اول حاجة محتاجة اوضح لك أن اللي حصل دا مش غلطتك ولا مسؤوليتك، وان العلاقة بين والدك ووالدتك مش مسؤوليتك وأنها تجربتهم هم الفردية ومينفعش نعممها، مش كل التجارب زي بعضها، وكل العلاقات بتواجه تحديات كتير بتختلف نوعها من علاقة للتانية، منها علاقة والدك ووالدتك، ودي مكونة من طرفين كل طرف خد قراره وكل طرف مسؤول عن القرار دا. حاليًا القرارات اللي انتي محتاجة تاخديها واللي هتبقي مسؤولة عنها هي سلوكك وعلاقتك تجاه والدتك كبنتها، وسلوكك وعلاقتك تجاه والدك كبنته، في حين أن والدك ووالدتك بينهم علاقة زواج عندهم إمكانية انهائها من خلال الطلاق، إلا أن علاقتك انتي بيهم هتفضل مستمرة ايا كانت شكل علاقة والدك بوالدتك ايه. فانتي قرري تحبي علاقتك بيهم تبقى عاملة ازاي؟ لو افترضنا انك اخترتي القرار الاكثر حكمة والأفيد على المدى الطويل هو انك عايزة علاقتك بيهم تفضل كويسة، بالتالي هنقدم دعم للأم وتقدير ليها ولدورها في حياتكم مع العلم أن تضحية الام دا قرارها الشخصي، متحمليش نفسك ذنبه. وهنبر الأب ونتعامل معاه كويس، مع العلم بردو أن زواجه الثاني دا قراره الشخصي ومتحمليش نفسك عبء محاسبته عليه. ومتسمعيش لحد يحاول يبوظ علاقتك بالاتنين اللي هتفضل علاقتك مستمرة بيهم حتى لو علاقتهم هم ببعض انتهت.
تم النشر الخميس، ٧ نوفمبر ٢٠٢٤
4 تعليق
طب اعمل ايه عشان ميفرقش معايا كلام الناس واستعيد ثقه بنفسي الثاني بجد ضعيفه جامد وقدام اي موقف بعيط مش بقدر علي المواجه خاااالص
تم النشر الأحد، ١٠ نوفمبر ٢٠٢٤
ان شاء الله هحاول علي قدر المستطاع
تم النشر الأحد، ١٠ نوفمبر ٢٠٢٤
فهماكي ومقدرة انك اتحطيتي في ظروف مش من اختيارك وبرة دائرة سيطرتك ودا مخليكي حاسة بالظلم وبتقارني بين ظروفك وظروف اللي حواليكي، بس حابة الفت نظرك ان كلنا بشكل أو بأخر في ظروف في حياتنا برة دايرة سيطرتنا ومش مختارينها بنفسنا، شعورنا بالظلم وتعطيل حياتنا بسبب الشعور دا مش هيعمل غير أنه هيحسسك بالعجز وتقعي في دائرة لوم وعتاب للظروف وللمحيطين، انا مش حابة لك انك تفضلي في الدوامة دي فترة طويلة، الافضل نركز على الأمور اللي بالفعل جوا دائرة سيطرتنا، انا نفسي اعمل ايه؟ ايه اللي هيخلي حياتي احسن وفي ايدي اعمله؟ ايه هي الحاجات اللي في حياتي اللي بتديني شعور ايجابي؟ اتمرن على اني اتعرف عليها لما تحصل وكمان اجرب وادور عليها لو لزم الأمر، وممكن تشاركي والدتك في الرحلة دي لو في مساحة بينكم تسمح بكدا.
تم النشر الأحد، ١٠ نوفمبر ٢٠٢٤
عايزه اقولك ان انا ديما بسال ماما ليه استحملت ليه مطلقتش قبل انا ماتولد وريحتني من الحياه ده لكن ديما جوابها مكنتش اعرف انه كده طب انا ايه ذنبي يعني اشمعنا انا يعني 😭
تم النشر السبت، ٩ نوفمبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك