وانا طفلة كان عندي قلق اجتماعي والمواقف الاجتماعية كانت بتسببلي حالة من الرعب وكنت حساسة اوي دايما بخاف اقول لأ عشان مكونش مرفوضة من الناس اللي حواليا او حد يزعل مني او يكرهني وكنت بفضل متمسكة بكل الناس اللي في حياتي حتي لو علاقات مؤذية لحد ما هما يسيبوني عشان محسش اني سيبت حد او سببتله اذي وبعد ثانوي ابتديت انزل شغل واشتغلت ف كذا مكان وقابلت ناس كتير وخدت صدمات كتير واكتشفت ان الواقع مليان قصص وحكايات مكانتش تخطر علي بالي ان ممكن يكون فيه ناس بالسوء دة لدرجة اني جه عليا وقت مشيت من الشغل وانا منهارة من العياط وقعدت فترة ف اوضتي نفسيتي وحشة جدا ومبخرجش منها ومن ساعتها بقيت شخصية تانية خالص مبمسكش ف حد اللي عاوز يقعد تمام واللي عاوز يمشي تمام ولو حسيت ان التعامل بيني وبين حد متعب مبتعاملش معاه ولو حسيت ان حد عاملي ضغط بطلعه من حياتي كإني مبقاش عندي مشاعر وبقي صعب اني احس بتعاطف ناحية اشخاص او مواقف
وفي الواقع حاسة ان دي مشكلة واني مبيدومليش علاقات ومش هيدوملي علاقات لإني معنديش طاقة اني استحمل حد او اتنازل عشان حد واني دايما دماغي شغالة مبتفصلش في اللي حصل واللي بيحصل واللي هيحصل ودة مسببلي ارهاق وضغط وعصبية وحاليا مستصعبة اني اعمل حاجة ومش قادرة اركز ف اي حاجة لو حد كلمني ممكن مستوعبش هو قال ايه اصلا او كإن الكلام مبيعديش عليا او ابقي قايمة اجيب حاجة واقف ف نص الطريق مش فاكرة هو انا قومت ليه حاسة اني مش في الدنيا خالص
مش عارفة اخرج من الدوامة دي ازاي انا كنت شاطرة وذكية لحد ما مريت بالتجارب دي حياتي اتشقلبت
كونك مش متمسكة بحد و سايبة ال عايز يمشي يمشي فدي مش حاجة وحشة بالعكس دي قوة ربنا وهبهالك كتعويض عن كل ال شوفتيه فاستغليها بدل م تضايقي منها ممكن تبدأي صفحة جديدة ،، حرفيا جيبي صفحة كده و اكتبي فيها الاشخاص ال فحياتك حاليا عيوبهم و مميزاتهم و هل انتي قابلاها ولا لا صدقيني اكيد هتلاقي اكتر من حد مستحملاه رغم عيوبه و انك مش الشخصية المتبترة ال بتستغنى عن علاقات و خلاص ،، انتي بس نقطة تحول شخصيتك فجاة هي ال مخلياكي مش راضية عن نفسك ،، شايفة ان اكتر حاجة انتي محتاجاها انك ترضي عن نفسك و عن كل ال وصلتيلو لو اديتي فرصة لنفسك هتعرفي تدي فرصة لل حواليكي بس بعقل و منغير م تسمحي لحد يأذيكي
تم النشر السبت، ٢١ أكتوبر ٢٠٢٣
انتي حاسه ان حياتك متشقلبة واما مقدرة ده كويس... طيب انتي ليه حاسه انك لما بدأتي تشوفي نفسك وتفضليها ع الناس المؤذية ان ده غلط مثلا؟ حاسه بالذنب؟
تم النشر السبت، ٢١ أكتوبر ٢٠٢٣
يعتبر نفس الى انا بمر بى بظبط انا بجد نفسيتى مدمره
تم النشر الاثنين، ٢٣ أكتوبر ٢٠٢٣
لعرض السؤال في فدني اضغط هنا