مش عارف أتحكم في القلق وموضوع ابتدى يأثر علي صحتي
أنا اتخرجت السنادى وقررت أغير مجالى ودى تعتبر خطوة فيها ريسك ومن اول ساعة ما خدت القرار دا وأنا عايش في قلق وتوتر وخوف من الفشل لدرجة ان موضوع اثر علي نفسيتي وصحتي اية الحل
أنت لسة متخرج يعني أنت لسة مادخلتش أي مجال إلى الآن .. أنت فقط بتحاول تستكشف المجالات الموجودة ولو لم تتأقلم مع المجال الجديد فشهادتك مازالت معك ويمكنك العودة ل مجال الكلية .. وتبدأ كأنك لسة متخرج . تغيير المجال عملية مش مرعبة وإذا كان عندك شغف كبير بالمجال الجديد ودرست الموضوع كويس واستشرت غيرك فاستخر ربك ثم توكل على الله فيما ينشرح له صدرك ولا تدع القلق يؤثر أبدا على صحتك فالأمور كلها بيد الله سبحانه وتعالى
تم النشر الجمعة، ٢٠ يناير ٢٠٢٣
استهدي بالله كده .. انت لسه متخرج وده طبيعي جدا كل اللي انت حاسس بيه طبيعي. احساس انك مش في امان، ممكن تكون حاسس بالضياع، ممكن تكون بتقول لنفسك يااه .. ياريت ايام الكلية تيجي تاني، على الاقل المسؤوليات اللي جاية مش هتكون زي زمان. كل ده طبيعي .. بس انت لسه معملتش مجال علشان تقول قررت اغير مجالي، والموضوع لا يعتبر ريسك اوي، لانك لسه بتقول بسم الله .. وبتبدأ. الفشل جزء من حياة اي انسان، احنا لازم نفشل .. لازم نغلط .. علشان نعرف الصح والغلط فين .. يبقى لازم نغلط. طيب انت هتعرف الصح ازاي؟ لو مغلطتش استكشف براحتك .. وخد وقتك لانك لو فضلت على الحالة اللي انت فيها ديه صدقني مش هتعود عليك بأي نتيجة كويسة. لازم تهدى الاول .. وركز شوف انت حابب تعمل ايه؟ وليه عايز تعمله؟
تم النشر السبت، ٢١ يناير ٢٠٢٣
طالما مقتنعه بيه ودارسه مميزاته وعيوبه والمخاطر الي ممكن تقابليها كملي فيه والقلق اول ميبدأ يسيطر عليكي او افكار سلبيه تزود قلقك واجهيها بأفكار ايجابيه زي انك درستي الموضوع كويس ودي حاجه انتي بتحبيها ونفسك فيها واكيد هتنجحي فيها وممكن تشتتي الفكره عشان القلق ميزدش ويأثر على صحتك ونومك واستقرارك وقراراتك بانك تشتتي الافكار بفكره تانيه مختلفه او انك تدندني اغنيه بتحبيها او تستغفري او تكلمي حد مقرب منك وممكن تستعيني بتمارين الارسترخاء العضلي والتنفس هتحسن من اعراض القلق معاكي ان شاءالله
تم النشر الجمعة، ٢٠ يناير ٢٠٢٣
القلق اللى انت حاسه طبيعى ....بس لو مأثر على صحتك فطبعا مش طبيعى . محتاجين نعرف القلق مصدره ايه....مثلا رفض اللى حواليك لقرارك او بتسمع منهم انتقادات. ولا القلق من الخوف من النتيجة .؟
تم النشر الجمعة، ٢٠ يناير ٢٠٢٣
متشكر جدا ليك
تم النشر الاثنين، ٢٣ يناير ٢٠٢٣
القلق وسيله عشان ينبهك من اي قرار هتخده او اي موقف طول مانت بتحسب للخطوه ال بعدها انت في الامان وغير كدا مفيش شيء مضمون 100في الميه انت خلي في نسبه امان بتوكلك علي الله يعني مثلا متسبش شغلك الا لما تلاقي غيره وحاول تدور وانت شغال لو غير كدا متسبش شغلك لو مفيش ادامك شغل غيره الا لو كان في احسن ادامك وربنا يكتبلك ال فيه الخير بس مشكلتك في القلق اهم حاجه تعرف ان حياتك مش ملك للظروف ملك ربنا وربنا بيحب الانسان اكتر من ابوه وامه وكدا كدا ممكن يكون في صعوبات في البدايه بس ربنا بيوفق ال بيسعي انت احسبها مع نفسك وحدا وحدا وربنا يوفقك
تم النشر الأحد، ٢٢ يناير ٢٠٢٣
لعرض السؤال في فدني اضغط هنا