مش قادره اشتغل حاجه مش مقتنعه بيها ولا بحبها دا طبيعي؟!
رغم إنه من الضروري إني اشتغل بس انا جربت شغل كتيييير و اتمرمطت بجد لحد ما اتقفلت و مبقتش عارفه أرضى بأي حاجه ؟!
وأهلي شايفين أن وظيفه معينه مناسبه ليا وانا مش مرتاحه فيها لأني جربتها و مش هقدر اقدم فيها حاجه و للأسف هو دا الشغل اللي معروض عليا دلوقتي بس هو زي الجبل على قلبي مش عارفه اعمل ايه افيدوني أفادكم الله
وللعلم أهلي ليهم سيطرة كبيره اوي علي دراستي و اختياراتي وكل اختياراتهم ليا خسرت فيها صحتي وسنين من عمري عشان اعدي حاجه مبحبهاش و للأسف محدش ساعدني في حاجه بحبها و لما حاولت اشتغل حاجه بحبها حاربوني دل ماينصحوني و يقفوا ف ضهري الحمد لله
أحيلك بشدة لمشاهدة هذه المحاضرة الفارقة في تغيير القناعات والفكر ورقة وقلم وكتابة العناصر الرئيسة مع التفكير الناقد والله يتولاك ويرعاك رابط المحاضرة https://youtu.be/jiCezbNBNQE?feature=shared
تم النشر الاثنين، ٢٧ يناير ٢٠٢٥
عزيزتي، مما لا شك فيه أن شعورك بعدم الرغبة في العمل في مجال لا تحبينه هو شعور طبيعي، ويعكس حاجة الإنسان الطبيعية للشعور بالارتباط والاهتمام بما يقوم به. من المؤلم أن تجد نفسك في موقف تضطرين فيه للعمل في شيء لا تجدين فيه شغفك أو قناعتك، وهذا يمكن أن يؤثر على صحتك النفسية وسعادتك بشكل عام. من المهم أن تتذكري أن الحياة تتطلب أحيانًا اتخاذ قرارات صعبة. ربما تحتاجين إلى إجراء محادثة صادقة مع عائلتك حول مشاعرك واحتياجاتك. حاولي أن تشرحي لهم أن العمل في مجالات لا تثير شغفك قد يؤدي إلى تدهور حالتك النفسية، وأن الرضا عن العمل هو جزء مهم من الاستقرار والسعادة في الحياة. إن كان الأمر ممكنًا، افحصي أفكارك حول مجالات العمل التي لستِ مقتنعة بها وابحثي عن اهتماماتك وشغفك. يمكنك التفكير في تطوير مهارات جديدة أو البدء بمشاريع صغيرة في المجالات التي تهمك حتى يمكنك تداول الأمور بشكل أفضل. تذكري أن حياتك هي لك ولستِ ملزمة لتلبية توقعات الآخرين على حساب صحتك النفسية وسعادتك. يمكنك دائمًا البحث عن الدعم من أصدقاء موثوقين أو متخصصين يمكنهم مساعدتك في توجيه مسارك المهني بما يتناسب مع اهتماماتك. استمعي إلى نفسك وأعطي نفسك الوقت اللازم لاكتشاف ما هو مناسب لك، وكوني صبورة مع نفسك في هذه الرحلة. وفقك الله ورزقك التوفيق في اختيار ما يناسبك.
تم النشر الاثنين، ٢٧ يناير ٢٠٢٥
حتى انا نفس طريقتك
تم النشر الجمعة، ٣١ يناير ٢٠٢٥
جائز تكونى لسه مش شايفة نتائج اختيارات اهلك بس غالبا الأهل دائما بيحبوا الخير لأولادهم ، اتركيها لله اولا واى حاجة تعمليها استخيرى ربنا الاول
تم النشر الثلاثاء، ٢٨ يناير ٢٠٢٥
حبيبتي شعورك طبيعي جدا بس احيانا الأهل بيكونوا شايفين حاجة احنا مش شايفينها وهما اول ناس يتمنولك الخير حاولي تتكلمي معاهم وتقوليلهم قد اي نتي محتاره بطريقتهم دي وتقنعيهم بالحاجة ال نتي حباها وهما ان شاء الله هيوافقوا وان شاء الله خير
تم النشر الاثنين، ٢٧ يناير ٢٠٢٥
إيه الغلط في الكلام اللي بالسؤال؟ هو نفس اللي انتِ كاتباه في التعليق.
تم النشر الاثنين، ٢٧ يناير ٢٠٢٥
مش قادره اشتغل حاجه مش مقتنعه بيها ولا بحبها دا طبيعي؟! رغم أنه ضروري إني اشتغل بس انا جربت شغل كتيييير و تممطت بجد ما اتقفلت و مبقتش عارفه ارضي بأي حاجه ؟! وأهلي شايفين أن وظيفه معينه مناسبه ليا وانا مش مرتاحه فيها لأني جربتها و مش هقدر اقدم فيها حاجه و للأسف هو دا الشغل اللي معروض عليا دلوقتي بس هو زي الجبل على قلبي مش عارفه اعمل ايه افيدوني أفادكم الله وللعلم أهلي ليهم سيطره كبيره اوي علي دراستي و اختياراتي وكل اختياراتهم ليا خسرت فيها صحتي وسنين من عمري لأن بحاول اعدي حاجه مبحبهاش للأسف و محدش ساعدني في حاجه بحبها و لما اشتغل حاولت اسعي في حاجه بحبها وقفوا ف طريقي بدل ماينصحوني و يقفوا ف ضهري الحمدلله
تم النشر الاثنين، ٢٧ يناير ٢٠٢٥
ليه الكلام مكتوب غلط في طرح السؤال ؟!
تم النشر الاثنين، ٢٧ يناير ٢٠٢٥
لعرض السؤال في فدني اضغط هنا