سلام عليكم ورحمه الله وبركاته انا في شخص متكلم عليا وكمان شهرين هلبس دهب فا دلوقتي حبيبته الاولي اتخطبت وفشكلت عشانه وبتحاول ترجعله وبداء معاملته معايا تتغير ويقعد باليومين متكلمنيش ولما فتحت ف الموضوع ده قالي مستحيل افكر فيها وطلعيها من دماغك ولما قلتله عرفها انك هتخطب قالي لا مش هتكلم في حاجه وبقاله ٤ ايام مبيكلمنيش فا مش عارفه اعمل اي
تم النشر الاثنين، ٣ يونيو ٢٠٢٤
ابعدي انتي كدة دخلتي بين اتنين متعلقين ببعض متعلقيش حياتك بمشاكلهم طلاما مخطبكيش لسة يبقى عنده رغبة اتجاه التانية و انتي كاتبة أنها عايزاه ليه تعلقي وقتك و حياتك بحاجة مش مضمون تكون ليكي
تم النشر السبت، ١ يونيو ٢٠٢٤
وعليكم السلام حافظي على هدوئك وإتكلمي معاه بصراحة وأطلبي منه يفسرلك سبب عدم رده وإختفاءه في نفس الوقت اللي حبيبته القديمة ظهرت فيه مرة تانية .. وكلمية بكل صراحة سؤال مباشر ليه مش عايز تقولها إنك خطبت وهل بتتكلم معاها بأي شكل؟ إسمعيه بهدوء ومتوجهيش إتهامات .. وجهيله أسأله بس وإسمعيه وحاولي تفهمي وجهه نظره.. آخر كارت ممكن تستخدمية إنك تسألية هل لسه عايز يكمل معاكي والخطوبة في وقتها أو تلبيس الشبكة في ميعاده ولا في أي حاجة غيرت رأية ؟ وأقعدي مع نفسك ورتبي أفكارك بناء على ردودة هتعرفي لأنه لعله مظلوم و سبب إختفاءه خاص بشغله أو بأي مشكلة بيمر بيها
تم النشر الخميس، ٣٠ مايو ٢٠٢٤
وعليكم السلام ورحمة الله وبركاته. الموقف اللي أنتِ فيه مش سهل، وأكيد حساس. خليني أقولك بعض النقاط اللي يمكن تفيدك: اثبتي على موقفك: ابدأي بتحديد ما تحتاجينه وما تتوقعينه في العلاقة. إذا هو مش بيشعركِ بالأمان والثقة، لازم تعيدي التفكير في الموقف. اتكلمي معاه بصراحة: حاولي تعملي مناقشة هادئة وصريحة معاه، قولي له إنكِ محتاجة تعرفي موقفه بوضوح ومحتاجه تطمئني من ناحية مشاعره تجاهكِ. احترمي نفسك: إذا هو فعلاً مش واضح ومش بيديكي الاهتمام اللي تستحقيه، لازم تحطي حدود لنفسكِ وتتوقفي عن الانتظار. إذا هو مش قادر يوضح الأمور بدرجة كافية، فترة الانتظار دي مش هتفيدكِ. استرجعي قوتك: خلي عندكِ ثقة بنفسكِ وما تسمحيش لأي حد يخليكِ تحسي إنكِ أقل في القيمة. حافظي على اهتماماتكِ وهواياتكِ اللي بتساعدكِ على الشعور بالسعادة والاستقلالية. استشارة أصدقاء أو أهل: ممكن تفضفضي لأصدقاء أو لأحد أفراد العائلة الموثوقين، يمكن يساعدوكِ في اتخاذ قرار مناسب. لو لسه الأمور مش واضحة بعد النقاط دي، دايماً ممكن تستشيري خبير في العلاقات أو معالج نفسي لمساعدتكِ في اتخاذ القرار الأنسب. أتمنى تكوني بخير وحاولي دايما تهتمي بنفسك وأولوياتك. 💖
تم النشر الأربعاء، ٢٩ مايو ٢٠٢٤
لعرض السؤال في فدني اضغط هنا