بصو يجماعه اولا انا بنت اللي عاوزه اقوله ان انا عندي واحده صحبتي بجد بتكون كويسه معايا جداا ولما ييجي ناس تانيه او صحابنا التانيين بحسها بتقلل مني وتتريق بس بتجبها بهزار مع انها عمرها مبتتكلم كدا واحنا لوحدنا
ولو المستر برضو قالي كلام حلو ف الحصه بتقعد تتريق وتضحك ودايما عشان هي طويله ١٧٠ او اكتر وانا ١٥٧ فتعلق دايمأ على طولي وانا عمري مقولتلها انها طويله زياده او اي حاجه زي كدا وبالذات انها اطول من مامتها بس بحسها بتزعل وبخاف اجرحها
انا دلوقت مش عارفه ابعد عنها ولا انا مكبره الموضوع وحساسه بزياده ولا اي بس والله هي بتتعامل مع اي حد بطريقه حلوه وعمرها متجرحو الا انا فيدوني ونبي انا مضايقه اوي
السلام عليكم ورحمه الله وبركاته بصي يا جميله هي دي حاجه بيقع فيها الصحاب القريبين من كتر ما هم قريبين بيبقى لما بيتشافوا مع بعض بيكونوا خلاص يعني مرتبطين فلانه وفلانه ممكن في حد بيكون حابب انه لا انا مش عايز دايما اكون مربوط بصاحبتي حتى لو هي صاحبتي القريبه مني انا عايز الناس لما نكون موجودين يشوفوني انا فللأسف بيعملوا ده من غير ما يحسوا من غير ما ياخذوا بالهم بانهم يبدأوا يبينوا نفسهم على حساب اللي معاهم فتبقى بتزود قوي في الهزار عليك او تبقى بتتكلم بطريقه مش لطيفه او تتريق عليك على اساس ان هي اكثر حد عارفك كل ده ممكن تبقى من غير ما تاخذ بالها من غير ما يكون قصدها بتعمله هل كده هي بقت صاحبه وحشه وانت المفروض تبعدي عنها ل،ا لانه مش ضروري تكون قاصده ده خالص انت محتاجه بس تتكلمي معاها وتعاتبيها وتاخذي موقف لو حصل واتكلمت بطريقه انت مش حباها او قالت حاجات انت شوفتي انها بتقلل منك فضروري تاخدي رد فعل حتى لو كان رد الفعل ده قصاد الناس قصاد الناس يعني انا بقول لك اهو بمعنى الكلمه احرجيها في مره وفي مرتين لو هي عاتبتك وقالت ليه احرجتيني انت كمان هتوضحي لها انك عاتبتيها وقلت لها بلاش طريقه الكلام دي او بلاش التصرف ده لانه بيضايقني وهي ما اهتمتش بده فكان واجب انها ان انت تحرجيها قصاد الناس محتاجين ان احنا نعمل ده حتى مع صحابنا اللي بنحبهم اه لانه ده واجب الصداقه واجب الصداقه ان احنا نصلح لبعض الاخطاء اللي ممكن تطلع مننا واحنا مش حاسين او واحنا متغفلين او ان في حاجه هي اللي شدانا بنعمل تصرفات هي مش احسن حاجه.
تم النشر الثلاثاء، ٢٥ فبراير ٢٠٢٥
ابعدي عنها لكن من غير م تتخانقي معاها يعني حولي تقولي انك مشغوله لما تكون عايزه تقعد معاكي و حاولي تحطي اعذار و بقولك ابعدي عنها الانها في الاخر هتبقى مؤذيه ليكي في حاجات كتير طالما هي بتتريقي عليكي ف كل حاجه ممكن تاثر عليكي في الناحيه الدراسيه و نفسيتك
تم النشر الاثنين، ٣ مارس ٢٠٢٥
وضحي لها مشاعرك وان أسلوبها يسيء لك نفسيا فلربما قصدت بهذا الفعل الهزار والضحك، وان تبين لك سوء النية فضعي حدود بينكم . .
تم النشر الجمعة، ٢٨ فبراير ٢٠٢٥
انتي عارفه انها فعلا كدا وصاحبتيها بما فيه الكفايه انك تتعرفي علي شخصيتها بس احب اقولك ان الصاحبه اللي فعلا بتحبك عمرها ما تقلل منك قدام حد او حتي تغير منك انتي واجهيها وقوليلها انت انك مينفعش اللي انتي عملتيه ده انا عندي شخصيه ومينفعش حد يكلمني بطريقه متعجبنيش او قدام حد ولو انتو قريبين اوي قوليلها طريقتك دي علي فكره مش مناسباني وانا زعلانه منك لو مهتمتش لكلامك قوليلها خلاص كلامنا انتهي مع بعض وابعدي عنها. اللي زي دول فعلا لازم تبعدي عنهم لانهم هيأذوكي وهيشغلوا تفكيرك ويبعدوكي عن دراستك وربنا وانتي كدا مش حساسه ولا حاجه لان دي حاجه تضايق فعلا
تم النشر الجمعة، ٢٨ فبراير ٢٠٢٥
عزيزتي، أشعر بمعاناتك وأتفهم أن مواقف مثل هذه يمكن أن تكون مؤلمة للغاية. من المهم أن نفهم أن العلاقات تحتاج إلى توازن، ويجب أن تشعري بالاحترام والتقدير في صداقاتك. إذا كانت صديقتك تجرحك بكلماتها وتقلل من شأنك أمام الآخرين، فإن من المهم أن تتحدثي معها بصراحة. يمكنك اختيار الوقت المناسب لتعبري لها عن مشاعرك. ابدئي بالحديث حول الأمور التي تفضلينها في صداقتك وذكّريها بلطف بأن بعض تعليقاتها تشعرك بالأذى. كوني صادقة ودافئة، دون أن تهاجميها، بل اجعليها تفهم كيف تؤثر كلماتها عليك. أيضاً، حاولي أن تستمعي لوجهة نظرها، فقد تكون غير مدركة لحقيقة تأثير كلامها. في النهاية، الصداقات الحقيقية تقوم على الاحترام والتفاهم المتبادل. إذا لم يتغير شيء بعد المحادثة، وقد واصلت جرح مشاعرك، ربما من الأفضل أن تأخذي مسافة وتعيدي تقييم هذه الصداقة. تذكري أن لديك الحق في الشعور بالسعادة والاحترام في علاقاتك.
تم النشر الثلاثاء، ٢٥ فبراير ٢٠٢٥
واجهيها وقولي لها انتي بتعملي كذا ليه
تم النشر الأربعاء، ١٢ مارس ٢٠٢٥
ابعدى عنها الان افضل من الغد ولا تعطى قيمه من لا قيمه له
تم النشر الثلاثاء، ٤ مارس ٢٠٢٥
لعرض السؤال في فدني اضغط هنا