بتتصرفوا ازاي مع الاب اللي رافض فكرة الجواز من البنت اللي انت عاوزها لاسباب غير منطقية؟
من قرائتى لكل تفاصيل الامر مع والدك فى تعليقاتك على الاجابات الاخرى اقدر اقولك ان حل والدك انك تتكلم مع احد اصدقائه اللى بيسمعلهم او شخص يكون هو بيحترم كلامه وتخليه يوصله ان حتى لو فى ناس يتخاف منهم فبردوا فى ناس محترمه وان التعميم ممكن بردوا يتعمل معانا كعراقيين فى مواقف تانيه وده مش هيكون عدل ولا حق والدك هيقتنع باذن الله لو جاله الكلام من حد تانى غيرك وممكن تقوله يشوف اى شررط او ضمان يتاكد بيه ان الناس معدنهم اصيل وانت هتنفذه
تم النشر الجمعة، ٢٠ سبتمبر ٢٠٢٤
استخير اولا ، لان ربنا الاعلم فيها خير او لا ودعاء الاستخارة فيه "اللهم قدر لي الخير وارضني به ، واصرف عني الشر واصرفني عنه" .. فاهم حاجة الاستخارة ، ولو فيها خير ربنا ييسر الارتباط ويرضي والدك عن الجوازة ثانيا ، هحاول مرة واتنين وعشرة اكلم بابا واتناقش معاه واحاول افهم منه هو رافض ليه .. اسمع منه من غير اي اعتراض عشان يقول كل رايه بصراحة .. وادي نفسي فرصة افكر في كلامه .. هل فيه اي نسبة من المنطق والحقيقة؟ ثالثا ، هاخد راي ناس كبيرة بردو تانية ، حد من خيلاني او عمامي او صحاب والدي .. واسمع منهم رايهم ، واسالهم لو هما عارفين والدي وفاهمينه وعارفين طريقة تفكيره ، يا ترى هو ليه رافض؟ .. واسمع منهم وافكر في كلامهم كويس .. رابعا .. خليك حيادي ، وكأن واحد صاحبك هو اللى بيقولك رايه ..... فكر بعقلك .. ايه السبب اللي ممكن حد يرفض الارتباط بالبنت او اهلها؟ .. حط عواطفك واعجابك او حبك ليها على جنب ، وبص للموضوع بنظرة العقل والاصول والاخلاق وانك هتناسب العيلة كلها مش بالبنت بس .. واحسبها ماديا كمان ، طلباتهم مناسبة ولا بيغالو في طلباتهم وهيستغلوك او يرهقوك ماديا؟ .. هل الاسباب اللى والدك بيقولها فعلا عنده حق فيها كراجل بيحكم بخبرة السنين وتعاملاته مع الناس .. ولا هو خايف عليك .. ولا هو رايه وتفكيره مختلف عنك وبيشوف الامور من وجهة نظر مختلفة عن وجهة نظرك؟ ... خامسا .. شوف حد يتوسط بينك وبين والدك ويتكلم معاه ويحاول يقنعه .. المهم يكون شخص محترم حكيم وباباك بيحبه وممكن يسمعله .. سادسا .. حاول تستقل ماديا عن والدك خالص في التجهيز وتكاليف الزواج (انا معرفش ظروفك ايه انت ادرى بنفسك) ، عشان قرار الزواج والارتباط يكون قرارك لوحدك في الاخر .. ومن حقك تختار زوجتك بكامل ارادتك ، ووالدك له انك تبره وتطيعه في حدود حياته هو ، وزواجك من البنت دي وارتباطك بيها وارتباطك بالنسب مع اهلها لو مش هيضره شخصيا في حاجة .. يبقى مش من حقه يرفض .. ولكن افضل حاول كتير في اقناعه ومناقشته عشان يبقى راضي ويدعيلك ويبقى جنبك في كل خطوة واهل البنت كمان يبقو مش قلقانين من اي مشاكل بعدين. ربنا يقدرلك الخير ويرضيك
تم النشر الجمعة، ٢٠ سبتمبر ٢٠٢٤
عزيزتي، التعامل مع رفض الأهل زواج ابنهم بمن يرغبون في الزواج منها قد يكون تحديًا صعبًا. إليك بعض الخطوات التي يمكن أن تساعد في معالجة هذا الموقف: الحوار المفتوح : حاولي التحدث مع والدك بصورة هادئة وصادقة. من المهم أن تستمعي إلى وجهة نظره ومحاولة فهم الأسباب التي تجعله يرفض هذا الزواج. قد تكون لديه مخاوف أو تجارب سابقة تؤثر على موقفه. تقديم العقلانية : إذا كانت الأسباب غير منطقية، يمكنك تقديم وجهة نظرك بطريقة تبرز مزايا الشخص الذي تودين الزواج منه سواء من حيث القيم أو الأخلاق أو المستويات الإجتماعية. التوسط من العائلة : في بعض الأحيان، وجود شخص ثالث يؤيد موقفك (مثل قريب أو صديق مقرب للوالد) يمكن أن يسهم في تغيير رأيه. هذا الشخص يمكن أن يشارك في الحوار بطريقة تؤدي إلى فهم أفضل. تقديم الوقت : قد يحتاج والدك إلى بعض الوقت للتفكير في الأمر. حاولي أن تكوني صبورة وأن تتركي له المجال لإعادة النظر في موقفه. الاستعانة بالدعاء : لا تنسي أن تستخدمي الدعاء لله سبحانه وتعالى بأن ييسر لكِ أمركِ ويهدي والدكِ إلى فهم وجهة نظرك. في النهاية، يتطلب الأمر تفهمًا وصبرًا من جميع الأطراف. تذكري أن الحب واحترام العائلة مهمان، لكن يجب أيضًا التفكير في سعادتهما ومستقبل كلّ منكما.
تم النشر الجمعة، ٢٠ سبتمبر ٢٠٢٤
في الغالب الحل النقاش بينكو واسمع اسباب رفضه للموضوع وحاول معاه تاني جايز يقتنع بس والله نصيحه دايما الاهل بيكون عندهم نظرة لقدام وحاجات احنا مش بنبقي شايفينها ولا واخدين بالنا منها ونصيحه لو باباك فضل علي رايه هي صعبه انك تخسر الي بتحبها وكل حاجه ولكن قارنها كده ب رضا اهلك عنك وانك متخسرهمش هتلاقيهم هما اهم وجايز ربنا يهدي الحال بعد النقاش ووجهه نظر والدك تتغير ان شاء الله
تم النشر الجمعة، ٢٠ سبتمبر ٢٠٢٤
لعرض السؤال في فدني اضغط هنا