كنت مرتبطة بشخص وكنا متفقين ع قراية فاتحة بس محصلش نصيب وحصل ظروف واتفقنا أننا نبقي صحاب وعلاقتنا كويسة لاننا اول معرفتنا كنا صحاب وكانت العلاقة بينا كويسة ومفيش حاجة تستاهل نبقي أعداء لبعض أو اي حاجة ومبقاش في بينا كلام يعني هو لو كل فترة يطمن عليا وخلاص سؤالي هنا كان جايبلي هدايا عيد ميلادي وكذا هدية يعني فأنا قولتله هبقي ابعتهوملك مع أي مندوب هو قالي لا طبعا دي هدية وذكري وعدي عيد ميلاده بعد ما انفصلنا بفترة وانا م حابة اجيب هدية عشان ميفكرش اني برجع بحاول معاه وكدا وفي نفس الوقت متعودتش اخد حاجة من حد فأنا قولت ابعتله الهدايا وكمان ابعت معاهم فلوس الخروجات عشان لما كنا بنخرج وكدا مكانش بيرضي يخليني ادفع اي حاجة حتي المواصلات وانا م حابة كدا حاسة اني كدا استغليته ولا حوار الفلوس دا ممكن يتفهم اني بقل منه وخصوصا أن ظروفه م احسن حاجة ودا من أسباب أننا مكملناش ممكن حد يقولي اعمل اي
لا انصحك برد الفلوس والهدايا واللى بتفكرى فيه ده ...هتكون حاجة مش ذوق ومفيش داعى منها ابدا انتظرى اى مناسبة بعيدة شوية وهاتى هدية قيمه وابعتيها دليفرى حتى لو بدون ذكر اسمك بس موضوع ان طالما قفلنا فكرة الارتباط يبقى تعالى نتحاسب ماديا مين دفع كام ..مش حلوه ابدا
تم النشر الاثنين، ١٢ أغسطس ٢٠٢٤
صحيح إن الموضوع ده معقد شوية، وخصوصًا بعد الانفصال. أول حاجة، لازم تفكري في مشاعرك واحتياجاتك. لو حابة توجهي له الهدايا، فده يعتبر تصرف لطيف، لكن خدي بالك من كيف ممكن يفكر في الموضوع. أما بالنسبة للفلوس، ممكن تكون نية سلبية لو اعتبرها كأنها طريقة لتعبي عليه أو تحطيه في موقف محرج. لو كان بينكم اتفاق مبين، وفعلاً حسيت إنه يستاهل ترجعيله حقه، ممكن تتكلمي معاه بصراحة عن الموضوع وتشرحي له النوايا ورائك. لكن أهم حاجة، حاولي تبقي صريحة وصريحة مع نفسك. هل فعلاً الفلوس والهدايا هتكون موجّهة بشكل إيجابي؟ أو ممكن تحطي نفسك في موقف مش مريح؟ تذكري إنه من الجيد الالتزام مع نفسك ومع مشاعرك. لو شايفة إنه من الأفضل تبقي بعيدة وتعدي الصفحة، فده قرار محترم أيضاً.
تم النشر الاثنين، ١٢ أغسطس ٢٠٢٤
اذا فعلا حصل انفصال ياريت تقطعي علاقتك به تماما..موضوع الصحاب ده..باب موارب وحيعطلك كتير جدااا..انهي الموضوع ده وبصي لمستقبلك وربنا حيوفقك..عارف اني كلامي مش حيجي علي هواكى..وصعب تعمليه عشان لسه جوه في قلبك ذكرى حلوه ومش عاوزها تنتهي..لكن معلش ..أما موضوع الهدايا..خديها عادى..الا اذا هو طلبها
تم النشر الاثنين، ١٢ أغسطس ٢٠٢٤
هيشوفها اني بقلل منه صح في حوار الفلوس دا وخصوصا عشان عنده شوية مشاكل وكدا وانا م عايزة اجرحه باي شكل من الأشكال انا قولتله ع حوار الهدايا بس قالي لا خليهم دي ذكري فأنا بصراحة م عارفة
تم النشر الثلاثاء، ١٣ أغسطس ٢٠٢٤
بصي انا شايف انكم محتاجين وقت وفرصه اكتر عموما علشان تصلحو اللى فات وبعدين اي حاجه حصلت في الماضي ما ينفعش ترجع دلوقتي خلاص بقى وبعدين انتي كده تبقى بتكسري بخاطره جدا
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا