انا سميت إبني عادل على إسم أبويا لأن انا إبنه الوحيد و أبويا كان نفسه اسمي إبني على إسمه انا شايف إن الإسم حلو عادي يعني بس زوجتي ساعات بحسها أنها كان نفسها في اسم تاني من الأسماء الجديدة بس هي عشان بتحب أبويا جدا مارضيتش تزعله لأن ابويا حنين وطيب جدا جدا معاها أكتر من باباها بكتيرر وساعات بتقولي من كتر ماابوك حنين عليا بحس أنه ابويا بجد وكان نفسي كان يبقى هو أبويا ومش بتحب تزعله وبصراحة والدي حساس جدا وحنين بزيادة ممكن عشان سنه عدى ال ٧٠ بقى حساس أوي يعني كل مايجلنا يقعد معانا شوية يجيب حاجات كتيرر جدا وهو جاي غير الفلوس إللي بيديها لمراتي كل مايشوفها بس هي ساعات تقولي حاسة إن الاسم تقيل شوية على طفل إيه رأيكم مش عارف أعمل إيه الصراحة ومش عايزهم هما الاتنين يزعلو ولو فيه إسم شهرة حلو ينفع يتنادي بيع ياريت تعرفوني
الاسم لطيف وحلو جدا ومش لازم تحسسوا الطفل ولا تحسسه اي حد ان الاسم سيء الاسم لسه موجود لحد دلوقتي ومش لازم تعتمد على لقب تندهوه بيه عادي لو ندهتوه بعادل ولما تبقوا مبسوطين منه اه تدلعوه ولكن يكون اسمه موجود برده الاسم مش سيء وكمان حاول ما تغيرهوش ابدا لان ادام باباك هو اللي كان طالب او كان نفسه بانك تجيب طفل وتسميه عادل ما تزعلهوش منك وابقى خلي مراتك تسمي الاطفال اللي جايين اللي هي عايزاه انما دلوقتي سيبو عادل حلو عاجبني
تم النشر الأحد، ١٦ يوليو ٢٠٢٣
لا تغيّره من أجل والدك، والمولد القادم - إن شاء الله - دعها هي من تسميه.
تم النشر السبت، ١٥ يوليو ٢٠٢٣
مش مستاهله تغير للأسم ولا حاجه أنا أخويا الكبير أسمو عبد العزيز و والدي سماه على اسم جدي و أمي كانت عايزة تسميه محمد و اتسجل فى البطاقة عبد العزيز لكن بنندهله فى البيت محمد 😅 مفيش غير صحابه و زوجته هما اللي بيقولوا عبد العزيز الموضوع ابسط مما حضرتك متخيل بس.
تم النشر السبت، ١٥ يوليو ٢٠٢٣
لعرض السؤال في فدني اضغط هنا