بقرا سورة البقرة يوميا الحمد لله بس المشكله بسرح كتير وانا بقرأ ومواضيع كتير بتيجي ف بالي وبتشتت وبضايق وبخاف ربنا ميقبلش قراءتي مع اني غصب عني والله ازاي اركز وميحصلش تشتت
كل القراءات على حسب عمقها وليها درجة اجر ده من الشيطان عاوز يوقفك عن القراءة فبيشغلك او بيقولك انتى كده مش هيتقبل منك. اول ما تلاقى مخك بيشتتك كده ..وقفى قراءة واستعيذى من الشيطان و اتفلى على شمالك ثلاث مرات ...وارجعى كملى قراءة . واوعى توقفى ابدا عشان الفكره دى
تم النشر الثلاثاء، ٩ مايو ٢٠٢٣
حاولي تتدبري وانتي بتقرأي وتفهمي الكلام ولو فيه حاجه مش فاهماها تشوفي معناها اي وفيه برامج كتير ع الموب كويسة وتفسير بسيط وتقرأي براحة وترفعي صوتك شوية مع التدبر مش هتسرحي ان شاء الله
تم النشر السبت، ٦ مايو ٢٠٢٣
طب تمام الحمد لله اللي احنا مواظبين على القرايه كل يوم بس بيحصل التشتت خلال القرايه او السرحان لان انت او انتي لما تيجي تقرا بتقرا لمجرد القراءه ، لا قراءه القران لازم نتفكر ونتدبر في الكلام فيما معناه واحنا بنقرا نتأنا في القراءه ونحاول نفهم الايه او الصوره كل جمله فيها بتقول ايه معناها ايه كل سوره وكل ايه في رساله وحكمه وموعظه وإرشاد حاولي تقري وافهم معنى الايات والجمل ويستحسن ان يبقى في مصحف يكون مرفق بالتفسير جرب الكلام ده وهتلاقي ان ما فيش تشتت وان شاء الله ربنا يتقبل منا ومنكم صالح الاعمال
تم النشر السبت، ٦ مايو ٢٠٢٣
ممكن بدل ما تخليها قراءة بس حاولي تحفظي ..هتركزي غصب عنك
تم النشر الجمعة، ٥ مايو ٢٠٢٣
لعرض السؤال في فدني اضغط هنا