أنا طالبه في المرحلة الثانوية متفوقة جدا لكن الفتره دي بجد انا مش طايقة اذاكر اي حاجه أو افتح اي كتاب وكل اما احاول اني اذاكر بلاقي نفسي مشغوله بأي حاجة ومش عارفة اعمل ايه لأنو أنا زهقت من نفسي والمنهج كله متراكم عليا والامتحانات باقي عليها حوالي شهر ونص .ارجو ايجاد حل والرد بسرعة.
السلام عليكم، طبيعي جدًا شعور التهرب من المذاكرة، قليلين جدًا الأشخاص اللي بتحب المذاكرة للمذاكرة والأغلب من الناجحين بيكون عندهم حس المسؤولية وبيلزموا نفسهم ومش بيطاوعوا هواهم. عقلنا مبرمج على حمايتنا من الخطر، وبالنسبة له المذاكرة أو أي شيء فيه مجهود وضغط بيشكل نوع من الخطر فبيلجأ للتسويف والهرب كنوع من الحماية وإبقائنا في منطقة الراحة. فالحل هو إنك تبرمجي عقلك تفكري في إزاي تخلي مهمة المذاكرة دي بسيطة بالنسبة له مش عائق ومش ضغط نفسي رهيب ومسؤولية كبيرة. إنك لا تعتمدي على الشغف، لأنه لا يُعتمد عليه ولا تنتظري إنك تحبي المذاكرة عشان تقدري تذاكري لأن في الغالب ده مش هيحصل. فكري في الأسباب اللي محتاجة تذاكري عشانها. اكتبي أهدافك وعلقيها قُدامك طول الوقت عشان تحفزي نفسك وتفكري نفسك دائمًا ليه ضروري تنجحي وتتفوقي. ابعدي عن التوتر والتوقعات اللي الأهل عادة بيضعوها عليكِ وفكري بس في إنك تعملي اللي مطلوب منك والنتيجة في الآخر بيد الله، مع الإيمان يقينًا أن الله لا يضيع أجر من أحسن عملا. لو هدأتِ ورتبتِ جدولكِ وخطتك هتكتشفي إن الشهر ونصف دول كافيين تعملي فيهم معجزات، المهم تعرفي طريقك صح ومن غير ضغط وخوف. قبل كل اللي فوق ده أهم شيء الاستعانة بالله، ادعي دائما وحافظي على الصلاة ولا تقصري فيها علشان المذاكرة أو التسويف من المذاكرة، قسمي جدولك على مواعيد الصلاة، ده هيخليكِ تحافظي على الصلاة ويبارك في يومك ووقتك وكمان هيسمح لك بمرونة في جدولك وأوقات للراحة بتقفي فيها بين يدي الله وتتخلصي من كل همومك وتوترك. أرجو تكون إجابتك أفادتك أو وضعتك على خط البداية، وبالتوفيق إن شاء الله.
تم النشر الاثنين، ٢٤ مارس ٢٠٢٥
هو تقريبا دا موسم كدا لإني وشوية من زمايلي كدا برده ف مش عارفة ايه السبب! ممكن عشان رمضان واننا متعودين انه يكون في الإجازة مع ان المفروض العكس لإننا بنعمل عبادة. انا مش عارفة الحل دا هينفع مع كله ولا ايه بس انا باعمله وهو اول حاجة اني باعمل اي حاجة عايزة اعملها عشان ماشغلش عقلي بيها وانا بذاكر يعني لو عايزة اثعد مع اهلي باقعد ولو عايزة افتح التليفون بافتحه وهكذا... تاني حاجة اني باعمل مج كبير قهوة سادة بيبقى نصه بُن حرفيا عشان ما اديش عقلي فرصة انه يفكر ينام (انتي لو مش متعودة على القهوة قللي الكمية عشان غلط) تالت حاجة خلاص مش بيبقى قدامي غير اني اذاكر، والفترة دي باتبع اسهل طريقة للمذاكرة وهي اني باسمع الريكوردات، وبالتوفيق
تم النشر الأحد، ٢٣ مارس ٢٠٢٥
عزيزتي، أشعر بما تمرين به، ففترة المذاكرة قد تكون مرهقة وصعبة في بعض الأحيان، حتى وإن كنتِ طالبة متفوقة. هناك عدة أسباب قد تجعلك تهربين من المذاكرة، منها الضغط النفسي، القلق تجاه الامتحانات، أو ربما شعور بالإجهاد بسبب كمية المواد المطلوبة. إليك بعض الخطوات العملية التي قد تساعدك: تحديد الأهداف : قسمي المنهج إلى وحدات صغيرة وضيعي أهداف يومية، مثل دراسة فصل معين أو حل مجموعة أسئلة. تنظيم الوقت : حاولي وضع جدول للمذاكرة يساعدك في تحديد أوقات محددة للدراسة وأوقات للراحة. استخدمي أداة مثل مؤقت الـ 25 دقيقة للدراسة والتوقف لمدة 5 دقائق. خلق بيئة مناسبة : تأكدي من أن مكان دراستك هادئ ومنظم. قللي من المشتتات الممكنة، مثل الهاتف أو التلفاز. الدعم النفسي : تحدثي مع الأصدقاء أو أفراد العائلة حول مشاعرك. الدعم الاجتماعي يمكن أن يكون له تأثير إيجابي على حالتك النفسية. تذكري هدفك : ذكري نفسكِ بأسباب دراستك ولماذا تعتبري التعليم مهمًا لك. هذا قد يزيد من حماسك. وفي النهاية، لا تترددي في طلب المساعدة إذا كان الأمر يتطلب ذلك، سواء من معلم أو مختص نفسي. أتمنى لك التوفيق في دراستك، وكوني واثقة في قدرتك على تجاوز هذه المرحلة.
تم النشر السبت، ٢٢ مارس ٢٠٢٥
لعرض السؤال في فدني اضغط هنا