انا عايزة اتعلم حاجات مفيدة تبعدني عن أي تفكير سلبي
وانشغل فيها وتكون حاجات دي اقدر اتعلمها في البيت واكتسب خبرة منها
السلام عليكم ورحمة الله، الحقيقة إنك الوحيدة اللي ممكن تجيب على سؤال أي مهارة أتعلمها لأن ده بيرجع لميولك وشخصيتك. ممكن أقترح عليكِ حاجات أنا نفسي بحبها... زي مثلا تتعلمي الرسم أو التصميم أو الكروشيه أو تتعلمي لغات جديدة لكن انتِ ممكن أصلا متكونيش مهتمة بده وتبدأي في أي مهارة منهم وبعد فترة تحسي إن لأ مش دي أنا ولا أصلا بحب الحاجة دي. *** إذا عندك وقت فراغ فعادي ممكن تجربي حاجات مختلفة وتشوفي نفسك هتستقر على إيه وفيه اختبار بعض المدربين بيقترحوه عشان تحددي شخصيتك وإيه أفضل مهارات ممكن تناسبك.. لكن المهم تعملي الاختبار صح عشان تخرجي بنتيجة مطابقة أو أقرب لشخصيتك فعلا. ده رابط الاختبار، إن شاء الله يساعدك https://www.for9a.com/personality-test المهم، المهارة اللي تنوي تبدأي فيها تحددي نيتك وهدفك من التعلم وتضعي خطة مرنة ومنطقية وتناسب وقتك وطاقتك على الإنجاز وتدربي نفسك على الاستمرارية والانضباط الذاتي... ولا تقلقي بالنسبة لنقطة الأخيرة، العادات دي بتثبت بالتدريب والتمسك بالهدف كل يوم. بالتوفيق إن شاء الله.
تم النشر الأربعاء، ٢٥ ديسمبر ٢٠٢٤
أنا شايفة إن الإنترنت واسع جدااا ومليان محتوى مجاني وكورسات في مختلف المجالات ، الموضوع فقط معتمد على ميولك لموضوع أو مجال معين عشان تقدري تكوني مُحددة وواعية ف اختيارك للمواضيع اللي هتبدأي تتعلميها ف الوقت الحالي وعشان تقدري تستمري في اللي بتتعلميه لأن الإستمرارية هي أهم حاجة ممكن فعلاً تخليكي تكتسبي خبرات كبيرة وتشتغلي بيها كمان لو حابة ف المجالات اللي اتعلمتيها وبقيتي فاهمة فيها كويس ف شوفي ميولك رايحة لإيه كنقطة بداية ثم اشتغلي على الإستمرارية خلال رحلة تعلمك ✔️✔️
تم النشر الأربعاء، ٢٥ ديسمبر ٢٠٢٤
مرحبًا عزيزتي، من الرائع أنك تبحثين عن طرق لتعزيز تفكيرك الإيجابي واستغلال وقتك في تعلم أشياء جديدة في المنزل. إليك بعض الأفكار التي يمكنك تنفيذها: تعلم الطبخ أو الخبز : يمكنك تجربة وصفات جديدة والتعلم عن المكونات الصحية. هذه المهارة لا تعزز فقط تجربتك الشخصية بل تساعد أيضًا في تقديم وجبات صحية لعائلتك. القراءة : اختاري كتبًا تتناول تطوير الذات، علم النفس، أو روايات ملهمة. القراءة توسع آفاقك وتساعدك على اكتساب رؤى جديدة. التطوع عن بُعد : ابحثي عن فرص تطوعية عبر الإنترنت، مثل مساعدة الطلاب أو دعم قضايا اجتماعية. هذا سيمكنك من تبادل الخبرات والشعور بالإنجاز. الحرف اليدوية : استمتعي بتعلم الحرف مثل التطريز، الرسم، أو صنع المجوهرات. هذه الأنشطة تساعد على تنمية مهاراتك الفنية وتجعل وقتك ممتعًا. تعلم لغة جديدة : يمكنك استخدام تطبيقات ودورات عبر الإنترنت لتعلم لغات جديدة، مما يزيد من فرصك في المستقبل. كتابة يوميات : قومي بتدوين أفكارك ومشاعرك. الكتابة تساعد في تنظيم الأفكار وتفريغ الضغوط. الانخراط في تعلم مهارات جديدة عبر الإنترنت : هناك العديد من المنصات التي تقدم دورات تعليمية في مجالات متنوعة، مثل البرمجة، التصميم، أو مهارات التواصل. تذكرين دائمًا أن لكل خطوة صغيرة قيمة، ومع الوقت ستلاحظين التغيير الإيجابي في أفكارك ورؤيتك للحياة. بالتوفيق، وثقي أن هذه الأنشطة ستسهم في تحسين مزاجك وتطوير نفسك بشكل عام.
تم النشر الأربعاء، ٢٥ ديسمبر ٢٠٢٤
ممكن تتعلمي احكام القرآن كامله من علي اليوتيوب. وبرضوا ممكن تتعلمي ازاي تزرعي النباتات الي انتي عيزاها
تم النشر الخميس، ٢٦ ديسمبر ٢٠٢٤
بصي أنا أقترح عليكي تتعلمي لغة الاشاره لأن هيا هتخليكي عارفه تتعاملي مع الاشخاص ذوي احتياجات خاصه وهتحسي أن انتي متعلمه حاجه مش كله متعلمها ومش كله عارف يتعلمها وهتلاقي كورسات كتير علي اليوتيوب هتفيدك جدا
تم النشر الأربعاء، ٢٥ ديسمبر ٢٠٢٤
حفظ القران ..
تم النشر الخميس، ٢٦ ديسمبر ٢٠٢٤
فيه كثير بس الأهم الشغف والحماس لشئ فعلا حابه تتعلميه وتحسى انو إنجاز هدف مهم بحياتك مثلا كتابه محتوى/مصممه تصوير فيلم انتاج فيديو يوتيوب/تعلم ثقافه عامه مواضيع مفيده/حفظ القران/ رياضه/ طبخ/
تم النشر الجمعة، ٢٧ ديسمبر ٢٠٢٤
حلو ده بلص عندك افكار تانيه
تم النشر الأربعاء، ٢٥ ديسمبر ٢٠٢٤
لعرض السؤال في فدني اضغط هنا