اعمل ايه؟
بابا اتجوز علي ماما بعد عشرين سنه جواز بابا، طول عمره بيحب شهواته ومعذبنا في حياتنا. انا تعبت بجد ماما استحملت كتيير بجد وياريته كان تمر. العيشه علطول نكد، نفسيتي ادمرت كرهت الرجاله اللي في الدنيا كلها، زعلانه علي ماما وفي نفس الوقت مش هاين عليا بابا، وماما مستحملة عشان خاطري انا واخواتي وللعلم انا بنت بجد كرهت الحياه بشوف كل اللي في عمري مبسوطين وانا لا حتي اصحابي وبنات عمي مش فيهم حد زي
اول حاجة محتاجة اوضح لك أن اللي حصل دا مش غلطتك ولا مسؤوليتك، وان العلاقة بين والدك ووالدتك مش مسؤوليتك وأنها تجربتهم هم الفردية ومينفعش نعممها، مش كل التجارب زي بعضها، وكل العلاقات بتواجه تحديات كتير بتختلف نوعها من علاقة للتانية، منها علاقة والدك ووالدتك، ودي مكونة من طرفين كل طرف خد قراره وكل طرف مسؤول عن القرار دا. حاليًا القرارات اللي انتي محتاجة تاخديها واللي هتبقي مسؤولة عنها هي سلوكك وعلاقتك تجاه والدتك كبنتها، وسلوكك وعلاقتك تجاه والدك كبنته، في حين أن والدك ووالدتك بينهم علاقة زواج عندهم إمكانية انهائها من خلال الطلاق، إلا أن علاقتك انتي بيهم هتفضل مستمرة ايا كانت شكل علاقة والدك بوالدتك ايه. فانتي قرري تحبي علاقتك بيهم تبقى عاملة ازاي؟ لو افترضنا انك اخترتي القرار الاكثر حكمة والأفيد على المدى الطويل هو انك عايزة علاقتك بيهم تفضل كويسة، بالتالي هنقدم دعم للأم وتقدير ليها ولدورها في حياتكم مع العلم أن تضحية الام دا قرارها الشخصي، متحمليش نفسك ذنبه. وهنبر الأب ونتعامل معاه كويس، مع العلم بردو أن زواجه الثاني دا قراره الشخصي ومتحمليش نفسك عبء محاسبته عليه. ومتسمعيش لحد يحاول يبوظ علاقتك بالاتنين اللي هتفضل علاقتك مستمرة بيهم حتى لو علاقتهم هم ببعض انتهت.
تم النشر الخميس، ٧ نوفمبر ٢٠٢٤
في البداية كده. اكيد الظروف اللي مريتي بيها سابت اثر سلبي وأثرت على نفسيتك جدا . حاولي تتفهمي أن مش كل البشر بنفس الطريقه والتعامل واكيد والدك ووالدتك مروا بمراحل ومواقف كتير وصلتهم للمرحله دي . خليكي جنب والدتك وساعديها وادعميها اكيد هي محتجاكي في المرحلة دي وكمان خليكي على تواصل مع والدك ومتبعديش عنه. حاولي تتعاملي مع الوضع وتتفهمي أنه واقع لازم تتعاملي معاه .فساعدي نفسك انك تخرجي من الحاله دي ومتستسلميش ليها لأن الموضوع ممكن يزداد صعوبة معاكي ويأثر عليكي في تعاملاتك وحياتك عموما لو ليكي صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا وهيساعدك انك تتخطى اي مرحله صعبه في حياتك اكتبي دايما كل اللى جواكى واللى بتحسي بيه ده هيخفف عنك كتير حاولي تفتكري ايه الحاجات اللي بتحبي تعمليها وارجعي اعمليها تاني وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الخميس، ٧ نوفمبر ٢٠٢٤
السلام عليكم ورحمة الله اسف لان مفيش كلام هيخلصك من احساسك لكن هحاول اوضحلك نقط معينه اول الحاجه أن ده قضا ربنا ولازم ترضي بيه وتحمدى ربنا علي كل شئ وكمان ربنا يخليلك مامتك وأخواتك ويصبركم .. أنا بطلب منك انك متحاوليش تسيبي فجوة بينك انتي وأخواتك وبين باباكي مع انكم لازم تقفوا جمب مامتكم بأنكم تحاولوا تهونوا عليها .. لان الحقيقه ملكمش غير بعض وبالنسبة لباباكي فده من حقه شرعا بصرف النظر عن المستحب طبعا لكن نظرا للواقع اهم حاجه أنك وأخواتك تفضلوا سبب وصل بين مامتك وباباكي بشكل طيب بقدر الإمكان وبالنسبة ليكي .. انتي لازم تعرفي انك قد كل حاجه بتحصلك.. بقول ربنا لا يكلف الله نفسا إلا وسعها .. فلازم ترضي وتحمدى ربنا وتقربي منه طبعا بصلاتك وعباداتك علي قد ما تقدري أما بالنسبة لفكرة أن مفيش حد زيك .. صدقيني مفيش حد فينا زى التاني كل انسان عنده مميزاته الخاصة بيه لازم تقوليها ويحافظ عليها وعنده عيوبه لازم يحاول يتجنبها ... وان انتي مش مبسوطه بالرغم من اني مقدر موقفك لكن أنا بطلب منك انك تحطي حد للحزن وتفرحي نفسك واستمتعي بحياتك بما يرضي الله مع اخواتك ومع نفسك ومع مامتك وتركزي ف حياتك سواء دراسة أو شغل ... وكمان لازم تقدرى نفسك وان كل اللي انتي بتشوفيهم دول عندهم حزن ومشاكل كتير بس خافينها عشان يبانوا ف احسن صورة .. وشايف فيكي انك علي طبيعتك ودى حاجه جميلة تميزك عن غيرك بس لازم تقدرى تدى كل حاجه حجمها الحقيقي ..يعني والدك عمل كده عشان نفسه ..يبقي انتي وأخواتك ومامتك تعملوا اللي يفيدكوا وجربي تتبسطي وتفرحي وتفرحي اللي حواليكي صدقيني هترتاحي وهتحجمي زعلك وزعل اللي حواليكي كمان .. ولازم تحطي مشاكلك ف خانة الخصوصيات .. أنها متاثرش عليكي ف التعامل مع حد لان مفيش حد احسن منك
تم النشر الأربعاء، ٦ نوفمبر ٢٠٢٤
أختي العزيزة، أقدر تمامًا مشاعركِ الصعبة تجاه ما تمرين به. من المؤلم حقًا رؤية العائلة تعاني بسبب قرارات البعض، وخاصة عندما يتعلق الأمر بالأب، الذي من المفترض أن يكون مصدر الأمان والدعم. أولًا، من الضروري أن تفهمي أن مشاعركِ تجاه الوضع الحالي طبيعية للغاية. يبدو أنكِ تحملين عبئًا كبيرًا من المعاناة، سواء من جهة والدتكِ أو تجاه والدكِ. من المهم أن تعبري عن مشاعركِ وتشاركيها مع شخص موثوق فيه، قد يكون صديقًا مقربًا أو أحد أفراد العائلة؛ فقد يساعدكِ ذلك في تخفيف الضغوط النفسية التي تشعرين بها. حاولي أن تُركزي طاقتكِ على دعم والدتكِ بطريقة إيجابية، وكوني عونًا لها في هذه الأوقات الصعبة. تأكدي من أن تكوني موجودة لها، رغم التحديات التي تواجهونها كعائلة. أما بالنسبة لكرهكِ للرجال، فهذا شعور شائع في مثل تلك الأوقات، لكن من المهم أن تتذكري أن ليس كل الرجال يحملون نفس الصفات. حاول أن تنظري إلى كل شخص على حدة، ولتكن تجاربكِ مع بعض الأشخاص في إطار منفصل عن تجارب الآخرين. إذا كانت تسيطر عليكِ هذه المشاعر السلبية، فقد يكون من المفيد التفكير في استشارة مختص في الصحة النفسية. هذا سيمكنك من استكشاف مشاعركِ بطريقة أعمق ويساعد في تقديم الدعم الذي تحتاجينه. أنتِ قوية، وهذان التحديان يمكن أن يساهمان في تعزيز شخصيتكِ ومرونتكِ. تحلي بالصبر، وفكري في الخطوات التي يمكنكِ اتخاذها لخلق حياة أفضل لنفسك ولعائلتكِ. كلما استثمرتِ في نفسكِ وفي صحتكِ النفسية، كلما شعرتِ بالتحسن.
تم النشر الأربعاء، ٦ نوفمبر ٢٠٢٤
ياريت اقدر
تم النشر السبت، ٩ نوفمبر ٢٠٢٤
تعايشي مع الواقع
تم النشر الأربعاء، ٦ نوفمبر ٢٠٢٤
لعرض السؤال في فدني اضغط هنا