انصحوني
انا تعبت اوي في الدراسه عشان ادخل كليه حكومي
بس نصيبي جاني في كليه خاصه انا بحبها بس المشكله انها بمصاريف
المشكله ان الحاله الماديه في البيت حاليا صعبه وانا قلبي يوجعني نفسي اكمل تعليمي
مش عارفه اعمل ايه
عاوزة اكمل تعليمي وفي نفس الوقت مش قادرة اقول لبابا مش عاوزة اضغط عليه لان عارفه الدنيا صعبه معاه
اعمل اي
أجلي سنه. وشتغلي فيها علشان تجمعي فلوس دراستك وحاولي تشتغلي أون لاين في وقت فراغ الشغل الاوف لاين هي هتكون سنه صعبه بس في نهاية هتوصلي لحلمك مككن تشتغلي في تسويق أون لاين وتنزلي تشوفي شغل علي أرض الواقع وهتطلعي صدقيني من التجربة دي قويه وواثقة من نفسك غير إنك هتتعلمي إزاي تشيلي مسؤليتك عشان تهوني علي أهلك
تم النشر السبت، ٢١ سبتمبر ٢٠٢٤
كان الله في العون وربنا ييسر الامور باذن الله ممكن يبقى عندي وجهة نظر مختلفة شوية انتي كبنت مش مطالب منك في الحياة تكسري الدنيا خصوصا ان الحياة بقت صعبة تاني حاجة رفقك بحالة والدك ده ربنا هيجازيكي عليه خير ان كان فيه مجال تاني تقدري تدخليه بدون مصاريف توكلي على الله فيه اراء بتقول انك تشتغلي مع الدراسة لكن ده بيعتمد على حاجات كتير اولهم مصاريف الكلية كام ؟ ووالدك لو ضحى هيقدر يدفع منهم كام ؟وعندك اخوات ولا لا لان بالتبعية الكلية مش مصاريف السنة وخلاص لا ده فيه اكل لبس مواصلات ورق وغيره وغيره كمان لو انتي اشتغلتي هتقدري توفري كام ؟ وبرضو الكلية تاني هتفرق عشان تذاكري وتكملي كويس ما انتي مش داخلة الكلية تشتغلي وتصرفي عليها انتي ووالدك خدي العوامل دي في اعتبارك قبل اي قرار وفي النهاية انتي كبنت هيكون اولويتك ان شاء الله المفروض لبيتك دي حاجة فطرية وطبيعية مش عيب والله ولا حاجة ولو عملتي نجاح في مجال الشغل فده حاجة اضافية لنفسك
تم النشر الأحد، ٢٢ سبتمبر ٢٠٢٤
بصي بس يا قمر انت لو تعرفي تعتمدي على نفسك وتشتغلي وتركزي في دراستك تعرفي تجيبي مصاريفك يبقى انزلي الشغل كملي دراستك في مدرسه خاصه كملي مش هتعرفي تجيبي مصاريفك خشي مدرسه حكومه وكملي وانت برده لو حابه حاجه توصلي لها مهما كانت ايه وربنا يوفقك 🫶
تم النشر الأحد، ٢٢ سبتمبر ٢٠٢٤
اكملى تعليمك فيما هو فى نطاق المقدرة المادية الحالية واحتسبى نيتك برا بوالدك ورفقا به وباذن الله يؤتيكى من فضله وكرمه افضل ما تتمنى اذا استطعتى ان تجدى عملا تتكفلين به بالمصروفات او بجزء منها فتوكلى على الله
تم النشر الأحد، ٢٢ سبتمبر ٢٠٢٤
عزيزتي، أشعر بمشاعرك وواقعك الصعب. من المهم أن تعرفي أن التعليم استثمار كبير في مستقبلك، خصوصًا إذا كنت تحبين الكلية التي تم قبولك فيها. ولكن في الوقت نفسه، يجب مراعاة الظروف المالية لعائلتك. يمكنك اتخاذ بعض الخطوات العملية: التحدث مع أسرتك : حاولي التحدث مع والديك بصراحة حول فرص التعليم ومشاعرك حيال الكلية الخاصة. قد يكون لديهم أفكار أو حلول لمساعدتك. المنح الدراسية : ابحثي عن أي منح دراسية أو مساعدات مالية قد تتوفر للطلاب في الكلية الخاصة التي ترغبين في الالتحاق بها. العديد من المؤسسات توفر دعماً مالياً للطلاب المتميزين. دراسة الخيارات البديلة : إذا لم يكن بإمكانك الالتحاق بالكلية الخاصة بسبب الظروف المالية، يمكنك التفكير في كليات حكومية أو حتى البرامج التعليمية عبر الإنترنت التي قد تكون أقل تكلفة. تحقيق التوازن : إذا كان لديك وقت، يمكنك أيضًا考虑 العمل بدوام جزئي لمساعدتك في تغطية بعض نفقات التعليم. تذكري أن التعليم مهم، ولكن الصبر والتفكير الجيد في الخيارات قد يساعدك في اتخاذ القرار الصحيح. وفقك الله في مسيرتك الدراسية وتمنياتنا لك بكل التوفيق.
تم النشر السبت، ٢١ سبتمبر ٢٠٢٤
اشتغلي معندكيش option تاني وحاولي توفقي مابين الاتنين، وبالتوفيق ليكي
تم النشر الأحد، ٢٢ سبتمبر ٢٠٢٤
اشتغلي جمب الدراسه انا كنت بعمل كدا
تم النشر الأحد، ٢٢ سبتمبر ٢٠٢٤
دوري علي شغل يناسب مواعيدك مع الكليه ووفري منها ع الاقل لبس والكتب ومصاريفك الشخصيه ولو توفر جزء يبقي باقي المصاريف وف الاجازه تجمعي للسنه اللي بعدها
تم النشر السبت، ٢١ سبتمبر ٢٠٢٤
دوري على شغل محترم تساعدي والدك وتشيلي معاه
تم النشر السبت، ٢١ سبتمبر ٢٠٢٤
اعرف معاهِد بتأهِل لِكُليات شوفي الموضوع ده وربنا ييسرلك الحال.
تم النشر السبت، ٢١ سبتمبر ٢٠٢٤
لعرض السؤال في فدني اضغط هنا