انا تعبت من الحاضر الموجودين فيه دلوقتي وتعبت من السوشيل ميديا والناس البشوفها عليه بحس انه كل الناس مبسوطين وعايشين كويس ويخرجوا و يسافروا ويشتغلوا و عايلتهم سويا ومترابطه ومرتاحين ماديا لما بتفرج عليهم بتعب نفسيا اوي ولا إرادي بقارن نفسي و حياتنا والله ما بغرض الحسد بس بحس انه يارب هو احنا منستهلش نبقى زيهم نرتاح حتى يعني امي وعايلتنا دي ومشاكلنا مكنش ينفع ولو لمره تتعدل.. وارجع اراجع نفسي واستغفر ربنا واقول اكيد حالنا احس من غيرنا واقفل السوشيل ميديا فتره واللغي متابعه معظم العندي بس لا مفر بجد الواحد تعب والموضوع زاد ولا ارادي بتقارن نفسك
بصى حرفيا السوشيال ميديا لو ركزنا فيها واللي الناس بتعمله ومش قادرين نعمله حرفيا هنتجنن بجد لأن كمية فلوس وصرف غير طبيعية بس الحقيقة أن كل دا فيييك كله مزيف كله عنده مشاكل وبيصور الجانب الكويس بس كل البلوجرز دول والسفر والعربيات كله مجرد شغل مش اكتر بيأجرو قصور وفلل وعربيات عشان يصورو بس ويقولو حياتنا والسفريات بتكون تبع شركة مش اكتر وشغل مش رايحين يتفسحو بالنسبة لموضوع الرزق دي بتاعة ربنا كله واحد متقسم له رزقه والرزق مش مال بس فيه صحة وفيه انك تبقا قريب من ربنا ورضا لو جيت تبص لكله هتلاقي انت واخد حقك تالت ومتلت وبعدين الحقيقة أن كل دا فاني اصلا احنا عاوزين الدائم بتاع ربنا اللي في الجنة لو دورت ع الراحه ف الدنيا مش هتلاقي راحه محدش مرتاح حرفيا لأنها مش مخلوقة للراحه دا مجرد امتحان مش اكتر يننجح وناخد بقا كل حاجه ما لا عين رأت ولا أذن سمعت ولا خطر على قلب بشر أما لا قدر الله نفشل ودي الكارثة كل م دماغك تسوحك افتكري بس انها مش دايمة والله كل دا هيروح ومش هيفرق معاكي فيه بودكاست كويس اوي عن موضوع السوشيال دا جميل بصراحه انصحك بشدة تشوفيه هجيبلك اللينك
تم النشر الاثنين، ٢٧ مارس ٢٠٢٣
اذكر نفسي واياك ان الابتلاء يكون بالمنع او بالعطاء والرزق ايضا يكون بالمنع او بالعطاء فى ناس منعمه وده اختبار ليهم مش رزق وسعادة ... وساعات ناس بيكون اختبارهم فى المنع عشان ربنا يشوف هيصبروا ولا هيشتكوا ويقنطوا.
تم النشر الاثنين، ٢٧ مارس ٢٠٢٣
سواء بالسوشيال ميديا او من غيرها طبعا المغريات حوالينا كتيير جدا وطبيعى النفس ضعيفة وتشتهى الراحة والمتعه بكل انواعها. بس خلى الحديث ده قدام عينك وذكر نفسك بيه كل ما تفكر فى الوضع اللى مش احسن حاجة.
تم النشر الاثنين، ٢٧ مارس ٢٠٢٣
هل انتي دخلتي جوا الناس ديه وعرفتي هما عايشين في ايه او ايه اللي بيحصلهم، او عندهم امراض ايه مثلا؟ هقولك ع حاجه السوشيال ميديا كاذبة .. حقيقي اصل مفيش حد هيبين الوحش او الحاجات الوحشة اللي بتحصله. يعين محدش هيطلع ويقولك انا مريض كذا، او حصل وحش في حياتي كذا وكذا .. وانا حياتي فيها وفيها.... محدش هيقولك الوحش اللي في حياته، او الوحش اللي حاصل له. الناس هتبين الحلو وبس لانه مصدر رزقهم بمعني اصح. انتي لو عقدتي مثلا تتفرجي على دراما ونكد في السوشيال ميديا ما انتي هتقفليها ... مش لما ساعات تلاقي مسلسل كله نكد او اغنية نكديه ... تقولي لا لا مش وقته خالص بقى! مش عايزين نكد. هما شغلتهم اساسا يظهروا الحلو ... مع ان مفيش حد في حياته حلو علطول الا بقى لو كنا في الجنة .. لو شوفتي مثلا الممثلين او الناس المشهورة بصفة عامة، كل شوية كده يطلعوا يقولوا انا كان عندي مرض مثلا لمدة كام سنة وفضل يعاني منه، ومعرفش مين حصله كذا وكذا .. ما هو برده الناس ديه بشر وعندهم مشاكل وحاجات زينا برده بتحصلهم ... احنا بس عينيا مش بتشوف الا الحلو اللي بيحصلهم لانه ظاهر للناس كلها. اعرفي اننا كلنا عندنا حياة وكل واحد فيه بجد اللي محدش عارفه، ومتقارنيش نفسك بحاجه لان المعظم لابس ماسك مداري بيه حاجات كتير.
تم النشر الاثنين، ٢٧ مارس ٢٠٢٣
اوقات من المشاعر السلبيه عندنا وعدم الرضى بالواقع بنشوف ان كل الناس كويسه ومبسوطه واحنا لا بس هسألك سؤال لو جالك ضيف بتعمل ايه بتروق وتنضف المكان الي هيقعد فيه حتى لو ع حساب باقي البيت وتلبس انضف حاجه عندك حتى لو ده الطقم الوحيد الي عندك وبتطلع تضايفه احسن ماعندك واوقات بتستلف اطباق او معالق او صنيه عشان في ضيوف جايين هو ده حال الناس ع السوشيل ميديا او مابينهم ومابين بعض ف حياتهم الماديه والاجتماعيه بيظهروا احسن حاجه بس مش ضروري انهم كل يوم خارجين كل يوم مسافرين كل يوم بيروحوا اماكن حلوه ومش معنى ان في صوره لتجمع عائلي انهم وهم حاضنين بعض انهم بيحبوا بعض دول بيتصوروا وهم بينهم محاكم اصلا بس عشان منظرهم قدام الناس كل واحد حوليك عنده مشكلته ومصيبته والعقبه الي ف حياته ومنغصه عليه عيشته بس انت مش شايفها الفكره دي فكر فيها ع طول هتريحك كتير عشان وانت بتقارن نفسك بيهم هتلاقي ان مش كلهم مبسوط من قلبه ومش كلهم مرتاحين ومش كلهن نايمين مش معيطين ولا شليلين هم دين وهكذا وعشان كده دايما بنقول الحمد لله احنا احسن من غيرنا عشان فعلا في غيرنا مش لاقي نص الي معانا وده الي لازم تفكر فيه
تم النشر الاثنين، ٢٧ مارس ٢٠٢٣
أولا، أود أن أقول لك أنه ليس هناك شخص في هذه الحياة يملك كل شيء ويعيش الحياة بشكل مثالي دائمًا. في الواقع، العديد من الناس على وسائل التواصل الاجتماعي يضعون صورًا إيجابية فقط لأنهم يريدون أن يظهروا في أفضل حالاتهم. الواقع هو أن حياة كل شخص في هذا العالم مليئة بالارتفاعات والانخفاضات ولكن لا يتم دائمًا إظهار الانخفاضات على وسائل التواصل الاجتماعي. ثانيًا، يجب أن تتذكر أن أهم شيء هو العمل على الأشياء التي تجلب لك السعادة والراحة. إذا كنت تشعر بالتعب من وسائل التواصل الاجتماعي ومحتواها، فمن المهم أن تتوقف عن استخدامها لفترة من الوقت. خذ قسطًا من الراحة واقضِ بعض الوقت مع عائلتك وأصدقائك أو حتى مع نفسك. قد تجد في المرة القادمة أنك تشعر بحالة نفسية أفضل وأكثر راحة مع نفسك. أيضًا، اتبع بعض النصائح البسيطة كتنظيم وقتك وممارسة الرياضة والأنشطة التي تجلب لك السعادة. والأهم من ذلك، حاول أن تركز على حياتك وما تريد تحقيقه فيها وتعتمد على نفسك، بدلاً من مقارنة حياتك بحياة الآخرين. أخيرًا، لا تتردد في التحدث إلى مستشار نفسي إذا كان الأمر يؤثر سلبًا على صحتك النفسية. الحصول على المساعدة من خبراء قد يساعدك في التخلص من التعب النفسي والشعور بالحزن والاكتئاب.
تم النشر الاثنين، ٢٧ مارس ٢٠٢٣
لازم قبل دا كلوا تعرفي ان مفيش حد ف الحياه عندوا كل حاجه ومكتمل من جميع النواحي هما مثلا عندهم فلوس قريبين من أهلهم اكيد ربنا اخد منهم حاجه تانيه ومش كل اللي ع السوشيال حقيقي هما بيظهروا بحاله ايجيابيه عشان يظهروا ف افضل حالاتهم بس ف الحقيقه كل شخص حياته فيها مشاكل خناقات مع الاهل ازمه ماديه بس مش واحده تيكتوكر هتخرج تقول انها عندها مشكله مع أهلها ولا ازمه ماديه وأهم حاجه تشوفي ايي الحاجه اللي بجبلك الراحه وتعمليها تبعدي عن اي اذي نفسي انتِ بتشوفيه وتتعبي ابعدي عن السوشيال عودي نفسك ان مش كل اللي بتشوفيه بيبقي حقيقي اشغلك نفسك ف اي حاجه مثلا رياضه مذاكره اخرجي لوحدك مع صحابك تجيبي كتب وتقرأيها اي حاجه تشغلك عن التفكير دا وحاولي انك تركزي ع حياتك ومستقبلك وشيلي اي تفكير مش كويس من دماغك.
تم النشر الاثنين، ٢٧ مارس ٢٠٢٣
انا شايف إن لازم يبقي في أهداف صغيره علي مدار اليوم او الاسبوع علي حسب ظروف كل شخص لأن ظروف كل واحد بتختلف فتحقيق الأهداف بيخلي في سعاده ومع الوقت الأهداف بتكبر والسعاده بتبقي اكبر ونجحنا بيزيد فبنوصل لمرحله إن إحنا مبسوطين بحياتنا ومش محتاجين نبص أو نقارنها بحياه حد
تم النشر الاثنين، ٢٧ مارس ٢٠٢٣
لعرض السؤال في فدني اضغط هنا