السلام عليكم
هو انا لو بعت رسايل لواحد خاين ظلمني وغدر بيه وانا كنت في يوم مراته بس هو طلع بني ادم معندوش اصل واني بحسبن عليه وعلى اذيته وظلمه ليا وكتبت له اني بكرهه ومش مسامحة هيكون رد فعله اي وممكن يندم ولاتفكيره هيكون ازاي
وعليكم السلام بلاش تعملي كدا؛ يعني فيه كل الصفات دي وظلم وغدر زي مابتقولي وخان العشرة وهينزل اللين على قلبة من رسالة؟!! ببساطة لو عملتي كدا اما هيفكر انك عايزة ترجعي اما هيستمتع لإنه وصل لهدفه وخلاكي في الحالة دي. نصيحتي: اتخطي، ركزي مع نفسك، عيشي بنفسك ولنفسك، عادي كان تجربة فاشلة وانتي صلحتيها، الدنيا مابتقفش على حد. لو فضلتي عايشة في الماضي هتضيعي الحاضر والمستقبل، اشتغلي، ابني نفسك وانجحي ماتوقفيش حياتك عليه
تم النشر الأربعاء، ١٩ مارس ٢٠٢٥
أقدر مشاعرك وغضبك تجاه هذا الشخص ولكن، أخبريني عن سبب رغبتك في مراستله؟ لمجرد انه يحسبالذنب فقط؟ ولا عشان ايه؟ عايزة تعاطف منه؟ عيزاه يرجع لك؟ يعاملك وحش ويؤذيك تاني؟ يحسسك بمشاعر دونية؟
تم النشر الجمعة، ٢١ مارس ٢٠٢٥
في الاغلب مش هيهتم اصلا وزي معمل معاكي كده هيعمل مع غيرك نفس الحركة لكن مش هتعدي كده والدنيا هتلف وتدور وهيحصل فيه زي محصل فيكي المهم انها تجربة واتعلمتي منها انك تنقي الشخص الصح وان شاء الله ربنا يرزقك يالزوج الصالح وتعيشو حياة سعيدة
تم النشر الخميس، ٢٠ مارس ٢٠٢٥
عليه او اني اقول له اني مش مسامحاه ده مش معناه ان هو هيرتجع يعني مش بالضروره خالص فمش محتاجين ان احنا نجرب التجربه دي لكن انت محتاجه تشوفي انك احتياجك انت الشخصي في انك تعبري عن وجعك عبري عنه ولو بعتي الرساله دي بس عشان تعبري عن وجعك فانا بقول لك ابعتيها لكن لو هيكون ده هدفها الوحيد لكن لو هدفها. كي يكون في احتماليه ان الشخص ده يندم على فعلته فانت كده ترتاح نفسيا فلا زي ما كل نصايح قالت لك ما تبعتيهاش لانه الاحتمال هنا ضعيف ان الشخص بسبب بس كلمه انا مش مسامحاك يعني يرتجع او يندم على اللي هو عنده.
تم النشر الجمعة، ٢١ مارس ٢٠٢٥
وعليكم السلام ورحمة الله وبركاته، أفهم تمامًا مشاعرك تجاه هذه التجربة المؤلمة التي مررت بها. من الطبيعي أن تشعري بالاستياء والغضب بسبب الخيانة والظلم. عندما تخبرين شخصًا أنك تكرهينه ولا تسامحينه، فإن ذلك قد يكون تعبيرًا عن الألم والخيانة التي شعرت بها. أما بالنسبة لرد فعل الشخص الآخر، فإنه يعتمد على طبيعته وشخصيته. فقد يشعر بالندم أو الذنب إذا كان من النوع الذي يقدّر العلاقات الإنسانية. ولكن بالمثل، يمكن أن يتجاهل الأمر أو يبرر أفعاله، خصوصًا إذا كان شخصًا لا يُظهر تخوفه من مشاعر الآخرين. المهم هنا هو تركيزك على تعافي نفسك وإيجاد طرق للتعامل مع مشاعرك. فاتهام الشخص لن يغير من الواقع أو يعيد لك ما فقدته. كوني قوية واهتمي بنفسك، وحاولي الابتعاد عن الأمور التي تؤذيك. قد يكون من المفيد أن تتحدثي مع شخص تثقين به حول مشاعرك لمساعدتك في تجاوز هذه الفترة الصعبة. أدعو لك بالتوفيق في رحلتك نحو الشفاء والسلام الداخلي.
تم النشر الأربعاء، ١٩ مارس ٢٠٢٥
ولا هتستفادي حاجه يا غاليه . انتي بتقولي خاين لو كان كويس عمره ما كان فرط فيكي ولا سابك والعكس صحيح مفيش ست اصيله تتخلى عن زوجها بردو. قربي من ربنا واكيد ربنا يعوضك خير عن كل حاجه وحصلت معاكي وتذكري الناس معادن في الذهب وفي الصفيح ولكي الاختيار وبالتوفيق في حياتك المستقبلية
تم النشر الخميس، ٢٠ مارس ٢٠٢٥
شخص زي ده مش هتفرق معاه واحد عمل كل ده يبقي معندوش لا مشاعر ولا صمير ولا حاجة ومش بعيد يشوف المسدجس بتاعتك بعديها يبلكك ومش هيرد عليك لان هو كده
تم النشر الخميس، ٢٠ مارس ٢٠٢٥
هل هتفرق معاه ؟! هل هيحس بحاجة مع احترامي لحضرتك لو كان فارق معاه اللي بينكم مكنش خان ولا طلقك لو كان فارق كان حاول يصلح اللي بينكم ممكن تقوليله اللي انتي عاوزاه بس رده وقتها عليكي هتتحمليه هل هتتحملي عواقب رد الفعل او رد الفعل نفسه اسألي نفسك الاسئلة دي وشوفي نفسك
تم النشر الخميس، ٢٠ مارس ٢٠٢٥
هل هتفيد ؟!
تم النشر الخميس، ٢٠ مارس ٢٠٢٥
لعرض السؤال في فدني اضغط هنا