سني ١٩ سنة وحبيت واحد ٢٢ سنة ودخل البيت من بابه وكلم ماما وقابلها وانا كمان قابلت عيلته واتعرفت عليهم كلهم المهم هو كان متعلق بوالده جدا وكان بيحبه بشكل ميتوصفش ووالده كان دكتور نفسي وهو متعود يقرأ كتبه ووالده من خمس سنين توفي بعد مدة من التعب المستمر وهو مكنش متخيل ان والده توفي وهو كان متعلق بيه
والموضوع مأثر فيه جدا لدرجة انه مش بيحكي خالص عن الموضوع ده لأي حد هو فاضله سنة في الكلية والمفروض عنده جيش وشقته موجودة ومتوفر له مكان شغل كويس جدا وانا ثانوية عامة وفي الفترة الأخيرة بدأ يبقي مضغوط بشكل مستمر وانا بحاول اخفف عنه واقف جمبه بس بدأ يتكلم عن الانتحار وانا عايز انتحر والكلام ده
ومن اول ما رمضان بدأ وهو بيهتم بيا ويحبني ويسأل عليا بشكل مستمر فجأة يوم الجمعة بليل كلمني زي العادة وبدأ يقول كلام غريب زي انا بحبك ومش عايز اسيبك ومرعوب اننا نسيب بعض وبدعي ربنا كتير اننا نكمل بس انا حاسس اني بجبرك واني بظلمك ولازم تسيبيني علشان انا وحش وانتي بني ادمة وهتزهقي ومش هتقدري تستحمليني طول حياتك وكدا
طبعا انا حاولت اقدر الموقف واحاول اطمنه بس كلامي مجبش نتيجة و قعد يقولي انتي لسا مشوفتيش الأوقات اللي ببقي وحش فيها مش هتقدري تستحملي بعدها قال ان لو حصل حاجة وجه يسيبني مجيش ألومه وسألني اذا عايزة اكمل او لا قلت اني عايزة اكمل بس بشرط انك تفضل تحاول علشاني وانا احاول علشانك
قالي متقوليش كدا قلبي بيتقطع وبتصعبي عليا انا خايف عليكي وبعمل كدا علشان احميكي بعدها بيوم انا كلمته افهم ايه السبب ورا الكلام ده هو فتح الكلام انه بيحبني جدا ومش عايز يسيبني بس لازم يحصل ده علشان هو متعلق بيا وانا كمان وهو خايف يحصل حاجة زي ظروف او كدا تجبرنا نسيب بعض او ان هو لا قدر الله يتوفي او يحصل له حاجة ولما سألته طب انت تعبان في حاجة غريبة حصلت قالي محدش عارف بكرة في ايه
وبعدها قالي انه هيعمل كل اللي يقدر عليه علشان نكمل ومنسبش بعض وانا قلت اني مش هسيب فرصة للظروف تدخل بينا وقفلنا تاني يوم متلكمناش خالص وبعده متكلمناش ومفيش أي اخبار عنه بفكر أكلمه واقوله كلام يطمنه اني موجودة دايما في اي وقت علشانه
ولا افضل سايبة له مساحته الشخصية لمدة ٣ ايام اللي عدى منهم يوم والنهاردة التاني واشوف هو هيكلمني ولا لا ولا اكلمه وأفضل معاه واطمنه واحاول احتوي صراعه الداخلي ومخاوفه وافكاره
مع العلم انه اول شخص في حياتي وانا بدأت حياتي واعتمدت على نفسي من بدري علشان والدي قرر فجأة انه مش عايز يصرف عليا وكان عنيف معايا جدا بشتى الطرق من صغري فارجو الرد علشان مش قادرة أشوف حد بيعاني وانا مش قادرة اساعده وكمان عايزة افهم هل هو بيتجنبني علشان تيجي مني اني اقوله نسيب بعض ومش عايز يقولها صراحة ولا هو بس بيمر بفترة نفسية صعبة ومحتاجني جمبه وايه في أيدي اعمله؟
السلام عليكم ورحمه الله وبركاته. خليني اقول لك حاجه مهمه قوي اولا الشخص متاثر جدا بوفاة باباه وبقى عنده خوف من الفقد جدا ولذلك طالع منه كل تصرفات دي هو خايف ان هو يبدأ يبني علاقه مع اي شخص وطبعا انت دلوقتي اقرب شخص هيبدأ يبني معاه علاقه وخطوبه وجواز وخوفه من انه ممكن يبني علاقه وفي الاخر يشعر بنفس شعور الفقد ده لو حصل أي حاجه وحشه سواء يكون في اسباب للانفصال او يكون في لا قدر الله حاله وفاه فهو عموما بقى عنده خوف من الفقد الموضوع مش مرتبط بك ومش ان هو عاوزها تيجي منك ولا اي حاجه ولكن المساله دي هو محتاج ان هو يتعافى منها نفسيا وما توافقيش انك تتحركي معاه في اي خطوه تجاه خطوبه او جواز الا لما تتاكدي ان هو تابع مع الطبيب نفسي او مع اخصائي نفسي ويتعافى من الموضوع ده لانه هو كده محبوس جوه الحاله بتاعه الصدمه وبتاعه فقدان والده وبقى عنده خوف شديد من الفقد. وبالنسبه لمقدرتك انت على انك تساعديه فمش هتقدري تساعديه بانك انت شخصيا تعملي حاجه انك مهما طمنتيه ومهما قلت له الكلام ده مش هيفرق حاجه الموضوع اعمق من كده محتاج ان هو فعلا يتعافى من الصدمة اللي هو حاسس بيها لحد دلوقتي فيا ريت المساعده الوحيده اللي هتقدميها له انك تقوليله ان هو يتوجه لعلاج النفسي.
تم النشر الخميس، ١٣ مارس ٢٠٢٥
عزيزتي طيبه ورقيقه المشاعر. حديثه السن، ادعو الله ان يحفظك ويحميك هذا ليس حب حقيقي، هذا حب غير ناضج صدقيني. تلك العلاقه مصيرها الى الانتهاء لعدم النضج من كلا الطرفين. فهذا اول حب لك وهو شخص طيب وصغير السن ولكنه غير قادر الان على تحمل مسؤوليه اي شيء. قد يكون يحبك ولكن حب غير ناضج، اضرار هذه العلاقه. اكثر من فوائدها. انت الان في البدايات. إنهاء هذه العلاقه الان سهل على الطرفين اما بعد ذلك سيكون سهل على الشخص الاخر اما انت. فسوف تصابي بالجروح والالام الهموم. التي قد تترك. فيك اثر. كبير. بعد ذلك في حياتك. عليك التركيز في مذاكرتك. حياتك. الاعتماد على نفسك. وان تتقي الله في نفسك صدقيني انت مشروع لفتاه ملتزمه مطيعه تعيش الحياه بكل قوه واحترام. وصدقيني اخيرا ان الحب سوف يأتي في وقته. هناك قاعده تقول من استعجل شيء قبل اوانه عوقب بحرمانه. اخيرا. لا تستعجلي.
تم النشر الأربعاء، ١٢ مارس ٢٠٢٥
أختي العزيزة، أفهم تمامًا مشاعركِ تجاه هذا الشاب وصعوبة الموقف الذي تعيشينه. من الواضح أن هذا الشاب يواجه صراعات نفسية عميقة نتيجة لفقدان والده وتأثير ذلك على حياته. حديثه عن الانتحار ومشاعر القلق قد يكون دليلاً على ما يعانيه من ضغوط نفسية هائلة. من المهم أن تعلمي أن الأمور التي يشعر بها ليست ناتجة عن عدم اهتمامه بكِ، بل هي نتاج الألم الذي يشعر به وخوفه من فقدانكِ أو فقدان شيء آخر في حياته. شعوره بأنه "يجب أن تتركيه" ينبع من محاولته لحماية نفسه وحتماً شخصاً آخر. هنا بعض الخطوات التي يمكنكِ اتخاذها لمساعدته والدعم له: التواصل : كوني صريحة معه. إذا شعرتِ بأنه يحتاج للمساعدة، من الجيد أن تشجعيه على التحدث عما يشعر به. قولي له أنكِ هنا لدعمه وأنكِ تبذلين جهدك لفهمه. تشجيع الاحترافية : بما أن والده كان طبيبًا نفسيًا، يمكن أن يكون العلاج النفسي خيارًا مفيدًا له. شجعيه على التفكير في الذهاب إلى مختص نفسي، فالعلاج يمكن أن يساعده في التعامل مع مشاعره بشكل أفضل. الاستماع والمشاركة : قدمي له دعمكِ من خلال الاستماع لمشاعره ومشاركتها معه. قد لا تحتاجين إلى تقديم حل، فالكثير من الأوقات يكفي أن تكوني موجودة للاستماع. الحفاظ على مساحتكِ الشخصية : إذا كنتِ تشعرين بأنه يحتاج لمساحة، حاولي منحها له، لكن لا تترددي في التواصل من حين لآخر لتظهرين له أنكِ هنا إن احتاجكِ. اهتمي بنفسك أيضًا : لا تنسي أهمية العناية بنفسكِ وصحتكِ النفسية. شعوركِ بالتوتر أو القلق تجاهه قد يؤثر عليكِ، لذا تأكدي من أنكِ تجدين الوقت للاعتناء بنفسكِ. مهمتكِ ليست سهلة، ولكن وجودكِ بجانبه في هذه الأوقات يدل على محبتكِ واهتمامكِ. تذكري أن الدردشات الجادة مع مختص قد تساعدكما كلاكما في التعامل مع هذه المشاعر والتحديات. بارك الله فيكِ، ووفقكِ في مساعدته.
تم النشر الثلاثاء، ١١ مارس ٢٠٢٥
لعرض السؤال في فدني اضغط هنا