السلام عليكم، الفكرة مش بكم الساعات، بالعكس أنتِ كده بتضغطي على نفسك ومش هتذاكري أصلًا. مجرد إن عقلك يتخيل كم الساعات المطلوبة منك وكمية الجهد اللي هتبذليه مباشرة هيخليكِ تسوفي وتكرهي تقعدي تذاكري ومش هتنجزي أي شيء. الخمس ساعات اللي بتقولي عليهم ممكن يكونوا كافيين جدًا إذا استغليتهم بحكمة وذاكرتِ بطريقة ذكية وركزتِ على جودة المذاكرة مش كمها. انسي تمامًا الشهور اللي مرت وضيعتِها وابدئي من دلوقتي وشوفي على اليوتيوب فيه فيديوهات عن (ذاكر أقل ذاكر بذكاء) هتعرفي طرق تستغليها تذاكري بحكمة. مهم جدًا تهتمي بنومك عشان تكوني مركزة، وكمان متنسيش فواصل راحة عشان عقلك وجسمك يفصل ويعيد شحن نشاطه وترجعي تذاكري بنشاط وعقل فايق. آخر حاجة وأهم حاجة، كل ده لازم قبله الاستعانة بالله عشان يوفقك. ابدئي واستعيني بالله وفكري بس تعملي اللي عليكِ من غير ما تقلقي على الوقت والنتيجة. بالتوفيق إن شاء الله.
لعرض الإجابة في فدني اضغط هنا