كنت معدية انا وقطة وملمحتهاش بس كان في احساس ان في حاجة بتعدى معايا وحسيت ان دست على حاجة وانا بعدي الشارع مكنتش شايفاها خالص وكنت مستنية الباص يعدي وتقريبا هي كانت ادامه وسمعت حد بيكلكس او بينادي بس انا كنت فملكوت تاني ومش واخدة بالي افتكرتهم بينادو عليا عشان حاجة وقعا مني بس مخدتش بالي منهم بس كنت حاسة بيهم المشكلة بقى ببص ورايا لقيت القطة بتفلفس وبطلع فالروح وانا مكنتش دريانة بيها والعربيات قعدت تدوس عليها وانا معرفتش اعملها اي حاجة عشان بتجري بسرعات مهولة والطريق دا بيتسمى طريق الموت ....فا هل انا كدا ربنا هيحاسبني لو انا مكنتش واخدة بالي وهي اتفرمت ياعيني انا اقسم بالله ماكنت عارفة ان الكلام عليها وكنتش واخدة بالي ولو كنت اعرف انها بتعدي معاي كنت شلتها ووعديتها لكن الموقف كل مافتكرو بيتعصر قلبي وبحس ان شلت ذنبها رغم ان اقسم بالله مكنت واخدة بالي ..هل كدا هتعاقب او هتحاسب؟؟؟؟؟ انا داخلة فاكتئاب حاد بسبب الموضوع مش قادرة اطلع المنظر من دماغي وكل شوية بيلاحقني فين مارحت انا تعبت😭🥲
اولا احب اوضح لك حاجه مهمه ،انتي حزنك واكتيابك دا نتيجة علي انسانياتك ولكن الذنب ليس عليك علي سائق سيارة الذي لم يراعي اي شئ علي الطريق الذنب الدوله بل كان من ممكن أن تتسببي في حادث سير فظيع لو عرفتي أنها كانت تعدي الطريق معك كنتي هتحاولي تنقذيها علي طريق كما ذكرتي سريع فالحمد لله أن نجاك الله.🌸
تم النشر الأحد، ٢٨ يناير ٢٠٢٤
اولا قولي الحمدلله انك كويسه وعدت معاكي علي خير. تاني حاجه تاكدي انك لو كنتي اذيتي القطه كنت هقولك حرام عليكي وكمان ممكن ادعي عليكي، تاكدي من دا، لاني بحب الحيوانات جدا وبعاملهم افضل مما بعامل بني ادم. لكن في الموقف الي حصل معاكي، ملكيش اي ذنب في اي حاجه لا بالعمد ولا بالخطأ، وبعدين القطط ليها حسابات خاصه ف دماغها للطريق والسرعه والوقت وهكذا، مبتعتمدش ع حد غير نفسها مش زي الكلاب مثلا بيعتمد اكتر ع الانسان، فالقطه ماتت بطريقه مأساويه اه بس بخطأها هي وخطأ السواقين، ملكيش ذنب ف حاجه لا بالعمد ولا بالخطأ. وحتي لو كنتي شوفتيها ممكن تخربشك ومترضاش تعدي معاكي. انتي زعلانه انها ماتت وحاسه بالذنب عشان مفكره انك كان ف ايدك تنقذيها، لكن مش ف ايدك دا قضاء ربنا ومكتوبلها كدا، عايز اقولك اني عرفت ان قطه ف الشارع حد موتها، وانا لا شوفتها ولا اعرف مين موتها، وحاسس بتانيب ضمير عشانها مع اني مكنتش موجود اصلا. بس انتي ١٠٠ ف ال ١٠٠ ملكيش اي ذنب ولا بنسبة ١ ف الميه حتي، القطه كانت صغيره ومشت معاكي وانتي بتعدي صح؟
تم النشر السبت، ٢٧ يناير ٢٠٢٤
بالعكس انتي مأخدتيش بالك اساسا من وقوفها جمبك .. واكبر دليل على ده هو صدقك مع نفسك وحزنك عليها. ومتقلقيش انتي مش عليكي اي عقاب ولا اي حاجه .. لانك اساسا مكنتيش تعرفي بوجودها.
تم النشر الاثنين، ٢٩ يناير ٢٠٢٤
طيب لو لفيت ولقيتها ميتة ومعرفتش اوقف العربيات او معرفتش اتصرف والعربيات فضلت تدوس عليها لاني معرفتش اتصرف هل دا ذنب عليا؟
تم النشر الأحد، ٤ فبراير ٢٠٢٤
سؤالك فيه اجابتك انك معرفتيش توقفى العربيات او تعملى حاجة بتلومى نفسك بقى على ايه هل كان ربنا هيرضى عنك لو نزلتى وقفتى قدام العربيات و عربية داستك و تبقى رميتى نفسك فى التهلكة هية فى كل الأحوال حيوان معرض لأى تصرف ولو مش دا نصيبها كان ربنا بعدها عن الطريق اصلا و مشت على جمب بعيد و زيها زى اللى بياكله الأسد حى هو الاسد لما بيصطاد غزالة حية و ياكلها حية و يقطعها بسنانه حية بيتحاسب على مشاعرها و ألمها ؟ ولا دا نصيبها ؟ خففى ياحبيبتى عن نفسك وارضى ربك بصدقة لحد محتاج فدو عن صحتك
تم النشر الأحد، ٤ فبراير ٢٠٢٤
تدفعي دية في القتل الخطأ لما يكون انسان اما حيوان فا لا دية ولا قصاص ولا اي شئ طالما متقصديش استغفري واكيد ربنا عارف انك مكنتيش تقصدي
تم النشر الاثنين، ٢٩ يناير ٢٠٢٤
صلي على النبي ، اولا مادمت لم تقصدي ذلك ولم تتعمدي فليس عليك شئ ، وليس عليك دية او كفارة مثل الاخ الذي يخبرك ان تدفعي شيئاً ما ، انتي ليس عليك ان تدفعي اي شئ مادامت القطة ملكاً لاحد او اي شئ ، عليك فقط ان تستغفري الله وان تسألي الله ان يغفر لك خطأك هذا وان شاء الله يُغفر لكي :)
تم النشر الاثنين، ٢٩ يناير ٢٠٢٤
يعني اعمل اية انا مكنتش واخدة بالي والله ومليش ذنب فموتها قولي اعمل اية ادفع كام فدية مفهمش فالديز اوي
تم النشر الأحد، ٢٨ يناير ٢٠٢٤
دا قتل خطأ و لها حق عندك زى الفدية كدة فطلعى مبلغ لله صدقة بنية غفران الذنب دا و ربنا هيتقبل و نفسك هتهدا بس شوفى حد محتاج فعلا و ابدئى بالأقربين و كبار السن
تم النشر الأحد، ٢٨ يناير ٢٠٢٤
والله صعبانة عليا اوي ان قطة صغننة يحصلها كدا اتخبطط فعنيها والعربيات الله يسامحهم او يبتليهم منهم لله داسو على عينها خزقوها ربنا ينتقم منهم بس حتى لو نصيبها كان ممكن تموت بطريقة افضل من كدا حسبي للله ونعم الوكيل فيا وفيهم والله انا مش مسامحة نفسي رغم اني مكنتش واخدة بالي
تم النشر السبت، ٢٧ يناير ٢٠٢٤
لا ده عمرها ونصيبها وانت ماكنش بايدك حاجه تعمليها ولا ذنبك خالص ..قولي الحمد الله القطة دي ربنا بعتها ليكي تفديكي من حاجه كانت هتحصلك وده من عند ربنا عشان بيحبك ..قولي الحمد الله
تم النشر السبت، ٢٧ يناير ٢٠٢٤
لعرض السؤال في فدني اضغط هنا