من اكتر الاشياء اللى بكتشف انها سبب لمشاكل اجتماعية كتير...هو تجنب التعبير عن الحب
الحب اللى اقصده هنا اللى بين الاهل والاقارب والاصدقاء والازواج .
لما الناس بتتعامل بشكل ضمنى اننا يعنى بنحب بعض واحنا عارفين ومش بيقولولها لبعض بيتراب عليها مشاكل كتير.
هل انتوا ده بيحصل معاكم ولا بتهتموا تعبروا عن حبكم لبعض؟
عن أبي كريمة المقداد بن معد يكرب رضي الله عنه عن النبي صلى الله عليه وسلم قال: «إِذَا أَحَبَّ الرَّجُلُ أَخَاهُ، فَلْيُخْبِرْهُ أَنَّهُ يُحِبُّهُ مع كل التشوه اللى حصل لينا فى الحياه الا ان هيظل دى افضل حاجة ...التعبير الصريح.
تم النشر الاثنين، ٢٩ مايو ٢٠٢٣
انا عن نفسي شبه عايشة علي الحب بعد الإيمان مفيش حياة من غير حب حب كل شئ حواليك اي كان هو اي الحياة كلها لازم تحبها بالحلول اللي فيها و اللي وحش لأن الكمال لله وحده من غير الحب مفيش حياة و مفيش حياة من غير الحب و انك تقول كلمة بحبك أو تعبر عنها لاي حد بتحبوا ذي انك تجرب مثلا تقول لمامتك الصبح بعد صباح الخير انا بحبك و تحتضنها ممكن الحاجات دي متفرقش لو عملناها من وجهة نظرنا بس بتفرق للشخص اللي هتعملهالوا و أن احنا تعبر عن الحب مش للبني ادمين بس لا لكل حاجة بطرق تانية يعني عبر عن حبك للورد انك متقطفهوش او عن حبك لسريرك انك تروقو كل يوم أول ما تقوم و في حاجة كمان الابتسامة ... حرفيا دي كنز بتدخل بيها قلب اي حد و تفرحوا لو كان زعلان و لو جه في بالنا أن احنا لو زعلانين و شوفنا بابي صغير بيضحك بتفرج و ننسي همومنا هو احنا بتفرج من ابتسامة البابي الصغير دا بس. الحقيقة لا احنا بتفرج عشان هو بيكون بيبتسم من غير ما يحسسنا بهم احنا بردو لو ابتسمنا و احنا سايبين كل حاجة علي الله احنا من جوانا هنكون مرتاحين و فرحانين أن احنا بنفرح اللي قصدنا دا أقل كلمة عن الابتسامة *انها صدقة* سوري اني مش بعرف أوضح اوي
تم النشر الأحد، ٢٨ مايو ٢٠٢٣
عن نفسي لما بعبر عنه بيستخدم ضدي دا من الاهل و غيرهم وبسبب كده كرهت حاجه اسمها حب من الاصل لدرجه ان فاضل شويه و اسميه تفاها
تم النشر الأربعاء، ٧ يونيو ٢٠٢٣
طب معلش يا استاذه ياسمين هو مش انا ممكن اقول لحد اني بحبو وانا مش بحبو اصل الكلام مش هيخسرني حاجه انما لو جبتلو هديه مثلا مش ده يكون احسن علشان انا كده فضلتو علي فلوسي ولا حضرتك رايك ايه
تم النشر الاثنين، ٢٩ مايو ٢٠٢٣
طرق التعبير طبعا كتير وبتبقي من القلب وببتوصل ...ولكن تظل الكلمة الصريحة للتعبير وقعها مختلف واكثر تأثيرا من حين لاخر.
تم النشر الاثنين، ٢٩ مايو ٢٠٢٣
للاسف مش بعرف اعبر عن حبي للأشخاص بشكل صحيح مثلا بحاول اساعدهم او اني اهزر و اتكلم معاهم و أحيانا بتجاههلم على حسب الشخص لكن اني اقول مباشرة مشاعري الحقيقة اتجاههم لا معرفش
تم النشر الأحد، ٢٨ مايو ٢٠٢٣
بقالى فترة بحاول فعلا اعمل دا بس مشكلتى انى لما بنسغل بوقتى شبه بنقطع عن كل من هم حولى بس دا بسبب انشغالى مش بقصد منى فبحاول من وقت للتانى اقضى وقت مع اللى بحبهم او اعمل اللى بيحبوه عشان يعرفوا انى لازلت معاهم بس اتمنة هما نفسهم يفهمونى لانى مؤخرا بقوا بقولوا لى انى انانية
تم النشر الأحد، ٢٨ مايو ٢٠٢٣
الاهل طبعا في المرتبه الاولا بس دي مش عند كل الناس لان مش كل الاهل بيحبو ولدهم يعني حضرتك لو شوفتي في البرنامج تقريبا في ناس كتير بتواجه مشاكل مع اهلها بعد كده الزوجه لان ده حقها الصحاب مش حاسس ان احنا لازم نعبرلهم عن حبنا وموضوع النسبه ده علي حسب المعامله المتبدله بين الطرفين في الاهل او الزواج ومش لازم نعبر واقول للقدامي ان انا بحبو ممكن اعبرلو بده عن طريق هديه في مناسبه ودي حاجه كويسه اكتر من التعبير بلكلام
تم النشر الأحد، ٢٨ مايو ٢٠٢٣
انا شايف ان التعبير عن الحب حاجه كويسه بس مش لكل الناس ومش كل شويه
تم النشر الأحد، ٢٨ مايو ٢٠٢٣
دى حاجة ودى حاجة .....بس احنا مش بنقول اننا نكذب فى الحب ...بنتكلم عن التعبير عن الحب اللى حاسينه بالفعل.
تم النشر الاثنين، ٢٩ مايو ٢٠٢٣
مين الناس الاحق بالتعبير ومين لا ...وايه النسبة المناسبة للتعبير؟
تم النشر الأحد، ٢٨ مايو ٢٠٢٣
لعرض السؤال في فدني اضغط هنا