اولا قولي الحمدلله انك كويسه وعدت معاكي علي خير. تاني حاجه تاكدي انك لو كنتي اذيتي القطه كنت هقولك حرام عليكي وكمان ممكن ادعي عليكي، تاكدي من دا، لاني بحب الحيوانات جدا وبعاملهم افضل مما بعامل بني ادم. لكن في الموقف الي حصل معاكي، ملكيش اي ذنب في اي حاجه لا بالعمد ولا بالخطأ، وبعدين القطط ليها حسابات خاصه ف دماغها للطريق والسرعه والوقت وهكذا، مبتعتمدش ع حد غير نفسها مش زي الكلاب مثلا بيعتمد اكتر ع الانسان، فالقطه ماتت بطريقه مأساويه اه بس بخطأها هي وخطأ السواقين، ملكيش ذنب ف حاجه لا بالعمد ولا بالخطأ. وحتي لو كنتي شوفتيها ممكن تخربشك ومترضاش تعدي معاكي. انتي زعلانه انها ماتت وحاسه بالذنب عشان مفكره انك كان ف ايدك تنقذيها، لكن مش ف ايدك دا قضاء ربنا ومكتوبلها كدا، عايز اقولك اني عرفت ان قطه ف الشارع حد موتها، وانا لا شوفتها ولا اعرف مين موتها، وحاسس بتانيب ضمير عشانها مع اني مكنتش موجود اصلا. بس انتي ١٠٠ ف ال ١٠٠ ملكيش اي ذنب ولا بنسبة ١ ف الميه حتي، القطه كانت صغيره ومشت معاكي وانتي بتعدي صح؟
تم النشر السبت، ٢٧ يناير ٢٠٢٤
6 تعليق
🥲
تم النشر الأحد، ٤ فبراير ٢٠٢٤
اه كتب عليكى فترة اكتئاب وهو نوع من الابتلاء ههيشوف هتختارى تتغلبي عليه ولا تستسلمى ليه
تم النشر الأحد، ٢٨ يناير ٢٠٢٤
والله انا عندي اكتئاب ربنا عايزني ابقى مكتئبة
تم النشر الأحد، ٢٨ يناير ٢٠٢٤
ربنا هو الخالق واللى بيكتبه ليه حكمه فيه... ممكن القطة تموت بالشكل ده عشان انتى تشوفيها ويختبر اللين فى قلبك... وممكن اى اسباب اخرى هو ادرى بيها سبحانه.
تم النشر الأحد، ٢٨ يناير ٢٠٢٤
انا بردو احيانا بقول كدا لانه بنشوف انه ظلم حد يتعرض لكدا، بس ف الاخر بقول حكمة ربنا منعرفهاش. ممكن دي رسالة ليكي ان حياتك ف ايد ربنا وكان ممكن لا قدر الله تكوني اني، بس ربنا لطف بيكي وفداكي بيها، زي ما فدا اسماعيل عليه السلام بالكبش. كلنا مخلوقات ربنا ومنعرفش الحكمة من معظم المواقف الي بتحصلنا ونؤمن ونثق فيه. انا كما معرفش انت بس بفكر معاكي بصوت عالي
تم النشر الأحد، ٢٨ يناير ٢٠٢٤
ايوة بس سعات بقول لية ربنا يكتب لحيوان مسكين انه يموت بالطريقة دي ويكون نهايته وحشة كدا
تم النشر الأحد، ٢٨ يناير ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك