نفسي جدا أحفظ القرآن الكريم اخدت فتره احفظ قلت ابتدي من سورة البقره وحفظت حفظت ٥٠ آيه وتوقفت مش عارف ليه هل من نصيحه تفيدني اقدر ارجع أفضل من الاول ؟
كنت مدامه علي صلاة الفجر وقيام الليل فتره كبيره وفجأه بطلت معرفش ليه
وازاي اقدر اداوم علي صلاة الفجر وقيام الليل من تاني وليه حصل معايا كده بالرغم ان المفروض اكون اتعودت علي المداومه دي
عشان تحفظي قرآن لازم يكون عندك ورد يومي علي حسب الهمة سطرين في اليوم مثلا أو ٤ أو نص صفحة أو اكتر بيبقا علي حسب الهمة بس اهم حاجة المداومة وقيام ليل بيكون افضل قبل نوم وصلاة الفجر دي بتبقا يعني انتي وصدقك مع الله اه جو بيبقا برد وكده والواحد بيكسل وبيماطل بس البيفرق أصدق فلازم أول حاجة تشوفي أولوياتك ايه ربنا أنعم علية بنعم كتيرة اوي ميستحقش ان اصلي له ميتحقش يكون نمرة واحد في أولوياتي فخلاص لازم تعرفي أولوياتك وبعديها تجاهدي نفسك لازم المجاهدة والتزام علي فكرة ده مش هيجي الا بصحبة صالحة لازم مش هتعرفي تلتزمي وانتي لوحدك شوفي مثلا أكاديمية قرآن و ادعي ان ربنا يرزقك صحبة صالحة وتبقا نيتك منها انك تمشي منهج الله ورسوله وتفوزي بالفوز العظيم
تم النشر الثلاثاء، ٢٠ فبراير ٢٠٢٤
ابدا حفظ القرآن من الجزء 30 بحيث ان السور صغيره وهتقدر تحفظها وانت ممكن بعد كل صلاه تحفظ سورتين (او حسب عدد الايات واستطاعتك) وبالنسبه لاذان الفجر يمكنك وضع منبه عند الاذان، حاول على قد ما تقدر كمان تبعد عن الاغاني او اي حاجه تليك عن العباده وقول دايما في نفسك (هخلص الاول اللي عليا بعدين اعمل اللي عايزه) وان شاء الله ستحفظ القران
تم النشر الأحد، ١٨ فبراير ٢٠٢٤
اولا الافضل انك تبدا من قصار السور علشان تتشجع وتحس بانجاز اكتر ولو بأمكانك انك تتابع مع شيخ هيكون افضل.. ثانيا امر قيام الليل لازم تقلل من المعاصي في النهار حتي يشرفك الله بالوقوف بين يديه فالليل، قبل ما تنام انوي انك هتقوم تقيم الليل علشان لو راحت عليك نومه وملحقتش تكتب لك قيام لليل وتتأمل احاديث النبي عن قيام الليل وفضله، قال عليه الصلاة والسلام: «عليكم بقيام الليل فإنه دأب الصالحين قبلكم، وقربة إلى الله، ومكفرة للسيئات، ومنهاة عن الإثم، ومطردة للداء عن الجسد»، وقال عليه الصلاة والسلام : «أتاني جبريل فقال: يا محمد، عش ما شئت فإنك ميت، وأحبب من شئت فإنك مفارقه، واعمل ما شئت فإنك مجزي به، واعلم أن شرف المؤمن قيامه بالليل، وعزه استغناؤه عن الناس».
تم النشر الاثنين، ١٩ فبراير ٢٠٢٤
اولا بخصوص القرآن: الله يختبرك ان كنتي صادقه حقا وعايزه ده ولا لا ف لازم تجاهدي ع قد ما تقدري انك تنزلي تحفظي تاني وربنا معاكي ان شاء الله
تم النشر الأحد، ١٨ فبراير ٢٠٢٤
وثانيا دائما أسألي الله ان يثبتك ويهديك وقولي اللهم ارزقني الثبات والسداد واعصمني من الشيطان وقوي علاقتك اكتر واذكار لأن الشيطان مش هيسيبك ف حالك اول ماتحسي إنك عايزه تصلي استعيذي بالله من الشيطان الرجيم وقومي بسرعه بدون تفكير واتعرفي اكتر ع ربنا سبحانه وتعالى هو مين وادرسي صفاته واعوفي بتعبدي مين وانوي نيه لله خالصه من قلبك انك هتنامي وتقومي تصلي الفجر اظبطي المنبه وحاولي مره واتنين وتلاته وأسأل الله الهدايه لي ولك
تم النشر الأحد، ١٨ فبراير ٢٠٢٤
لعرض السؤال في فدني اضغط هنا