عارفه اذاكر خالص بجد ف مواد كتير واقعه مني و مش عارفه ابدء منين
ابدأى فقط ...متحطيش كل حاجة قدامك فتتخضى ...شيلى كل الكتب والمذكرات من قدامك وهاتى كتاب واحد وابدأى وبس . ابدأى بالاسهل عليكى وبعدين خدى ماده تكون اصعب شوية وبعدين ارجعى لمادة سهلة وهكذا . ربنا يعينك ويفرح والدتك باذن الله.
تم النشر الأربعاء، ٢٢ فبراير ٢٠٢٣
أضافه صغيره ع الكومنتات خطه مناسبة لطاقتي والهمه تزود الطاقة فقط ثقي فنفسك وربنا 💜 ادعي و استعيني بيه يبارك لك في وقتك أسلوب التلخيص و الخرائط والبعد عني أي مشتتات بجد مهم آوي آوي عشان تركيزك هينجزلك التزمي بساعه ونص وبعدين راحه ربع ساعة فيها حركه هيئي المكان والأدوات واكلك ونومك وبلاش آكتر من كوبايتين كافيين فاليوم كافئي نفسك علي إنجازك وإن قصرتي يوم فالخطه برضو براحه علي نفسك واستغلي اليوم ده ف المراجعه واسلوب حل الامتحانات بالتوفيق يارب 💜
تم النشر الاثنين، ٢٠ فبراير ٢٠٢٣
ربنا يكرمك ويوفقك وتفرحي وتفرحي مامتك بأذن الله وتدخلي الكليه الي نفسك فيها اهدي كده و حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وانت بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيص كل جزء ولخص الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده ع اكتر من جزء وكل جزء تخلصيه قومي اتحركي كلي حاجه اشربي حاجه خمس دقايق وارجعي تاني وبعد كل جزء كبير تخلصيه كافئي نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا وبعد كل درس بتروحيه ترجعي تذاكري الدرس لانك لسه سمعاه وتحلي عليه الواجب وتبصي على درس قديم من اول السنه عشان تذاكري الي فاتك ف نفس الوقت وان شاءالله هتقدري تنجزي وتلمي المنهج وكمان حياتك مش مذاكره بس ف خلصي مذاكرتك والخروج حدديله وقت مثلا مره ف الاسبوع وافصلي نفسك عن المذاكره بس كافئي نفسك بالتزامك ف المذاكره ببريك مثلا وحاجه بتحبيها
تم النشر الاثنين، ٢٠ فبراير ٢٠٢٣
نبدا بالتخطيط .. لو مثلا عايزة تبني مبني في اسرع وقت اول خطوة التخطيط .. نخطط و نعمل نقط و نبدأ بالاهم و بعدين المهم .. و بعد كده نصفي الذهن شوية و بعدين نركز علي الحاجات المهمة اللي ليها الأولوية زي المواد اللي انتي ضعيفة فيها قوي .. بعد كده و انت بتذاكر اكتبي علي جنب مختصرة عن كل درس و حددي نقط مهمة بالعربي تلخصي الدشت في نقط مهمة علشان يبقي ايسر و اسهل .. هيتبقي الحاجات اللي هتحتاجي فيها مساعدة خارجية .. ولازم تاخدي راحة كل كام ساعة.. راحة بعيد تماما عن اجواء المذاكرة .. علشان تدي المخ فرصة يجدد نشاطه ، و اعتمدي اكتر علي الفهم مش الحفظ .. الفهم بيجيب الحفظ مش العكس ..
تم النشر الاثنين، ٢٠ فبراير ٢٠٢٣
اهم حاجة التنظيم ، اعملي جدول بمواعيد محددة وابداي بالمواد اللي انتي مش متمكنة منها ، واتوكلي علي الله وابداي ، ومفيش مانع من بريك صغير في النص تدلعي فيه نفسك ب شوكولا وكوبايه نسكافيه ، ونرجع تاني نبتدي ونمسك مادة ماده نخلصها وان شاء الله كله يتظبط ربنا معاكي
تم النشر الاثنين، ٢٠ فبراير ٢٠٢٣
تسلم ربنا يخليك ع المساعده دي ❤
تم النشر الاثنين، ٢٠ فبراير ٢٠٢٣
يارب ادعولي🥹❤
تم النشر الثلاثاء، ٢١ فبراير ٢٠٢٣
لعرض السؤال في فدني اضغط هنا