السلام عليكم
لو سمحتوا صاحبتي من المنصورة بتدور علي شغل
هي في كلية صيدلية وكده للأسف هي دورت علي شغل كتير
كل واحد يقولها إما خبرة إما تستمر وتكون متفرغة
وللأسف النصب في الشغل كتير و ساعات بيبقي فيه معاملة مش كويسة خالص
هي صعب تستمر في الشغل في الدراسة واكيد انتو عارفين صيدلة قد ايه كلية صعبة وكده
ف ممكن حد يقترح حل كويس للموضوع ده هي محتاجة تشتغل ضروري وكده
فيه مهارات ممكن تتعلمها وتشتغل اونلاين مثلا ؟
يا ريت حد يساعد ممكن نعمل ايه وكده
وللعلم أنها مش هتقدر تسافر خالص في أي مكان عشان تشتغل أو تروح اماكن بعيدة
مرحبًا، بالنسبة لشغل الأونلاين بما إنها يُعتبر تبع المجال الطبي فالمهارات اللي ممكن تطورها وتشتغل فيها أونلاين. *كتابة المحتوى الطبي. *الترجمة الطبية سواء تحريري أو فوري. *التكويد الطبي. *فيه كورسات للتأمين الصحي لو ممكن تحب تشتغل في حاجة زي دي. إذا هي لها اهتمامات تانية خارج المجال الطبي ممكن تشوف هي بتحب إيه وتبدأ تبحث عن كورسات تنمية المهارة دي وفرص العمل فيها أونلاين. مثلًا لو بتحب الجرافيك ديزاين أو التصوير أو الكتابة بشكل عام مش بس المحتوى الطبي ممكن تتعلم أي مجال منهم وتشتغل فيه. واليوتيوب ومواقع الكورسات المجانية والمدفوعة كتير على النت وهتلاقي كل اللي تحتاجه. بالتوفيق لك ولها إن شاء الله.
تم النشر الثلاثاء، ٢ يوليو ٢٠٢٤
وعليكم السلام ورحمة الله وبركاته، طيب، أول حاجة برافو عليكِ إنك بتدوري على حلول لصاحبتك وبتساعديها. فهمتك كويس إن صيدلة كلية صعبة ومحتاجة تفضي وقت كبير للدراسة. والحمدلله دلوقتي في فرص وشغل كتير أونلاين. هقولك على شوية حلول واقتراحات ممكن تفيدها: الكتابة والتدوين : لو عندها موهبة في الكتابة، ممكن تشتغل ككاتبة محتوى أو مدونة. في مواقع زي "مستقل" و"خمسات" بتوفر فرص كويسة. التدريس والدروس الخصوصية : ممكن تدي دروس خصوصية أونلاين في مواد هي شاطرة فيها، سواء كانت مواد صيدلة أو حتى مواد تانية. تصميم الجرافيك : لو عندها حس فني، ممكن تتعلم تصميم الجرافيك وتبدأ تشتغل حسب الطلب. في برامج ممكن تتعلمها زي Photoshop وIllustrator. الأبحاث وترجمة : بما إن دراستها في مجال علمي، ممكن تساعد في كتابة الأبحاث أو الترجمة العلمية. التسويق الرقمي : ممكن تتعلم التسويق الرقمي وإدارة صفحات السوشيال ميديا. الأهم من كده إنها تبدأ بشيء تحبه وتستمتع بيه لأن ده هيسهل عليها الاستمرار والتطور فيه. وكمان تحاول توازن بين شغلها ودراستها علشان ما تتعبش. انشالله تلاقي فرصة مناسبة وتقدر تحقق أهدافها. بالتوفيق لصاحبتك! 🌸
تم النشر الثلاثاء، ٢ يوليو ٢٠٢٤
تمام شكرا جدا يا د.امينة
تم النشر الثلاثاء، ٢ يوليو ٢٠٢٤
تم النشر الثلاثاء، ٢ يوليو ٢٠٢٤
لعرض السؤال في فدني اضغط هنا