إنا عندى اكتيأب ومخنوق من الدنيا وعندى صعوبة فى التنفس
مينفعش ابدا تشخص نفسك بانك عندك اكتئاب .. من مجرد شوية مشاعر حزن. الاكتئاب له اعراض كتيرة .. والاعراض ديه لازم تستمر معاك لمدة معينة من الوقت، والتشخيص له اساليبه عموما علشان نقدر ساعتها نقول ان حضرتك عندك اكتئاب. ف رجاءا بلاش تشخص نفسك بأي مرض نفسي. اما لو حضرتك روحت لاخصائي نفسي وتم تشخيصك بالاكتئاب فعلا .. فهل مثلا العلاج معه مفيش منه اي نتائج ولم تتحسن؟ اما لو كانت هذه مجرد حالة معينة طرأت عليك .. عرفنا انت ليه حزين؟ وايه اللي حصل علشان توصل للمرحلة ديه؟
تم النشر الخميس، ١٢ يناير ٢٠٢٣
ممكن تسجل الحجات الي مدايقاك ومسببالك الاكتئاب لانك كده بتفرغها وتفريغ المشاكل والمكبوتات نص حل المشكله حاول يكون ليك صديق او شخص مقرب احكيله مشاعرك الي مدايقاك بأستمرار واطلب منه انه دايما يشجعك تخرج تمارس رياضه متقعدش في البيت كتير ويدعمك نفسيا ومتقعدش في اوضتك كتير وتنعزل عن باقي البيت قدر المستطاع كون مع اهلك غير الوان لبسك بحيث تكون الوان فاتحه واهتم بأكلك وعدد ساعات نومك تكون غالبا من ٦ ل ٩ ساعات نوم واعمل تمرين التنفس بأستمرار وده بيكون عن طريق اخذ النفس بهدوء وكتمه لثواني بعد كده تخرجه من الفم بهدوء وتكرره ١٠مرات في البدايه بعد كده ٢٠ مره لحد متنظم نفسك وتتخلص من صعوبه التنفس
تم النشر الخميس، ١٢ يناير ٢٠٢٣
اعمل حجامه وارقي نفسك واذكر ربنا كتير واقرأ قرآن كتير حتى لو مش مركز
تم النشر الخميس، ١٢ يناير ٢٠٢٣
بص طبيعي جدا ان احنا نحس بالخنقه والضيقه بس الاهم ان احنا مانطولش حاول انك تخرج نفسك من المود ده انك تعمل اي حاجه هبله مثلا روح ملاهي وخرج السلبيه اللي جواك اجري في الشارع بالليل وزعق اي حاجه لو في امكانيه تروح بحر مثلا اشتري اكل بتحبه في حاجات كتيرر حلوه ركز عليها ودايما ادعي ربنا انه يزيح عنك الهموم
تم النشر الجمعة، ١٣ يناير ٢٠٢٣
غير جو ممكن تسافر لحد من قرايبك، أو حتي انزل تتمشي ساعتين كل يوم في وسط البلد حتي لو هتشتري حاجه، كلم واحد صاحبك و حاولوا تخرجوا، اتعلم حاجه جديدة، شوف ايه مخوفك و عاملك ضيق تنفس و واجهه، لو ضيق التنفس سببه برد او مرضي عامة روح اكشف او عرف اهلك انك محتاج عناية طبية، أو بطل سجاير لو سببه التدخين، صلي بانتظام و اذكر ربنا بانتظام، فكر في حاجات بتحبها تفرحك، اعمل عزلة ربع او نص ساعة مع نفسك و اقعد اسرح في اي حاجه المهم تخرج من المود و توصل لمرحلة ارتياح جسدي نفسي، ربنا يفرح قلبك و يشرح صدرك. جرب تروح مكتبة تقرأ اي حاجه او شوف مواقع كتب و اتعلم حاجه جديدة او حتي نزل رواية و اقراها.. جرب تقرأ حاجه لأحمد خالد توفيق
تم النشر الخميس، ١٢ يناير ٢٠٢٣
لعرض السؤال في فدني اضغط هنا