اخويا من يوم ما خطب مراته وهو بيجى عليا علشانها ويجى على امى وكان ايام الامتحانات يجيب مراته عندنا ومش همه انى اعرف اذاكر ولا لا منهم ومن الصوت وانا مبحبش اذاكر وحد موجود في البيت وكتبت المشاكل بينه وبين مراته ونسايبه وهى وأهلها يدخلونا في المشاكل انا وامى ويغلط فينا واستحمل كتير ضرب من اخويا علشانها لحد ما جتلى حالة نفسية وسواس قهري بقالى ١١ سنة نفسيتي مدمرة من الظلم اللى واقع عليا حولت ابعدها عنى كتير في كل مرة اقبل الصلح بس مش بنسى الغلط اللى غلطته فيا المرادى روحنا انا وامى نصلحها على اخويا عيرتني انا وامى بالمرض ونكرت الخير اللى شافته مننا وقالت مشفتش منكم حاجة حلوة يا ناس يا نكد وقولت لأمها متخليش بتك تيجى عندنا تانى بدل ما اعملها محضر راحت مرات اخويا اتصلت بيا شتمتني شتيمة بشعة وزباله وسجلت الشتيمة والمكالمات وكنت رايحة اعملها محضر سب وقف وتانى مرة تعايرني بالجواز وانى بايرة ومافيش كلب اجرب يرضى يبص في وشى واخويا عايزنى اتصالح معاها ومجبليش حقي منها وانا قولت على موتى انى ادخلها بتنا تانى ونفسيتي في النازل ومديرة بسبب عدم رجولة اخويا ونفسى اتجوز علشان يبقي ليا شقة لوحدى محدش يجلى فيها يوجع دماغى زى اخويا مع انى اتقدملى عرسان وانا من النفسية التعبانة كنت برفض وقدامها رفضت عريس مدير حسابات كان بيتقدملى متعلمين كتير زى بس نصيبي مش مع حد لحد الان هل ده ذنبي انا بعيط كل شوية لانى شايفة ان ربنا شيفني بتعبير وقتها ومش بيجبلى حقي ولا بينصرنى بعريس اتجوزه
انا وقفت عند اخر جمله حقيقي وحضرتك لازم تستغفري منها كتير مشكلة الانسان انه بيشوف الخير والصح بنظرته هو فقط ونظرته بتكون قاصرة جدا مقدرش انكر ابدا انك بتعاني وحاسه بظلم كبير وقهرة شديدة ولكن مفيش حاجه تقول انك حقك هيرجعلك بان عريس يتقدملك او ان انصافك وانتصارك هيكون بالعريس مهو ممكن جدا يتقدملك واحد ويعايرك باي شئ برضه لان ده اوقات بيكون طبع في البني ادم ال قدامك ممكن لو عرف تفاصيل علاقتك باخوك ومراته يفضل يذلك بالنقطه دي ويقولك انه كان له فضل عليكي في تخليصك منهم او يتجرأ عليكي في اي حق من حقوقك وهو عارف ان اخوك مش هيقف له ولا هيصده مثلا فكري ان مش العريس هو الحل ولا المنقذ ولا سبيل النجاة الوحيد من العلاقه المشوهه دي ولكن الحل دلوقتي انه اعتزل ما يؤذيك حاولي اد ما تقدري ما تحتكيش بيهم خالص حتى لو لازم هيجوا البيت ادخلي اوضه واقفلي على نفسك لغايه ما يمشوا اقعدي اقراي قران او استغفري او سبحي لغايه ما يمشوا كمان لازم مامتك يكون لها دور وتسند معاك في الرد والصد وعدم السماح بالتجاوزات دي ياريت لما تتعرضي ليهم في اي وقت او تعرفي انهم جايين رددي الدعاء ده كتير من قلبك ( اللهم يا ولي نعمتي وملاذي عند كربتي اجعل نقمتهم علي بردا وسلاما كما جعلت النار بردا وسلاما على ابراهيم ) الدعاء ده جميل ومريح جدا واثره رهيب لو الموضوع زاد جدا وسبب لك اذى اكبر اعملي محضر واضمني به حقك واحفظي به سلامك النفسي ربنا يصلح لك حالك ويريح بالك
تم النشر الخميس، ١ يونيو ٢٠٢٣
حل الموضوع انتى عملتيه اولا وده حقك انك ترفضى تتعاملى معاها تانى. الاثر النفسي ده هو اللى لازم تبدأى تحليه لان خلاص كل المواقف دى فى الماضى وانتى للاسف لسه متجاوزتيهاش خالص. الكلام اللى مأثر فيكى انتى للاسف مصدقاه بجزء مش صغير جواكى ...انك تقعدى تنفى كلامهم وتبرريه بحاجات فى الواقع ده مش هو الحل ولا اللى هيغيرلك حاجة. محتاجة تعززى ثقتك بنفسك وتتقبلى انتى ظروفك عشان تقبلك ليها هو اللى هيمنع اى حد يفتكرها سلاح يهددك بيه او يضايقك حتى من بعيد بانه يتكلم بيها .
تم النشر الأحد، ٤ يونيو ٢٠٢٣
طيب علفكره انتي تقدري تعملي محضر فعلا اعملي محضر سب وقسف بس خلي بالك ان انتي مسجله المكالمه وده مش قانوني فا الاحسن ان انتي تسمعي التسجيل لحد من صحابك وتجبيها تشهد معاكي علي اساس انها كانت معاكي يومها وممكن تعملي محضر كمان عدم تعدي وهيتسند بمحضر السب والقسف لو اتسبت فعلا انها شتمتك وسعتها هي لو اتعرضتلك تاني تقدري تسجنيها علشان خالفت القانون بس خلي بالك لو اتعرضتلك سعتها انتي تقدري تسجللها صوت او فديو وده هيبقي اسبات حاله وبعد كده روحي لدكتور نفسي اقعدي معاه يحللك باقي مشاكلك وتبقي خلصتي من مشاكلك البتحصل منها
تم النشر الخميس، ١ يونيو ٢٠٢٣
اختصريها تماما .. انتي مش مضطرة تتعاملي مع حد بيأذيكي .. وارجعي اهتمي بنفسك من تاني ولو الموضوع معرفتيش تعمليه لوحدك بسبب الضرر النفسي اللي وقع عليكي .. الجأي لمتخصص .. والجملة اللي انتي قولتيها في اخر كلامك .. انا طبعا مقدرة جدا حزنك ونفسيتك اللي ادمرت .. ولكن ربنا مش بيظلم حد .. اعتبريه ابتلاء وربنا عايز يختبر صبرك على الموضوع ده .. واكيد له حكمة لا يعلمها الا الله .. ف انتي محتاجة دلوقت حاجتين .. اول شئ اقطعي علاقتك بيها .. طالما مش عارفه تحسني كلام معاها .. يبقى اعتزليها تماما. تاني شئ اهتمي بنفسك وبشخصيتك .. ورجعي ثقتك من تاني ف نفسك .
تم النشر الخميس، ١ يونيو ٢٠٢٣
انتي اتصرفتي صح ابتعد عن ما يؤذيك ريحي قلبك وماتفكريش فيها نهائي بس بلاش محضر عشان اخوكي بس حافظي ع التسجيلات واعمللها حظر من كل حاجه وريحي قلبك وحياتك ومن فضلك ماتقوليش تتجوزي مش الحل خالص
تم النشر السبت، ٣ يونيو ٢٠٢٣
دعواتك نفسيتي مدمرة وبعد بكرة رايحة للدكتور النفسي
تم النشر الجمعة، ٢ يونيو ٢٠٢٣
عشانك انتى
تم النشر الجمعة، ٢ يونيو ٢٠٢٣
بصى هو طبيعى لاننا عندنا مشاعر فاتضايقى حقك بس لام تتخطى مع الوقت ..متقفيش عالماضى كتير
تم النشر الجمعة، ٢ يونيو ٢٠٢٣
مع انى منعتها تيجى البيت
تم النشر الجمعة، ٢ يونيو ٢٠٢٣
عندك حق انا بس مش قادرة انسى الغلط
تم النشر الجمعة، ٢ يونيو ٢٠٢٣
مقدرة جدا بس ممكن تعملى لها محضر و ركزى على نفسك سيبك منها خالص كل ما حوشتى جواكى مواقف انتى اللى هتتعبى و هى و لا فرق معاها
تم النشر الجمعة، ٢ يونيو ٢٠٢٣
لعرض السؤال في فدني اضغط هنا