السلام عليكم
انا عندي ٢٣ سنه ومش متجوزه
انا من صغري وانا اصحابي بيتنمرو عليا ف المدرسه حتي لما دخلت الجامعه بسبب اني شخصيه مهزوزه ومش لبقه ف كلامي وشفت صدمات كتير ف اصحابي وماكنتش بعرف اخد حقي مع الوقت بقيت بحس اني قليله وكل ماعمل حاجه ف حياتي بتخيل اصحابي وهما بيتنمرو عليا ف الحاجه دي..
محتاجه حد يساعدني انسي المواقف دي واحب نفسي
هقولك علي نصيحه من اخت ليكي لو انتي محبتيش نفسك وافعالك وشكلك وكلامك وطريقتك فمتستنيش من حد يجي يقولك كدا لازم تحبي نفسك اولا ازاي تهتمي بمميزاتك ومهاراتك تطوريها دا يخلي عندك ثقه بنفسك اكتر حاولي الابتعاد عن كل حد بيكسر ثقتك بنفسك وقربي من ناس أكثر تفاهم وتحببك في حيانك ومميزاتك مش العكس وانتي جميله من غير راي حد بتمنالك التوفيق دائما ♥️♥️🥰
تم النشر الجمعة، ١١ أكتوبر ٢٠٢٤
عليكم السلام ورحمه الله وبركاته اولا بالنسبه لموضوع التنمر فالتنمر ده طبيعي جدا وناس كتير بتتعرض للتنمر وانا كنت من ضمنهم اولا حاولي تنسي الموضوع ثانيا ان ما نسيتيش حاولي ان انت تواجهيه اي حد يتنمر عليك لاني لما انت بتسيبيه هو بيزداد تنمر فلازما تعرفيه وتقولي له ان اللي انت بتعمله ده غلط وانا مش قابله ده . لان لو انت سبتيه كده فهو في اعتقاده ان هو بيهزر او هي بتهزر فلازما ان انت تحطي حد فاصل وتبيني لهم ان انت مش شخصيه توكسيك بتتاثر ايجابيااو بتستمتعي بالناس اللي بتتريق عليكي وبتتنمر عليكي. واخيرا لو ما فيش فايده ابعدي عنهم واعتذري لو هتتقابلوا في تجمع واعتزليهم وكوني صحبه صالحه تنفعك في دينك ودنيتك وحاولي ان انت تمنعي هم ان هم يبتدوا يتنمروا عليك. طبعا بنمنع التنمر باسلوب لبق وبطريقه محبوبه بدون عصبيه او بدون ما تزعلي اللي حواليك.
تم النشر الأربعاء، ٩ أكتوبر ٢٠٢٤
وعليكم السلام ورحمه الله وبركاته طب خليني بقى اقول لك انت قلت انت كنت على طول مهضومه هل مازلت شخصيه مهزوزه ولا بقيتي؟ لو بداتي بتحسني بس المشكله كلها في انك مش عارفه تنسي المواقف اللي فاتت فاقول لك انه افضل طريقه ان احنا بنبدا كده نفتكر الموقف اللي فاتت دي ونشوف هو احنا دلوقتي بشخصياتنا قويه وممكن نرد على الموقف دي ازاي او لو شايفين حد قدامنا بيتعرض بنفس الموقف هننصحه ونقول له يعمل ايه شوفي انت هتبقى نصيحتك الشخص اللي بيتعرض لنفس الموقف يعمل ايه؟ وعايزاك تستحضري نفسك او تمثلي وانت بتعملي فعلا ده. ولو الناس دولت موجودين لسه حواليك او قريبين منك اييي تستجمعي شجاعتك وتروحي تقولي لهم فاكرين الموقف الفلاني اللي عملتهم معايا عارفين ساعتها انا كنت المفروض اعمل كذا اييي انا من وقتها وانا الموقف ده بالنسبه لي موقف سيء معلم معايا وانتوا اذيتوني فيه اييي كل الحاجات دي. لما نعملها او نحاول نعمل اي حاجه منها هتخلينا نعرف نقفل الموضوع جوانا لكن مشكله الموضوع ان جوانا منتهي نهايه احنا مش راضيين عنها فاحنا نحاول ان احنا نحط نهايه ثانيه النهايه دي نكون راضيين عنها. علشان يبدا الموضوع يبقى منتهي جوانا وما نفكرش فيه ثاني وينسى فعلا موا. قف لو على حب نفسك فانت لازم تحبي نفسك ما عندكيش اوبشن ثاني لان ما تحبيش نفسك ليه اللي خلقك وهيئك على صوره اليوتيوب شخصيتك دي حتى لو شخصيه مهدوده بيحبك انت ما بتحبيش نفسك ليه ايه اللي فيها ما يتحملش هي ما تتحبش عشان فيها حاجه مش عاجبه شخص ثاني هو برده مخلوق زيه زيك طب انت شايفه ان دي معادله مظبوطه طبعا دي معادله مش مضبوطه الشخص ده اللي انت هتقيسي نفسك عليه هو ذات نفسه اصلا شخص ناقص وعنده حاجات كتير جدا محتاج هو كمان ان هو يشتغل عليها ويحسنها فمش ده اللي انا هاخد منه الكلام موثوق كانه زي الختم واعتبر ان هو ده انا لا عشان ابص على نفسي واعرف نفسي اعرفها بنظرتي انا نظرتهم هنا.
تم النشر الجمعة، ١١ أكتوبر ٢٠٢٤
وعليكم السلام ورحمة الله وبركاته. أفهم شعورك تمامًا، فإن التعرض للتنمر يمكن أن يترك أثرًا عميقًا على النفس، وخاصة في مرحلة الشباب. يهمني أن تعرفي أن ما مررتِ به ليس ذنبك، وأنك لا تُقيمي نفسك بناءً على آراء الآخرين. إليك بعض الخطوات التي يمكن أن تساعدك في التعامل مع هذه المشاعر والتغلب عليها: استشعري قيمتك الذاتية : تذكري دومًا أن لديك ذكاءات ومواهب لا يمكن للآخرين انتقاص قيمتها. ابحثي عن جوانب إيجابية في شخصيتك وحاولي تعزيزها. تحدثي مع نفسك بإيجابية : كوني لطيفة مع نفسك، وتجنبي النقد الذاتي القاسي. حاولي تكرار عبارات إيجابية تحفزك على تقدير ذاتك مثل "أنا كفؤة" و"أستحق الاحترام". تواصلي مع دعم اجتماعي إيجابي : ابحثي عن أصدقاء أو أفراد يمكنهم دعمك وتشجيعك. العلاقات الإيجابية يمكن أن تكون لها تأثير كبير على تحسين شعورك بنفسك. تعلمي مهارات جديدة : التفكير في الانخراط في أنشطة أو دورات جديدة يمكن أن يعزز ثقتك بنفسك. سواء كانت هواية أو نشاط رياضي، ستساعدك هذه الأنشطة على بناء مهارات جديدة والشعور بالإنجاز. التعبير عن المشاعر : لا تترددي في التعبير عن مشاعرك، سواء من خلال الكتابة أو المحادثة مع شخص موثوق. قد يساعدك ذلك في التعامل مع الألم الذي شعرت به. وفي النهاية، إذا شعرت أنك بحاجة إلى مساعدة إضافية، يمكنك التفكير في استشارة مختص في علم النفس لمساعدتك في معالجة التجارب السلبية التي مررت بها. تذكري أنك تستحقين حياة مليئة بالفرح والثقة. أرجو أن تجدي هذه النصائح مفيدة، واعتني بنفسك جيدًا.
تم النشر الأربعاء، ٩ أكتوبر ٢٠٢٤
اختيارك للناس المحيطه بيكى انتى اللى بتحدديه وانتى اللى تقدرى تحطى حدود للقدامك بكلاموو معاكى ابتدى مع نفسك بدايه جديده وناس جديده ناس تعلى ثقتك فى نفسك تنصحك للصح ناس لا تكون منافقه وتحب الخير للغير وده هتشوفيه فى تصرفاتهم فى المواقف مع الناس وقبل كل ده لازم تثقى فى نفسك ربنا مبيخلقش حد وحش الله جميل ويحب الجمال ربنا مدينا نفسنا لنفسنا نعمه نحمدو عليها ونشكرو كل يوم الصبح على. نعمو واسمعى فديوهات كتير عن الامتنان وانتى هتحبي حياتك وهتحبي نفسك قبل ما تدخلى حد فى حياتك
تم النشر الأربعاء، ٩ أكتوبر ٢٠٢٤
لعرض السؤال في فدني اضغط هنا