السلام عليكم ورحمة الله وبركاته
ممكن بعد اذنكم اللي اتخرجو من كليه العلوم يقولو اى المجالات الكويسه فالشغل بالنسبه للبنت او ايه الكورسات ال ممكن تفيدنى بعد التخرج فمجالات الشغل انا مش عارفه احدد ميولى تجاه مجال معين يعنى تحاليل وال ممكن ادى دروس كيميا وال مممن اشتغل في شركات ايه رجاءً
انا خريجة كلية علوم فى مجالات كويسه كتير بس تقدرى تقسميهم على حسب ما ظروفك الاجتماعيه تسمح لو ممكن تروحى مسافات بعيده ...ممكن تشتغلى فى الجوده او R&D فى المصانع ...تجميل بقى او ادوية او غذاء وممكن مبيعات فى شركات الادوية ....مرتبات عاليه بس شغل اغلبه مسائى وكله بره الشركه لو هتعتمدى على حاجات فى محيط قريب اللى مواعيدها ثابته ...المعامل او التدريس او ممكن صيدليات كمان اللى مواعيدها متغيره وبراحتك اكتر ...الدروس الخصوصية ميزة خريجى علوم انهم يقدروا يتجهوا لاكتر من مجال لان عندهم اساس علمى كويس ....ركزى انك تفهمى عن كل المجالات قبل ما تتخرجى وهتقدرى تحددى ميولك اكتر تجاه ايه لانه هيعتمد على مهاراتك واللى ترتاحى فيه اكتر
تم النشر الخميس، ١٦ يناير ٢٠٢٥
ما هو على حسب انتي تخصص ايه لو تخصص كيمياء مثلا ممكن تعملي دبلومه في التحاليل وبعده كده ممكن تنزلي تشوفي معامل لو انتى حابه مجال التدريس وتقدري تدرسي كيمياء بالانجلش فده يكون احسن من التدريس بالعربي ممكن تاخدي كورس تبع الاكاديميه طرق تدريس علوم بالانجلش وتسمعي فيديوهات بس بالانجلش بردو وتبدأ انك تنزلي مدارس وتحطي سيفيهات وكده انا قصدي لغات مش عربي مدارس بتبقي معظمهم بنات بتشتغل وتعملي دبلومه تربوي عشان في مدارس بتطلبها شايفه شغل الشركات هياخدو ولاد اكتر مش عارفه البنات هيبقى ايه نظام
تم النشر الخميس، ١٦ يناير ٢٠٢٥
وعليكم السلام ورحمة الله وبركاته، أهلاً بكِ في فدني. يُعتبر تخصص العلوم مجالًا واسعًا يتيح لكِ العديد من الفرص الوظيفية، ويمكنك تحديد ميولكِ من خلال التفكير في المواضيع التي كنتِ تفضلينها أثناء دراستك. إليك مجموعة من المجالات التي يمكنكِ استكشافها: البحث العلمي: يمكنكِ العمل في المختبرات البحثية، سواءً في الجامعات أو المؤسسات العلمية. سيساعدكِ ذلك في استكشاف مجالات جديدة وتطبيق ما تعلمتيه. تحليل الكيمياء: إذا كنتِ مهتمةً بعلم الكيمياء، يمكنكِ العمل في مختبرات التحليل (مثل التحليل الكيميائي أو التحليل البيئي). التعليم: إن كنتِ تحبين التعليم، يمكنكِ تقديم دروس في الكيمياء أو المواد العلمية الأخرى للطلاب في المدارس أو المعاهد. الصناعات الكيميائية: العمل في الشركات التي تتخصص في الصناعات الكيميائية، والتصنيع، والتطوير. البيوتكنولوجي: هناك العديد من الفرص في مجال التكنولوجيا الحيوية، والتي تشهد نموًا مستمرًا. الكورسات المفيدة: الكيمياء العامة والمتقدمة: لتعزيز معرفتكِ. المختبرات والتقنيات التحليلية: لتعلم مهارات العمل في المختبر. البرمجة وتحليل البيانات: تعتبر مهارات مفيدة إذا كنتِ مهتمة بمجالات مثل البيوتكنولوجي أو البحث العلمي. إدارة المشاريع: لتعزيز مهاراتكِ في تنظيم وإدارة المشاريع. أوصيكِ بزيارة موقع الجامعة أو المعاهد المحلية لمعرفة الدورات المتاحة وكيفية التسجيل فيها. قومي أيضًا بالبحث عن الفرص التدريبية أو ورش العمل في مجالات مختلفة كي تكتسبي خبرة عملية وتكتشفي ميولكِ. أتمنى لكِ كل التوفيق في مسيرتكِ المهنية. وإذا كان لديكِ أي أسئلة أخرى، فلا تترددي في طرحها.
تم النشر الأربعاء، ١٥ يناير ٢٠٢٥
الشكر لله.. هو حاجة بردو اتواصلى مع صحباتك الى اكبر منك ف الدفعات شوفى مجالتهم إيه اشتغلو فين عملو اى دا هيفيدك جدا.. ولو حابة شغل عموما ظبطى معاهم اى حد عندة فرصة يكلمك...
تم النشر الخميس، ١٦ يناير ٢٠٢٥
تمام شكرا لحضرتك جدا
تم النشر الخميس، ١٦ يناير ٢٠٢٥
اهتمى باللغة والاوفيس دا اساسى.. اتجاهك بقى على حسب انتى ميالة لإيه.. شغل الشركات بيكون اكتر للولاد بسبب قصة الورادى وتقسيمات الشغل وشغل معامل التحاليل دى كويس جدا للبنات بس لو حابة المجال.. الدروس مجال كويس بردو لو عندك مَلكه الشرح وبتعرفى توصلى المعلومة.. كونك فريش ف الاول محتاجة تهتمى باساسيات الكيميا خاصة تحليلة وفيزيائية وحسب كل مجال هتتجهى ليه بتزودى يعنى لو صناعة معينة هتذاكرى الكورس بتاعها لو تحاليل هتذاكرلها البيو كيميسترى.. وهكذا.. وال cv بتاعك تكونى موضحة فيه تدريباتك وكورساتك عشان مع اى انترفيو هتتسألى فيهم..
تم النشر الأربعاء، ١٥ يناير ٢٠٢٥
حاضر جزاك الله كل خير يارب
تم النشر الجمعة، ١٧ يناير ٢٠٢٥
كيمياء اسبيشيال
تم النشر الأربعاء، ١٥ يناير ٢٠٢٥
كيمياء سبشيال ولا صناعى ولا حيوى ؟
تم النشر الأربعاء، ١٥ يناير ٢٠٢٥
كيمياء
تم النشر الأربعاء، ١٥ يناير ٢٠٢٥
قسم ايه ؟
تم النشر الأربعاء، ١٥ يناير ٢٠٢٥
لعرض السؤال في فدني اضغط هنا