مشكلتي اني مش بعرف انسي اي حاجه الشخص الي قدامي آذاني رغم ان الشخص ده انا بحبه جدا وهو بيحبني وبيتصرف معايا بعفويه وبيعتذرلي لما بيغلط لكن انا مش عارفه انسي والمشاكل دي والحاجات دي مأثره ع علاقتي مع الشخص اتمني لو انسي كل ده والحاجات مش كبيره اوي لدرجه انها تعقدرني لكن جرحتني عاوزه طريقه اتقبل الي حصل ده وأنه مش حاجه كبيره
الحمد لله على نعمة الذاكرة القوية. يحضرني هنا المقولة: الأحمق من يسامح وينسى والحقود من لا يسامح ولا ينسى والحكيم من يسامح ولكن لا ينسى! يمكنك أن تضع لنفسك حدودا لتختبر نفسك والطرف الآخر أيا كان، هذا الشخص أو غيره إذا وقع في خطأ جديد يرتكبه في حقك للمرة الأولى، يمكنك إن أردت أن تتجاوز عنه وتلتمس له العذر. إذا تكرر الأمر - حسب رؤيتك لحجم الخطأ - أخبره بوضوح أن هذا الفعل أو القول لا يعجبك ويؤذيك واطلب منه أن ألا يكرره معك. بعد لفت انتباهه، وإذا تكرر الخطأ منه فلك أن تراجع علاقتك مع هذا الشخص مقارنة بحجم الخطأ ووفق رؤيتك. هذه الآلية - وخاصة في الهفوات - ستسمح لك بتجنب الأذى دون فقدان الأصدقاء والمعارف، فما قد أعتبره خطئا عظيما وفعلا شنيعا، قد يكون فكاهة لطيفة في نظر آخر ولا تستدعي الغضب أو حتى مجرد الاعتراض. فإذا نبهته والتزم، كان شخصا حريصا مثلي على علاقتنا، وإلا كان أقل حرصا أو كانت علاقتنا غير متكافئة وربما كان من الأفضل أن تنتهي.
تم النشر السبت، ٨ يونيو ٢٠٢٤
أفهمك تماماً، والأمر مش سهل، لكن فيه شوية خطوات ممكن تساعدك تتقبلي اللي حصل وتعدي الموضوع: الاعتراف بالمشاعر : أول حاجة، اعترفي بمشاعرك تماماً. لو انتي متضايقة أو متألمة، ده حقك. مش لازم تنازلي عن حقك في الشعور، مجرد انك تحسي وتظهري مشاعرك بصدق ممكن يساعدك كتير. التفهم : حاولي تفهمي إن مفيش حد كامل، حتى اللي بنحبهم بيغلطوا. عشان تقدري تسامحي، لازم تفهمي إن الأخطاء دي جزء من الطبيعة البشرية. التواصل : اتكلمي مع الشخص ده بصراحة. قولي له بطريقة هادية إزاي الأخطاء دي آذتك. لما ترتاحي في الحديث، هتحسي بارتياح أكبر. التصالح الذاتي : سامحي نفسك إنك حساسة. مش حاجة وحشة إنك تهتمي وتحبسي المشاعر دي جواك. التصالح مع النفس هو جزء كبير من إنك تقدري تتقبلي اللي حصل. التخلي عن الأمل الزائد : مفيش علاقة مثالية. كل العلاقات فيها مشاكل وأوقات صعبة. لما تتخلصي من فكرة إن العلاقة لازم تكون مثالية، وقتها هيكون عندك توقعات واقعية. التركيز على الإيجابيات : فكري في الأشياء الجميلة اللي عملها الشخص ده ليك وفي الذكريات الحلوة. دي هتساعدك تشوفي الصورة الكبيرة وتعدي الألم. المساندة الذاتية : استخدام التأمل، اليوجا، أو حتى الكتابة ممكن يساعدك تفريغي المشاعر وتحسي بسلام داخلي. طالما هما بيعتذروا وبتحبيهم وبيحبّوكي، فيه أمل دايماً في إن العلاقة دي تتحسن. خدي وقتك وما تتسرعيش في أي قرار. 💖
تم النشر السبت، ٨ يونيو ٢٠٢٤
تم النشر الاثنين، ١٠ يونيو ٢٠٢٤
حبيبي انتي مش هتقبليها بالعافية، كل واحد فينا عنده معيار مختلف عن التاني امتى يكون التصرف دا كبير وامتى يكون صغير وامتى يكون مش مستاهل، بس المعيار دا بيتغير او بيتشقلب مع اللي بنحبهم ومتأكدين انهم بيحبونا وذكرياتهم الحلوة وتضحياتهم عشاننا بتخلينا مانقفلهمش على الواحدة ونسامحهم ونعاتبهم ونتناقش ونعتذر، بس لو كان الانسان اللي قدامنا دا غير كدا ومالوش رصيد عندنا ليه نجبر نفسنا نتقبله؟ فيه الف غير ولو صبرنا هنلاقي احسن منه
تم النشر الأحد، ٩ يونيو ٢٠٢٤
بصي يا ستي انتي ممكن تكوني بتفكري في المشكلة كتييير وتديها اكبر من. حجمها بزيادة ماشي لو دي المشكلة الحل انك تقعدي مع نفسك وتتحاولي تتصالحي مع المشاكل دي ولو منفعش روحي للشخص دا واقعدي اتكلمي معاه واحكيله كل حاجه وهو هيعتذرلك وهتفتحه صفحة جديدة مع بعض لأن ممكن الاعتذار مكنش كافي سعتها انك تستوعبيه برغم أن المشكلة مكنتش كبيرة وانتي بطلي تدي الأمور اكبر من حجمها وتفكري فيها كتييير
تم النشر السبت، ٨ يونيو ٢٠٢٤
تم النشر الأحد، ٩ يونيو ٢٠٢٤
لعرض السؤال في فدني اضغط هنا