مشكلتي هي انا عندي 17 سنه وفي ثانيه ثانوي ودخله تالته ثانوي وزني كان 76 كيلو كان عادي ما عنديش مشكله عندي في عيلتي قرايبي كلهم بنات كلهم من سني كلهم ما شاء الله عليهم جسمهم حلو اللي في ال 60 واللي في الحاجه والخمسين فا انا مكنش عندي مشكله مع وزني أو بمعني اصح كنت بقنع نفسي أن جسمنا كلنا زي بعض بس دايما كلو كان بيجرحني بكلامه ماما تلقح كتير مثلا كانت جايبه بلوزه لااختي فانا فرحانه وراحه ألبسها قالتلي لا دي متنفعكيش اختي اجي البس لبسها تقولي هتوسعوهلي لدرجه حتي قريبي فكره خت فستان من واحده التانيه جات قالتلي انا معرفش هو داخلك ازاي معن جسمك مش زيها انجرحت اوووي وبقا عندي عقده نفسي اوصل لحاجه وخمسين وعشان نفسي كمان يبقا عندي ثقه في نفسي ممكن طريقة بس من غير دايت لاني حاولت ومعرفتش ممكن حد يقولي علي حل حلو وانا كنت بايته مع قريبي قبل كدا فاجبتلي بنطلون هو بيبقا واسع عليها عليه انا جيه ضيق اوووي حاسه اني مخنوقه من الموضوع دا وانا بحب الاكل اووووي ومش بقدر امنع نفسي ممكن طريقة غير الدايت
قللي كمية الاكل تبعك، وحملي تطبيق تمارين رياصيةة و إعمليها حاولي بجد تنامي من غير عشـا عشان جسمك يكون عنده قدرة اكبر على هضمِ الموجود تمام كده ممكن تتمشي بردُك كتيـر ، ولو انتِ مُسلِمةة ممكن تصومي لان الصِيـام بينضف الجسم وبيجدد الخلايا ده مع الاعتدال فِ الأكل وقتِ الفِطار تمام كده شوفِي اين كان اي اللي هتتبعِيه عشان توصلي انتِ محتاجةة مدومه متزهقيش لو يوم بوظتي ارحعي تاني النتيجةة تستاهِل انا مش بقولك امنعي الاكل انتِ اتحكمي فِ الكميةة وعشان صحتِك كمان اعرفي اي بيدخل لجسمك لانه بيأثر عليه بس كده ربّ يبارك فيكِ 💗🤲🏻
تم النشر الخميس، ٢٥ يناير ٢٠٢٤
لازم تردي .. متسبيش حد يجرح فيكي وردي بالادب برضه يعني احراج بالادب .. بس للاسف مفيش اي حاجه بدون مجهود .. لازم دايت .. مع اني بسمع حاجات ومنتجات طبعا بس انا مضمنش ليكي اي حاجه عنهم، لان الله اعلم ممكن يكون ليهم ناتج سلبي ع المدى البعيد. ف خليكي في المضمون احسن، ديه قناة د. وعد ممتازة جدا في الموضوع ده انصحك تتابعيها .. https://www.youtube.com/c/DrWaadAminFitnessNutritionist
تم النشر الثلاثاء، ٢٣ يناير ٢٠٢٤
ماشي ياريت تقوليلي نظام بس مش عايزه إبان قدمهم اني بعمل دايت لاني بحب ابينلهم اني مش فارقلي
تم النشر الاثنين، ٢٢ يناير ٢٠٢٤
الحل الوحيد لمشكلتك انك تنزلي جيم لانو هيخليكي مستمره في وكمان هيعرفك علي ناس وهيشجعوكي واهتمي باكل الخضروات والفاكهه بدل الشيبسي والاندومي ملهنش فايده واملي لنفسك تحدي كل مره في الجيم تزودي الضغط علي نفسك يعني المده والعبي كرديو المشايه والعجلة ومعاهم شوية تمارين حديد للتحمس مش هتكوني راجل لو لعبتي حديد وبس كده ربنا يسعدك
تم النشر السبت، ٣ فبراير ٢٠٢٤
ممكن تجيبي ادوية سد شهيه ومتكليش بليل وبدلى السكر بسكر دايت واعملى اكل خفيف وانزلى امشى ساعه يوميا
تم النشر الثلاثاء، ٢٣ يناير ٢٠٢٤
• أول خطوة للتَّغيُّر والثقة في النفس أن تضعي كلام الناس تحت حذاءك ، ولا تهتمي لأرائهم ، ستلتزمِي بنظام غذائي لأجل صحتك فقط وليس لأجل أراء الناس ، حاضر سأخبركِ.
تم النشر الثلاثاء، ٢٣ يناير ٢٠٢٤
• إذا لا يعجبك جسمك ، إذًا عليكِ بذل مجهود لكِ تفقدي وزنكِ ، لا يوجد شئ اسمه أريد أن أفقد الوزن بدون نظام غذائي ، لأن أ ب لفُقدان الوزن (النظام الغذائي الصحي) ولابُد أن تمنعي بعض الطعام ، وتُقللي من طعام أخر ، إذا كان لديكِ استعداد سأنصحك إذا لم يكن لديكِ استعداد فلا بأس ، وتقبلي نفسك مثل ما أنتِ بدون أن تقولي أُحرج !
تم النشر الاثنين، ٢٢ يناير ٢٠٢٤
لعرض السؤال في فدني اضغط هنا