السلام عليكم
حصلت على مجموع 74,8%
اى الكليات الخاصة المتاحة ؟
واى أفضل الكليات الحكومى اللى تنصحونى بيها وليها مستقبل ؟
وعليكم السلام! ألف مبروك على المجموع. بالنسبة للكليات الخاصة، في كتير من الخيارات المتاحة لمجموعك، زي كليات الهندسة الخاصة، كليات العلوم الإدارية، كليات الحاسبات والمعلومات، وغيرها. أما بالنسبة للكليات الحكومية، في كليات زي: كلية التجارة - مستقبلها جيد وممكن تلاقي شغل في مجالات كثيرة. كلية الآداب - إذا عندك ميول للأدب أو اللغات. كلية الهندسة - دائمًا لها مستقبل ممتاز. كلية العلوم - لو بتحبي المواد العلمية. اختاري اللي يناسب اهتماماتك وطموحاتك، ومش تنسي كمان تشوفي سوق العمل بعد التخرج! بالتوفيق!
تم النشر الأربعاء، ٧ أغسطس ٢٠٢٤
أعتقد الأفضل إنك تنتظري نتيجة التنسيق وبعدين تعملي قائمة بالكليات الحكومية أو الخاصة (إذا قررتِ دخول واحدة) وبعدها تشوفي طبيعة الكليات ودراستها ونوع مناهجها وتشوفي انتي يناسبكِ إيه أكتر. إيه اللي انتي تحسي إنه أقرب لميولك واهتماماتك وهتقدري تدرسيه من غير ما تحسي بضغط نفسي أو كره للمجال. انتي هدفك من دخول الكلية إيه؟ هل عشان بعد كده بتدوري على توظيف أو فرص عمل كويسة فيكون ده تركيزك تشوفي الكليات اللي لها مستقبل في التوظيف؟ تشوفي هل هتقدري فعلًا تكون دراستك فارقة في حياتك وهتنجحي فيها وتعملي فرق ولا هتكون مجرد دراسة وزيها زي غيرها. رتبي أفكارك وأهدافك وحسب نتيجة التنسيق اختاري بعد كده الأنسب لك. أما فكرة إن كل حد يقترح اقتراح هو شايفه صح وغيره شايفه لا مش مناسب دي ممكن تحيرك أكتر وممكن كل الخيارات اللي يقترحوها متكونش مناسبة لك في الآخر. بالتوفيق إن شاء الله.
تم النشر السبت، ١٠ أغسطس ٢٠٢٤
انتى علمى ولا أدبي ومن اى محافظة
تم النشر الأربعاء، ٧ أغسطس ٢٠٢٤
علمى علوم محافظة القليوبية بس مش فارق معايا لو كلية بعيدة
تم النشر الأربعاء، ٧ أغسطس ٢٠٢٤
لعرض السؤال في فدني اضغط هنا