انا مش عارف ابطل حشيش كل يوم بشرب و بعد اول مره لو فى تانى بشرب و بفضل اشرب ولا بشتغل ولا بزاكر ولا بعمل اى حاجه مفيده لحياتى و انا اصلا حياتى بايظه خالص و محتاجه شغل و تعب عشان تتصلح و انا بردوه بخربها اكتر كنت رياضى زمان كان عندى احلام نسيتها بعد ما عرفت الحشيش فيدونى اعمل اى
مشوفتش فى كلامك اى كلام عن محاولات للتوقف اسوأ شىء انك تكون مدرك ومش بتستخدم الادراك ده انت عارف ان ده غلط ومش مفيد وحياتك مش ف الاتجاه الصح. ليه شايف نفسك اضعف من شوية الحاجات اللى ملفوفه فى ورقه دى. انت اللى بتستخدم نعم ربنا اللى فى جسمك كله وبتعمل بيها حاجة مؤذية لنفسك. تخيل كده واحد استلف منك فلوس وقالك ان هيجيب بيها اكل ...وانت عشان بتحبه سلفته ....فشوفته بيجيب بالفلوس سكينة وبيقطع بيها جسمه...اكيد هتقوله انت مجنون. ) ولله المثل الاعلى ) انت بتتعامل كده مع نعم ربنا .... مش هقدر اديلك نصايح ولا خطوات الا لما تاخد اول خطوة ...قرار حازم مع نفسك ( مش هشرب ) مش هشرب ...عشان مبقاش جاحد بنعم ربنا مش هشرب عشان ما ابقاش براهن على انى ممكن اخسر نعمه منهم غاليه او اخسر حياتى كلها واندم عليه. مش هشرب عشان ممكن بين يوم وليلة ميكونش فيه فرص تانيه. مش هشرب عشان فى سؤال فى اول الحساب ( عن عمرك فيما افنيته) وانا لحد دلوقتى معنديش اجابه نضيفه...لازم الاقى اجابة اجاوبها. مش هشرب عشان استاهل احس باحساس احسن من ده مش هشرب عشان انا اقوى من السيجارة دى وانا اللى بولعها وبطفيها. خطى اول خطوة وقرر واحنا هنا معاك ....لعله خير ودخولك هنا يكون البداية لحياة افضل تفتخر بيها.
تم النشر الثلاثاء، ٢٧ ديسمبر ٢٠٢٢
حالات الادمان الشديدة او اللي الواحد مش هيعرف هيظبطها مع حاله .. يفضل ان تعرض نفسك على دكتور. او تلجأ للمصحة فورا. لكن خليني اسالك ؟ انت شايف ان حياتك بضيع وانها محتاجة منك جهد وتعب علشان تبقى احسن .. حاولت تعمل ايه علشانها علشان تبقى احسن؟
تم النشر الأربعاء، ٢٨ ديسمبر ٢٠٢٢
افضلا اعرض نفسك على أقرب مصحة لعلاج المدمنين أو مستشفى لعلاج الإدمان
تم النشر الثلاثاء، ٢٧ ديسمبر ٢٠٢٢
لعرض السؤال في فدني اضغط هنا